တင်နင်တံမူလ သွက်ဂကောံဂမၠိုင်
မုက်လိက်ဏံဂှ် ရန်တၟံကဵုဂကောံကၠောန်မံင်ကမၠောန် သွက်ကောန်ဒဒှ်ဒိုက်ဂမၠိုင် ကေုာံ ဂွံဂၠာဲတင်နင်ပရူ မဆက်စပ်ဂမၠိုင်ရ။ တံရိုဟ်တင်နင်ဂမၠိုင်ဂှ် ရန်တၟံကဵုသ္ဂောံပါ်ပရံကဵု ကောန်ဒဒှ်ဒိုက်ဂမၠိုင်တုဲ ယူအာန်အုက်ချ်သဳအာ ပကောံပကေဝ်လဝ်ကဵုတုဲတုဲရ။ ယူအာန်အုက်ချ်သဳအာ စၞောန်ထ္ၜးလဝ်ကဵု ကူဆာဲကေတ်လေန် သွက်တင်နင်တံမူလ ကေုာံ ပွမပါ်ပရံကဵုလဝ်လေန်ဏံ သွက်ကောန်ဒှ်ဒဒိုက် နကဵုပရေင်ဆက်စၠောံပက္ကတိဇကုရ။
UNHCR Verify Plus အာပ်ပၠဳခေယှေန်တၟိ သွက်ဂွံစၟဳစၟတ်ကာဒ်
UNHCR Verify Plus ဏံဂှ် ဒှ်အာပ်ပၠဳခေယှေန်တၟိမွဲတုဲ လ္တူဂူကေလ်ဖၠေသတိုဝ် Google Play Store ကေုာံ အာပ်ပဝ်အပ်သတိုဝ် Apple App Store တေံဂှ် တံင်ဂြဲကေတ်မးမး မကလိဂွံမာန်ရ။ နကဵုအာပ်(App)ဏံဂှ် ကာဒ် UNHCR လဵုမွဲဒှ်ဒှ် ဇကုစၟဳစၟတ်ဂွံမာန်ရ။ သွက်တင်နင်ပရိုင်ပဵုတုဲကလိဂွံမာန် ပ္ဍဵုသ္ကုတ်သၟဝ်ဏံညိ။
(ဗဳဒဳယိုဝ်) ဗီုလဵုဂွံသုင်စောဲ ဝါပ်သာက်ကောန်ဒှ်ဒဒိုက် ကၟိန်ဍုင်မလေဝ်ယှာ
ယဲကပ်ခိုဝ်ဝေဒ်-၁၉ ဝွံ ကၠောံထၞာန်အာကဵု မၞိဟ်တၞဟ်ခြာဂမၠိုင် နကဵုဗီုပြင်နဲကဲတၞဟ်ခြာဂမၠိုင်ရ။ မၞိဟ်ယဲကၠောံလဝ် ဗွဲမဂၠိုင်ဂှ် ဇၞော်သၠုဲပ္တိတ်ဏာကဵု ယဲၜိုတ်ဓမ္မတာဒှ်တုဲ သီုကဵုဟွံဒးတိက်မံင် ပ္ဍဲရုင်ဂဥုဲမွဲသာ် ယဲဗၠးအာရ။
ဖတ်သတာဝါပ်သာက်ကောန်ဒှ်ဒဒိုက်ဍုင်မလေဝ်ယှာ
ဖတ်သတာဝါပ်သာက်ကောန်ဒှ်ဒဒိုက်ဍုင်မလေဝ်ယှာ နကဵု ၁၂ ဘာသာ သီုယၟုဝါပ်သာ် ကေုာံ QR ခုက် သ္ဂောံလုပ်စိုပ်ဝါပ်သာက် မဒှ်ရ။ တၞဟ်နသ္ဂောံသုင်စောဲ နကဵုရုပ်ဓာတ် ဂိုင်စွံလဝ်ဗီုရုပ်တံဂှ်တုဲ ဟွံသေင်မ္ဂး သွက်သ္ဂောံပြေန်ပ္တိတ် နူသၟဝ်ဏံဂှ် တံင်ဂြဲကေတ် ဖိတ်သတာလိက်တၞး PDF ဝှဴညိ။
ဝေါဟာရကောန်ဒှ်ဒဒိုက် Lexicon
တင်နင်ပရူ မကလေင်ထပ်ပ္တိုန်လဝ် ၊ စၟတ်တ္ၚဲ 27 ဂိတုဨပြေယ် သၞာံ 2021
