A bawmchantu Lam
A bawmchan tu lam timi cu ralzam hna le dornak a sawk liomi hna caah ramdang lei ah an luh khawhnak ding ca le an umnak dingah a himmi lam pakhat a si. An mah le an ram cio in cubantuk in caan ttha hman in pawm khawhnak ding caah tahfung an ngei. UNHCR nih kuat piak hua loin Ralzam hna le dornak a sawk liomi hna nih direct in an sok khawh. UNHCR a rian cu caan tha a hmumi hna theihpinak pek, tahfung zoh piak le a sok tu hna hmai lei phungning tein an kal khawhnak hnga, an konglam he ai khat tein thawngthanhnak a pek chan tu a si. UNHCR nihin pumpak pakhat caah a sok piak hna lo, a si lo ah hibantuk caan tha an hmuh khawhnak caah kalnak a soktu hna cu a buaipi hna lo.
Ai tlak dingin sial piakmi lam (i kawh auhnak) hna hi Ram thumnak i a um ciami chungkhar a si lo ah hawikawm nih a herh dingmi sohluah an rak tuah a herh. A bik in lam dang a si lo ah programme in auhnak tuah na duh deuh a si ahcun, Ram thumnak ah a ummi hna kha pehtlai hna law an cozah a si lo ah ral zam a bawmtu hna bu (NGOs) hna sin ah pehtlaihnak ka tuah piak uh na ti khawh hna. soknak na thehluh hnu cun, pehtlaihnak a ngeimi Tan-zung/High Commission hna sin ah bawmhnak na hal hna lai.
Malaysia in chuahnak lamhruainak
Australia kalnak ah na complementary pathway soknak cu cohlan a si ahcun, Malaysia in zeitindah na chuah khawh lai ti hngalh awkah UNHCR Zung, Nikhatni in Ningani tiang (8 a.m. in 4 p.m.) ah va kal.
Australia ram si loin ram dang ah hlawhtlinnak a hmumi lamthluan soknak na ngeih ahcun, Ramthumnak ah chuahnak le chuahnak ah zeitindah an in bawmh khawh lai ti hngalh awkah International Organization for Migration (IOM) kha va fuh hna. IOM Kuala Lumpur kha +603 9235 5400 ah pehtlaihnak tuah in asiloah IOM Zung ah naih khawh, Zarhpini in Ninga ni tiang (zinglei 8 in zanlei 4 tiang).
UNHCR asiloah IOM na fuh tikah, soknak ca le cohlannak kong he aa tlaiin a dirkamhtu ca vialte, cun a um ahcun cozah nih a langhtermi le khualtlawnnak he aa pehtlaimi ca pawl zong na langhter a hau, e.g. na rammi passport le a cohlangtu ram nih an pekmi visa. A BIAPI: UNHCR le IOM na fuh hna hlan ah vanlawng ticket reserve le cawk lo ding in kan in nawl hna. Malaysia na chuah khawh hlan ah zulh dingmi thil tampi a um, cun na ruah ning in an kal lo ahcun na vanlawng ticket cu a dih sual lai. Cun, IOM nih na chuahnak le chuahnak a bawmh khawh nakhnga, IOM nih na vanlawng ticket caah a chiahmi le a dihmi a si awk a si i.e. bawmhnak caah IOM nih a pekmi thilri ah vanlawng ticket chiahnak le cawknak aa tel a hau. A donghnak ahcun, UNHCR asiloah IOM he nan i ton hlanah na vanlawng ticket kha chiah asiloah cawk cu ramthumnak ah phungning tein um khawhnak caantha sungh a si kho.
Chungkhat i ton thannak.
A tang lei langh termi ram hna hi Ralzam chungkhar caah i ton thannak caan tha a pe tu hna ram hna an si. Hi ram hna ahhin na chung le an um i, inn chungkhar i ton thannak programme hmang in an mah sin ah i fonh khawhnak ding le an in bawmh khawhnak dingah thawngpang tamdeuh theih na duh a si ahcun, ram a min zawn ahhin hmet.
