Ngandamnak Lei Riantuannak Hna
Ngandamnak lei zohkhenhnak cu Malaysia ah a ummi paoh nih hmuh khawh a si ko nain ralzaam le dornak a kawlmi hna nih man an pek a hau tawn. Cozah ngandamnak hmun, mipi siizung telh in, UNHCR ah min cazin a khumhmi ralzaam le dornak a kawlmi hna cu ramdangmi man 50% tuhumhh in man an lak hna. Ralzaam le dornak a kawlmi hna nih a tanglei ah langhtermi NGO siizung hna zong an kal kho, cu hna nih cun man tlawm deuh an lak nain a hrampi zohkhenhnak lawng an pek, a sullam cu sizung um a hau lomi ngandamnak riantuannak hrampi hna an si.
A tanglei thawngpang nih hin Malaysia um ralzam le dornak a kawlmi hna nih zeitindah a hrampi zohkhenhnak le a dohhnihnak zohkhenhnak hi (sizung um a herhmi zawtnak a zualhmami hna caah) an hmuh khawh lai, cozah ngandamnak hmun ah ralzam le dornak a kawlmi hna caah man loin riantuannak zeidah a um, cun cu ahcun ralzam le dornak a kawlmi hna nih zeitindah an hmuh khawh timi a fianter dornak a kawlmi hna nih fa hrinnak caah timhtuahnak an ngeih awk a si.
A Dot Khatnak Zohkhenhnak
A hmasa bik i thlawpnak timi cu na zawt tikah i piah/thlawp dingin na kal tawnnak siikhaan hna khi a si. Na dam lo ahcun, ngandamnak zohkhenhnak siizung ah na kal hmasa awk a si. Na zawt tuk tiang hngak hlah, zeicahtiah cu tikah sizung ah a man a fak deuhmi thlopbulnak na herh men lai. A hrampi zohkhenhnak siizung hna nih ngakchia caah raise kham sii chunh, nau hrin hlan zohkhenhnak (nau a pawi liomi nu caah), chungkhar timhtuahnak riantuannak, le zunthlum le thikai thlopnak zong an pek tawn hna. Ngandamnak zohkhenhnak siizung phun thum an um:
- cu hna cu, Cozah ngandamnak hmun – Kesihatan sekhan a si lo ah Outpatient Departments (OPD) Cozah sizung hna an si.
Hi cozah ngandamnak hmun hna nih ralzam le dornak a kawlmi hna caah a hrampi zohkhenhnak rian an pek hna, asinain UNHCR ah min cazin ai khumhmi pumpak hna caah ramdangmi mantumh piakmi 50% tluk man in an pek hna. UNHCR ah min cazin ai khumh lomi pumpak hna cu ramdangmi a man khiah piakmi a zat tling tein lak an si. UNHCR ah min cazin a khumhmi pumpak hna cu cozah ngandamnak zung ah sii an pek hna tikah, ramdangmi dang sin ah ni 5 chung sii an pek tawnmi nakin, sii tling tein pek khawh an si. Sii tling halnak caah hi MoH cakuat hi na hmuhsak khawh.
- NGO sii-khan
A tanglei NGO siizung hna nih ralzam le dornak a kawlmi hna caah man tlawmte in a hrampi zohkhenhnak rian an pek hna. Cheukhat nih cun na umnak he aa naih deuhmi mobile siizung zong an ngei; na caah aa tlakmi hmun ah mobile siizung an tuah maw ti hal awkah direct in pehtlaihnak tuah hna.
Hi hna hi NGO Sii khan hna ahhin na kal khawhnak ding min hna an si. Address, phone nambar, email, riantuan caan le riantuannak kong tam deuh theih na duh ahcun hmet.
