Ngandamnak Lei Riantuannak Hna
Na ngandamnak hi a biapituk. UNHCR-ah minkhumh cangmi ralzam le dornak a sawk liomi hna nih mipi ngandamnak lei riantuantu bu sin ah i thlawpbulnak hmuh khoh a si.
A Dot Khatnak Zohkhenhnak
A hmasa bik i thlawpnak timi cu na zawt tikah i piah/thlawp dingin na kal tawnnak siikhaan hna khi a si. Na damlo ahcun siikhaan ah nan kal hmasa ding a si. Zawtnak tamdeuh cu siikhaan nih an zohkhenh (thlawpbul) khawh ko.
UNHCR card asiloah dornak a sok liomi catlap (asylum-seeker letter) a ngeimi na si ahcun Siizungpi ah a ummi Cozah siikhan a simi hna – Klinik Kesihatan le A Leng Mizawt Zohnak (OPD) hna nih Ramdangmi hna an lak zat hna in 50% in an thlawpbul.
Ralzam le dornak a sawkmi (asylum seeker) paoh nih damlo tikah NGO siikhaan zongah i piah dingin kan in forhfial hna. NGO Siikhaan nih cun UNHCR card asiloah catlap a ngeimi siseh a ngeilomi zong siseh mizaw paohpaoh a cohlan ko hna.
Ralzam caah sii thlawp man tthumh dingin lungtlinnak a ngeimi pumpak nih ngeihmi siikhaan (private clinic) zong an um. Mahcu siikhaan hna cu hika cahmai ahhin langhter chih an si. Naupawimi zohnak (nu naupawimi hna), nau zeizatdah kan ngeih lai i zeitluk hlat in dah nau kan ngaih lai tiah tinhmi ngeih i zulh ningcang family planning service siseh, zunthlum le thikai hna zong hika siikhaan ahhin i thlawpbul khawh a si.
Pumpak ngeihmi siikhaan a simi hna biana ah Qualitas le Care Clinic i na kal tikah UNHCR ca a ngeimi na si lo ahcun nan community card asiloah NGO catial piakmi kha nai ken lai.
Mahhi siikhaan ah nan zawtnak an zohtu siibawi te nih siizung ah zoh na herh ko an in ti ahcun siizungpi kalnak ca an in ttialpiak lai..
NGO Siikhan Hna Le An Rianttuanning Hna
Hi ka NGO siikhan min hna ahhin na kal kho. A tanglei min hna hi hmet law an konglam le an umnak hmunhma, telephone number, email, an hawn caan le rianttuan caan hna na theih khawh lai.
- Jalan Pudu > Tzu-Chi Free Clinic
- Klang >Tzu Chi Free Clinic
- Selayang >Tzu-Chi Mobile Clinic
- Brickfields > Health Equity Initiatives
- Brickfields > ACTS Clinic – Arrupe
- Sentul > Community Health Care Centre (CHCC) / PT Foundation
- Sentul > HOPE Worldwide Free Clinic
- Butterworth > Klinik Mewah 6
- Ampang > Klinik QFFD – MERCY Malaysia
- Kajang > Klinik QFFD – MERCY Malaysia
- Selayang > Klinik QFFD – IMARET
- Kota Tinggi > Klinik QFFD – IMARET
- Sg Petani > Klinik QFFD – MRA
- Seri Kembangan > Klinik Amal Muhajir
- Subang Jaya > Klinik Kecheerian
Malaysia ngandamnak lei zohkhenhnak hna
Mahhi hna hi Peninsular Malaysia ah a ummi hna ngandam lei zohkhenhnak le tlawpbulnak an umnak hmunhma hna an si.
A Dot Hnihnak i Zohkhenhnak
Na sining a zualhma deuh tikah siizung i specialist (paraku) sin ah tthial na si lai. Asiloah, siizung ah ihter na si lai.
UNHCR ralzam sinak card asiloah dornak a sawk liomi catlap a ngeimi na si ahcun Cozah siizungpi ah cun Ramdangmi hna an lak ning zat in 50% lak na si lai.
Siizung i thlawpbulnak hi a man a fak khomi a si nain UNHCR nih a ri a khiahmi le sining zohpiak in bawmnhchanhnak a pek ve hna.
Siizung ah thlawpbulnak le khuaihlai a herhmi hna caah UNHCR he pehtlaih in rian a ttuanmi hawi -IMARET (Islamic Medical Associatio of Malaysia Response and Relief Team) hna sin ah bawmhnak hal khawh colh a si.
Zaangfahnak in na zawtnak he ai pehtlaimi cahnahcatlap hna he hi ka kan langhter ning hin bawmhnak halnak caah pehtlaihnak na tuah khawh hna.
Email: referralunhcr.imaret@gmail.com
Hotlines/WhatApp:
1. 017-6085803
2. 017-6085814
3. 017-6085823
Bawmhnak halnak cun Health Referral Commitee nih pawm ding le pom loding bia khiahnak a tuah lai i UNHCR ngandamnak lei zohkhenhnak phungning tein biachahnak a tuah lai.
Committee ahhin UNHCR aiawhtu hna le NGO bu 3 telh in sii lei riantuantu hna le sii lei si loin riantuantu a dang hna he a lamkip zohpiak le tuaktanpiak an si.
Theih dingmi: Atu lioah cun kal rian a tuan kho lomi hna caah a hehrmi kal thi thianthernak lei thlawpbulnak caah bawmhnak kan pe kho lo. Lung a ttha lomi khuaihlainak, thihri pawl remh thannak (angioplasty), le cancer zawtnak cu funds kan hmuhmi zohchih in bawmhnak pek a si lai.
Malaysia ah Naungaihnak
Naungaihnak caah UNHCR nih phaisa lei in bawmhnak kan pe kho lo. Naungeimi nu hna i zohkhenhnak le naungeih caah ralzam le dornak a sawk liomi chungin naungei dingmi hna nih cun ramdang mi hna nih a dihlak an liam zat liam ve dingin timhtuahnak an ngeih a herh. Sining hoih in Cozah siizung ah naungeih man hi aa dang kho cio, a tanglei langhtermi hi a tlangpi a dih dingmi a si tiah ruahdamhmi a si:
Zaangfah tein na theih dingmi cu mahhi hna hi ruahdamhmi an si i, cozah siizungpi nih a donghnak bik a man an khiahmi a si lo kho. Naupawi lioah zawfak in a ummi hna le thinphang dirhmun ah a dirmi hna nih cun ngandamnak lei riantuantu hna nih ruahnak an in pek hna ning tein caanhman tein i zohkhenh le i thlawpbul a biapi taktak. Ralzam le dornak a sawk liomi hna nih cun i tlawpbulnak le i zohkhenhnak ah NGO siikhan hna hi nan fuhpanh ding a si i a cunglei kan langhtermi phone number ahhin phaisa lei bawmhhalnak caah IMARET chawnh khawh a si. NGO siikhan hna ahhin Family planning lei riantuannak le ruahnak peknak hna zong a um chih.
Na fa a chuah cangka in fale a chuakkami benhnak kongah Na Fa Benhnak timi ah khan va lut/ ozh law na UNHCR file ah na fa na benh.