Canada’s Pumpak in ralzam bawmhnak (PSR) Programme
Canada nih ralzam pawl pumpak bawmhnak (PSR) program nih a rammi le zungzal khuasa mi hna kha ralzam pawl Canada ah i thial khawhnak ding caah bawmh khawhnak a pek hna. Canada Cozah le UNHCR Canada website ah theihternak tuah khawh a si. Cun, Official Youtube video zong na zoh khawh: Ralzam pawl pumpak bawmhnak: A hmaanmi hngalh!
Sihmanhsehlaw, Immigration, Refugees and Citizenship Canada (IRCC) nih PSR Program tangah Groups of Five le Community Sponsors hna sin in soknak thar cohlannak kha caan karlak ah a ngol cang ti kha philh hlah. Hi phunglam cu 31 December 2025 tiang a um lai. Bawmhnak hnatlaknak a ngeimi hna cu hi dinhnak nih a hnorsuan hna lai lo. Thawngpang tam deuh theih na duh ahcun, zaangfahnak tein zoh: Canada.ca phu nih ralzaam bawmhnak soknak cohlannak kha caan karlak ah an ngol.
Cu karlak ah, UNHCR Malaysia nih “Groups of 5 (G5)” bawmhnak soknak caah ralzaam sinak tehte halnak ca a hmuh peng. UNHCR Malaysia nih hibantuk theihpinak caa a si lo ah zeibantuk caa hmanh a pe hna lo ti zaangfahnak in rak thei. Canadian Cozah tu nih G5 sohhlua a tuah tu ralzam pumpak pakhat sining dirhmun tu kha UNHCR sin ah direct in a hmanmi an si maw si lo ti hlatnak a tuah.
USA’s Pumpak in i bawmnchanhnak Program – Welcome Corps
US Cozah nih U.S. Refugee Admissions Program (USRAP) cu ngol dingin thawng a thanh. Mah nih hin Welcome Corps kalning ah ralzaam pawl zong a hnorsuan hna. A dang theih na duh ahcun hika hi hmet.
Australia’s Special Humanitarian Programme (SHP)
Australia rammi sinak a ngeimi hna le an bu-tlang hna nih Ralzam pumpak in i auhnak (SHP) Australia’s Special Humanitarian programme hmangin ralzam hna cu Australia ah rak i thial dingin bawmhnak an tuahpiak khawh men hna. Thil si ning theih chap na duh ahcun Australian Cozah website ah tampi rel khawh a si.
I kawh auhnak hmailei a kal khawhnak ahhin Ralzam ah cohlan cangmi hna bawmh ding ah UNHCR Malaysia nih Australia Hight Commission he caan hmantein i chawnhbiaknak a tuah peng.
Ramthumnak lei Fim cawnnak Caan tha hna
Ai tlak dingin sialpiakmi lam hna ruangah cheu khat ralzam hna cu ramthumnak an phak tikah fim cawmnak lei an thangcho ngai. UNHCR Caan tha hmuhnak hna platform nihhin ralzam hna caah a sangmi cawnnak, thiamnak thanter le thiam ngai in cawnmi than choter nak hna caah phung ning in theihpinak tuah dingmi thil hna cazin a pek hna Biachimnak donhhlei ah tuahdingmi tarlanghmi vialte cu UNHCR nih fianternak a tuahdih cangmi a si. Malaysia a si lo ah ram dang lei ah hmailei na caah cawnnak kawl duhnak na ngeih a si ahcun, hika ahhin hmet.
UNHCR nih Sianginn kainak visa soknak a bawm hna lo ti zaangfahnak in rak thei. Malaysia ram in a leng lei university(Sianghleirun) nih an in cohlan a si ahcun, sianginn kainak visa sohhlua na soknak inntek ram tanzung a si lo ah High Commission hna sin ah pehtlaihnak na tuah hna lai.