- Jalan Pudu > Tzu-Chi Free Clinic
- Klang >Tzu Chi Free Clinic
- Selayang >Tzu-Chi Mobile Clinic
- Brickfields > Health Equity Initiatives
- Brickfields > ACTS Clinic – Arrupe
- Sentul > Community Health Care Centre (CHCC) / PT Foundation
- Sentul > HOPE Worldwide Free Clinic
- Butterworth > Klinik Mewah 6
- Ampang > Klinik QFFD – MERCY Malaysia
- Kajang > Klinik QFFD – MERCY Malaysia
- Selayang > Klinik QFFD – IMARET
- Kota Tinggi > Klinik QFFD – IMARET
- Sg Petani > Klinik QFFD – MRA
- Seri Kembangan > Klinik Amal Muhajir
- Subang Jaya > Klinik Kecheerian
- Private Sii-khan
Pumpak siizung cu na hrangah a nai bikmi zohkhenhnak hmun a si kho men, asinain cozah asiloah NGO siizung nakin man tam deuh a lak men lai. Ralzam le dornak a kawlmi hna caah an man tlawmter dingin lunglawm tein hnatlaknak a tuahmi pumpak siizung cheukhat, Qualitas Health Group, Care Clinic le Global Doctors ah aa telmi siizung hna telh in (sizung umnak hmun caah link pawl kha hmet). Mah pumpak siizung tam deuh nih cun UNHCR ca asiloah community card asiloah cakuat telh in zeibantuk hngalhternak ca paoh kha an cohlan.
A Dot Hnihnak i Zohkhenhnak
A dot hnihnak zoh khenhnak timi cu, pakhatkhat nih sizung ah thlopbulnak asiloah operation tuah a herhmi hna hi an si. Mah cu mawtaw asiloah riantuannak hmun accident bantuk sii lei emergency asiloah fahnak ruangah a si kho, asiloah siizung nih an in zohkhenh khawh lo ahcun a hmasa ii an in zohkhenhnak siizung nih a pahnihnak zohkhenhnak caah an in kuat khawh. Hliamhma fakpi le damlonak na ngeih ahcun, a nai bik cozah sizung i Accident and Emergency (AE) Department ah a rannak in sii lei bawmhnak na kawl awk a si.
Cozah siizung ah, UNHCR Zungluh min cazin ah khumhmi ralzam le dornak a kawlmi hna nih min cazin peknak man MYR 50 an pek a hau. Ralzam le dornak a kawlmi hna nih siizung ah thlopbulnak caah sii zung um a herhmi hna nih cun MYR 700-1,400 kar deposit na chiah a herh lai. Na dirhmun zeitluk in dah a zual timi cungah aa hngat in, sizung ah thlopbulnak man cu tangka chiahmi nakin a tam deuh men lai. UNHCR ah min cazin a khumhmi ralzam le dornak a kawlmi hna cu ramdangmi man 50% thumh in a man an lak hna nain UNHCR catlap a ngei lomi pumpak hna cu ramdangmi pekmi ningin a man dihlak an lak hna.
UNHCR nih a dot hnihnak i Zohkhenhnak caah bawmhnak a pek
A dot hnihnak i zohkhenhnak man cu ralzaam le dornak a kawlmi hna caah a man a fak tuk kho. UNHCR le kan hawikom hna nih a rannak bik le nunnak caah tihnung bik zawtnak a ngeimi ralzaam le dornak a kawlmi hna caah a pahnihnak zohkhenhnak bawmhchanhnak caah tangka tlawmte lawng an ngei. A dot hnihnak i zohkhenhnak man pek awkah bawmhnak na herh ahcun, UNHCR’s a riantuan tii hawi – Malaysian Relief Agency (MRA) sinah direct in halnak na tuah khawh. Na ngandamnak he aa pehtlaimi bawmtu ca pawl he a tanglei hotline asiloah email address in MRA kha direct in pehtlaihnak tuah.
Hi hotline hi ngandamnak zohkhenhtu/NGO hawikom/ralzaam le dornak a kawlmi hna nih sii lei bawmhnak lawng hal le hlat hlai khawhnak ding caah a si. Zung luh min cazin khumhnak le ramthumnak lei kalnak ding ah hal awkah hi hotline hi pehtlaihnak tuah hlah.
Phaisa a tlawm caah, halnak tlawmte lawng cohlan a si lai. Cohlannak cu UNHCR le NGO 3 in sii lei le sii lei a si lomi aiawhtu hna in dirhmi Ngandamnak Referral Committee nih hmunkhat ah biachahnak an tuah.
Philh lo ding: MRA nih kal riantuan khawh lonak caah thi thlennak a herhmi thil pakhat hmanh a bawmh kho hna lo. Lung operation, angioplasty, le cancer thlopnak hmuh khawhnak zong tangka hmuh khawhnak cungah aa hngat lai.
