Bu caah A Thahnem Dingmi Bawmchantu Hna
Mahhi cahmai hi ralzam hna he rian a tuanmi bu hna caah le ai tlakmi thawngpang kawlnak caah tinhmi a si. Ralzam hna hrawmh ve dingah tiin a thahnem dingmi pawl kan khawmhsuat hna. Mahhi link hi copy tuah law pehtlaihnak ah nan hman tawnmi hmangin ralzam hna kha hei hrawmh ve hna.
UNHCR Verify Plus: Card Thar A Dik/ Diklo zohnak App
UNHCR Verify Plus hi app thar a si i, Google Play Store le Apple Store ah manpek hau loin download khawh a si. Mahhi App hin zeibantuk UNHCR card paoh a dikmi si le si lo na zoh khawh. Tamdeuh in na theih khawhnak ding caah a tanglei hi hmet.
Refugee Malaysia Website Hman Ningcang (video)
COVID-19 nih sining aa khat lomi minung hna hi phun dandang cio in a den hna. Zawtnak nih a denmi hna mi tam u cu din tein an zawt hnu ah zualhma tuk lem loin an zaw i siizung ah um loin an dam than.
Refugee Malaysia Website Hmanthlak
Website hmannak ding caah web address le QR code telh in holh dangdang phun 12 in langhtermi Refugee Malaysia website hmanthlak. Hmanthlak hi digital in hman khawhnak ding caah copy law save asiloah print tuah dingin ah a tanglei ah chiahmi PDF version hi download.
Ralzam Biafang Hrilhfiahnak
Updated: 27 April 2021
Ralzam hna dirhmun le sining kong he pehtlai in 1951 Convention i a hran rak tial a si thok in a biapimi zulhphung le zohchunh dingmi ca hna cu Mirang ca in rak tial a si. Cubantuk cun Malaysia ah UNHCR nih a riantuannak chung vialte ah cozah, mipi le ralzam bu hna tha tein i pehtlaih le i chawnhbiaknak ding caah Mirang le Malay holh hi Zung nih a hman ve.
Malay holh in ralzam biafang he pehtlai in hmanmi biafang hna an i dan ning theihpi in UNHCR nih Ralzam Biafang Hrilhfiahnak: Malay Holh in Aa Pehtlaihmi Calehmi hi a tuah. Mirang holh in hman cemmi biafang hna kha UNHCR nih Malay holh le ca leiah a thiamsangmi hna sinah miphun holh sawhsawh men i hman khawhnak ding caah leh dingin a pek hna. Ralzam kong he pehtlai in ceihhmainak ahhin hman cemmi biafang a tlangpi in 3,000 hrawng khomhsuat i lehmi a si.
Mahhi calehmi hna hi UNHCR nih a zohthan thawn i Malay holh nawlngeitu Dewan Bahasa dan Pustaka nih an hmanmi calehmi an zohchih. Ralzam Biafang Hrilhfiahnak hi hman cuahmah liomi a si i a caancaan te ah zoh than le tharchuah than a si.