ပွမချူပလံင်ပ္တိုန်လိက် သွက်ပရေင်အာတ်မိက် ပၠောပ်စရင်ရဳဂျေတ်သတာကီု သွက်ပရေင်ဖျေံသ္ဇိုင်ဍုင်သ္အာင်ကီု သ္ပဂုဏ်တုဲ ဟွံဒးဆက်ချူပ္တိုန်လိက် ဟွံသေင်မ္ဂး ညးလဵုမွဲဒှ်ဒှ် သီုကဵုကောန်ဂကောံဂကူဇကုတံဂှ် ဟွံဒးကဵုသြန်ရ။ တၞဟ်နသ္ဂောံအာတ်မိက် စၟတ်တ္ၚဲချိင် ပၠောပ်စရင်ရဳဂျေတ်သတာဂှ် သ္ပဂုဏ်တုဲ သုင်စောဲဝှမ် အာတ်မိက်ပ္တိုန်စရင်ရဳဂျေတ်သတာတၟိ နူဝါပ်သာက်ကောန်ဒှ်ဒဒိုက်ဍုင်မလေဝ်ယှာညိ။ ပ္တိုန်လဝ်တုဲမ္ဂး မဂၞန်နိဿဲကလိဂွံလဝ်တံဝွံ ဂိုင်စွံစၟတ်သမ္တီလဝ် ကဵုချိုတ်ပၠိုတ်ညိ။ အ္ခိင်ညးတာလျိုင် အာတ်မိက်ဇကု သွက်သ္ဂောံသ္ပပရေင်စၟဳစၟတ်မ္ဂး ထေက်ကဵုဒးထ္ၜးမာန်ဏောင်။ နဲကဲဗီုဏံဝွံ သ္ပဏာကဵု ရုင်ယူအာန်အုက်ချ်သဳအာ ကလေင်ကဵုဏာသွဟ် သွက်တင်အာတ်မိက်ဂမၠိုင် ပဵုတုဲလောဲသွာရ။ စၟတ်တ္ၚဲချိင်ဂမၠိုင်ဝွံ ၜိုတ် ယူအာန်အုက်သဳအာ သၟဟ်အစောံမာန်ဂှ် ကြက်ကေတ်ဏာအဆက်ကဵုဇကုဏောင်။ သ္အာင်နူဏံတုဲ တၞဟ်နသ္ဂောံကောပ်ကာဲ ဂွံကဵုဏာဖျုန်ကဵု လၟေင်ကမၠောန်ဍာံဍာံကီု သီုကဵုပရေင်ရေင်တၠုင် ပၟိက်ကိစ္စဇၞော်တၞဟ်တၞဟ်တံဂှ် နဲကဲဗီုဏံဝွံ ပဵုတုဲသီုဒှ်အရီုဗင်ကဵု UNHCR ရ။
လိက်ကလေင်အာတ်မိက် တင်သ္ကုတ်သွာတ် စပ်ကဵု ပရေင်သ္ပစၟတ်သမ္တီ ကဆံင်ကောန်ဒဒှ်က် (RSD) ကီု တင်အာတ်မိက် မကလေင်ပံက်ဝှဴတၟိကီု ဒးပ္တိုန် နကဵုအဳမေလ် mlslursd@unhcr.org ဏံရ။