Ralzam le dornak a sawk liomi hna nih nan UNHCR card/catlap nan thlau tikah Refugee Malaysia website i hmahi form ahhin nan card/catlap nan thlaumi kong thawng nan thanhnak lai UNHCR nih theihter kan in duh hna.
Nan UNHCR card/catlap nan thlau ruangah palik report ca nan lak hrimhrim a herh lem lo. Nan card/catlap nan thlaumi kong Refugee Malaysia website ah thawng nan thanh hnu cun UNHCR zung ah rat i card/catlap thar pek dingin thla khat cung ah UNHCR nih an in pehtlaih hna lai. Na card/catlap voi khatnak tam na thlau a si ah cun catlap lawng pek na si cang lai.
Refugee Malaysia website ah card/catlap na thlaumi kong thawng na thanh hnu ah reference number an in pekmi kha tha tein na fim lai. Voi khat thawng na thanh hnu cun na thanh chap ti lai lo, zeicatiah zung na rat dingmi a tlaiter khawh. UNHCR card/catlap peknak kongah hrawkhrawl tuahmi hmuh sual a si ahcun hlathlai khawh na si.
Na card/catlap thlau ruangah palik report ca na ngeih lo zong ah a thar pek thiam na si ko lai. Palik si report pek na duh ahcun palik sin ah na chimmi bia kha a dik ning tein na chim hna lai. Hrawkhrawl na chim ahcun Malaysia upadi ningin misual na si lai, sualphawt na si lai caah thla 6 thong dan asiloah thla 6 thong dan le RM 2,000 liamter khawh na si. Hibantuk hrawkhrawl le sualnak kongah tlaihkhih le thongthlak na ton sual ahcun UNHCR nih a rak in tawlrel lai lo.