Cozah Ngandamnak Zung ah Man Lo Riantuannak
Ralzam le dornak a kawlmi hna nih cozah ngandamnak zung ah ramdangmi hna nin a man an pek tawn bantuk in a man pek a si tawn nain , Ngandamnak Vuanci Zung (MoH) nih Malaysia ram ah a tanglei ngandamnak riantuannak a kawlmi paoh caah man a lak hna:
- Chawnh khawhmi zawtnak thlopnak
A tanglei zawtnak hrik a ngeimi tiah lunghrinhmi asiloah fehtermi ralzaam asiloah dornak kawlmi paoh nih cozah ngandamnak zung ah man loin thlopbulnak an kawl khawh:
- Yellow fever
- Ebola
- Ngal-eu zawtnak
- Raifanh Zawtnak
- Paleih zawtnak, zu hrik nih a kalpi zawtnak phun
- Typhoid
- Tuberculosis (a hmasa bik sii caah lawng)
- Tlangrai cumpi phun dangdang
- Polio
Chawnh khawhmi zawtnak caah man loin thlopbulnak hmuh khawhnak ding caah cozah ngandamnak hmun ah hi MoH circular hi na zoh ter khawh.
- Hngakchia caah polio raise khan sii
Ralzam le dornak a kawlmi ngakchia kum 7 le a tanglei hna cu cozah ngandamnak zung ah Hexaxim fonhmi (6-in-1) Raise kham sii kha man loin an hmuh khawh, min cazin le sii chunhnak man pek hau loin. Hexaxim rai khamnak sii nih ngakchia pawl kha zunthlum zawtnak, zunthlum zawtnak, zunthlum zawtnak, zunthlum zawtnak B, poliomyelitis le Haemophilus influenzae type B (Hib) nih a chuahtermi zawtnak hna in a huhphenh hna. Cozah ngandamnak hmun ah man loin Hexaxim raise khan sii halnak caah hi MoH circulara hi na hmuhsak khawh.
Malaysia ah Naungaihnak
Naungaihnak caah UNHCR nih phaisa lei in bawmhnak kan pe kho lo. A ttha tein nau ngeih cu nau a pawi liomi nu caah UNHCR ah min cazin khumh colh a herhmi sii lei dirhmun a si lo. A sullam cu ralzaam le dornak a kawlmi hna nih fa an ngeih lai nain UNHCR ah min cazin an khumh rih lomi hna nih cozah ngandamnak hmun ah nau hrin hlan zohkhenhnak le nau hrinnak zohkhenhnak caah ramdangmi man tling tein pek ding in timhtuahnak an ngeih awk a si. Cozah sizung ah a dihlak man cu case pakhat cio ah aa dang ko nain, a tanglei ah hin tuakmi man cu an um:
Zaangfah tein na theih dingmi cu mahhi hna hi ruahdamhmi an si i, cozah siizungpi nih a donghnak bik a man an khiahmi a si lo kho.
Tihnung le a harmi nau ngeihnak caah, ngandamnak zohkhenhtu hna nih ruahnak an cheuh ning in a caan hmaan tein zohkhenhnak hmuh a biapi tuk. Ralzam le dornak kawlmi hna nih tihnung le a harmi nau ngeih khawhnak ding caah NGO siikhan ah an kal awk a si i a cunglei pehtlaihnak hna hmangin phaisa bawmhnak caah MRA kha pehtlaihnak an tuah khawh.
Ralzam le dornak a kawlmi hna nih NGO siikhan ah chungkhar khuakhannak bawmhnak an hal khawh. Nau ngeih hlan zohkhenhnak zong ralzam le dornak a kawlmi hna caah Qualitas Medical Group Antenatal Screening Package zawng sii khan ahhin hmuh khawh a si, cu hna nih cun nau hrin hlan zohfelnak Package an pek hna.
Na fa a chuah cangka in fale a chuakkami benhnak kongah Na Fa Benhnak timi ah khan va lut/ ozh law na UNHCR file ah na fa na benh.
Ngandamnak lei he ai pehtlaimi thilri
Tuberculosis Webinar
Health Services Webinar