1951 Convention (ခန်ဝါန်ယှေန်) မချူဓဇက်လဝ် ဆေင်စပ်ကဵု ကဆံင်စၟတ်ကောန်ဒှ်ဒဒိုက်ဂမၠိုင်ဂှ် မူဝါဒပၟိက်ဇၞော် ကေုာံ တင်စၞောန်ထ္ၜး လိက်စၟတ်ထံက်ဂလာန်ပၟိက်ဇၞော်ဂမၠိုင်ဝွံ ဇၞော်မောဝ်သၠုင်ပ္တိုန်လဝ် နကဵုဘာသာအၚ်္ဂလိက်တုဲတုဲ မဒှ်ရ။ ဗွဲမတုပ်သၟဟ် အလုံမွဲဒမြိပ် ပရေင်ကမၠောန် UNHCR ပ္ဍဲကၟိန်ဍုင်မလေဝ်ယှာဝွံ ရန်တၟံကဵုပရေင်ဆက်ဆောံဆက်စၠောံ သ္ဂောံစိုပ်တရဴ ကရောံအလဵုအသဳ၊ ညးဍုင်ကွာန် ကေုာံ သ္ဇိုင်ဂကောံမၞိဟ် ကောန်ဒှ်ဒဒိုက်ဂမၠိုင်တုဲ ရုင်ယူအာန်အုက်ချ်သဳအာ သုင်စောဲလဝ် ၜါဘာသာ အၚ်္ဂလိက် ကေုာံ မလေဝ် မဒှ်ရ။
ပွမသ္ပစၟတ်သမ္တီ ဝေါဟာရ မဆေင်စပ်ကဵု ကဆံင်ကောန်ဒှ်ဒဒိုက် မဟွံတုပ်သၟဟ်ဟာဒၟံင် ပ္ဍဲဘာသာ မလေဝ်ဝွံ UNHCR ဇၞော်မောဝ်ပ္တိုန်လဝ် ဝေါဟာရကောန်ဒှ်ဒဒိုက်၊ ပရေင်ကၠာဲစၠောံဘာသာ စပ်ကဵုဝေါဟာရ မဆက်စပ်ဂမၠိုင် နကဵုဘာသာမလေဝ် မဒှ်ရ။ တၞဟ်နသ္ဂောံရီုဗင် ပရေင်ကၠာဲစၠောံဘာသာ နဇိုင်နတဲ သ္ဂောံသုင်စောဲအာ နကဵုအရေဝ်ဘာသာ ကောန်ဂကူမဂၠိုင်တုဲ UNHCR စၟဳစၟတ်စံၜတ်လဝ် ဝေါဟာရမပြာကတ်ဂမၠိုင် နကဵုဘာသာအၚ်္ဂလိက် ကေုာံ ချဳဒရာင်လုက်စုက်လဝ် ကရောံကုပူဂိုလ်မစိုန်သ္ကီု နဲကဲပညာပ္ဍဲကၟိန်ဍုင် ညးမဒှ်ကောန်ဂကူမလေဝ် ဇေတ်ဇေတ် မဒှ်ရ။ ပ္ဍဲပရေင်သဳကၠဳ လ္တူကိစ္စအကာဲအရာ ကောဒှ်ဒဒိုက် မခၞံချူ ကေုာံ မကၠာဲစၠောံဘာသာဝွံ ဝေါဟာရသုင်စောဲ ကြပ်ၜိုတ် ၃၀၀၀ မ ဗွဲဓမ္မတာ သုင်စောဲမံင်မဒှ်ရ။
UNHCR ကလေင်သ္ၚဳဂၠိပ်လဝ် ပရေင်ကၠာဲဘာသာ တံဏံဂမၠိုင်တုဲ စၞောန်ဏာလဝ်ကဵု ပရေင်ကၠာဲဘာသာ မသုင်စောဲမံင် နကဵုညးတာလျိုင်မလေဝ် မၞုံယၟု Dewan Bahasa dan Pustaka မဒှ်ရ။ ပွမသုင်စောဲဝေါဟာရ ကောန်ဒှ်ဒဒိုက် Lexicon ဝွံ ဒှ်တၞးလိက်စၟတ်ထံက်ဂလာန် မံင်စံင်တန်တဴ မ္ဒးကလေင်သ္ၚဳဂၠိပ် ကေုာံ မ္ဒးကလေင်ထပ်ပ္တိုန်တၟိ မဒှ်ရ။