Rian i thialkam khawhnak
Ai tlak dingin sialpiakmi lam hna chungah hin rian i thialkam khawhnak programmes hna zawng ai tel chih. Hi bantuk caan ahhin, ralzam pakhat nih ramthumnak company tiangin riantuan dingah cohlannak an hmuh i cu ramah tlawn le luh khawhnak caah bawmh chanhnak an hmu.
Cheukhat bu a si mi Talent Beyond Boundaries le TalentLift (Canada), nihcun ralzam hna caah online in rian an thiammi lak le ram thumnak ah rian sok khawhnak caan tha an tuah piak hna. Hi rian dirhmun hna ahhin a sangmi i zuam cawhnak a um kho mi a si ti rak thei peng.
Talent Beyond Boundaries (TBB) (Ramri lawnh tiangin thiamnak a ngei mi)
Caan rem caan tha tampi hmuhnak caah, Talent Beyond Boundaries’ Caan tha hmuhnak hna page ahhin zaangfahnak in rak zoh. Caan tha hmuhnak a dang soknak caah cun, Talent Catalogue ahhin min cazin na khumh ta a herh lai cun Caan tha hmuhnak hna page ah kir than. Talent Beyond Boundaries’ online platform ah min cazin khumh le TBB’s riantuannak hman hi rian pakhatkhat ca i a min aa pemi hna caah man lo a si ti, zaang fahnak in rak thei.
TalentLift (Canada)
Canada ram ah riantuan ding hmunhma a ngeimi hna cu ralzam laknak ding caah hin bawmtu an i, TalentLift (Canada) cu vawleicung-amiak a la lomi rian au tu agency a si. Canada ram Vawleicung rian peknak le zungthiam laknak visa a kawl mi hna caah talent platform ahhin Rian pakhatkhat ca i a min ai pe mi hna nih min cazin pek khawh a si.
Theih peng ding: Rian pakhat khat ca i a min ai pe mi hna zapi caah Talent Beyond Boundaries’ online platform le TBB’s riantuannak cu man lo a si.
Train-To-Hire Pilot Project: Australia ram ah Riantuantu Tthialnak Lam
UNHCR and IOM are working together on a pilot project called “Train-To-Hire”, which explores a labour mobility pathway for skilled refugees to access employment opportunities in Australia.
Hi project nih aa tinhmi cu thimcia mi hna kha Australia ram chung rian cheukhat ah riantuannak caah a timhtuah khawhnak ding caah thiamnak cawnnak pek ding a si.
Theihding:
-
- Thimnak cu aa thawk rih lo.
- Atu lio ah soknak le duhnak langhternak kan cohlang hna lo.
- Hihi pilot project a si caah, minung tlawmte lawng ruah an si lai.
- Atu dirhmun ah hi caantha kong hi UNHCR le IOM zung ah va kal hlah u.
A herhmi thiamnak le thiamnak telh in a tawinak in a um tikah kan i hrawm lai. A tharchuahmi hna caah hi webpage hi zoh lengmang dingin kan in forh.
Theih awk a biapi mi cu:
-
- ‘Train to Hire’ ah i telnak cu man pek hau loin a si.
- Ahohmanh nih thim si awk le zohkhenhnak ttha hmuh awkah tangka an pek kho lo.
- Hi program luh khawhnak caah ahohmanh nih tangka asiloah bawmhnak a hal ahcun, lih a si i report tuah colh ding a si. (Fraud and Corruption | Refugee Malaysia ah a tawinak in zoh).
- UNHCR nih hlennak, eihmuarnak le ziaza rawhralnak phunkip cungah zero-tolerance policy a ngeih.
Information on other labour mobility opportunities can be found on country-specific websites:
Australia: Ralzam zungthiam Labour Agreement Pilot
Canada: Canada: Sipuazi tthanchonak lam hneksaknak Economic Mobility Pathways Pilot (EMPP)
Bawm chantu Lamthluan he aa pehtlaimi thilri hna
Bawm chantu Lamthluan Webinar