Malésiar UNHCR re refuji ar sáara tuoya ókkol ólla 13 dhoilla zuban ot Teligram cenel salu goijje taake corácori UNHCR ottú zoruri maalumat ókkol fau fáan.
Refuji ar sáara tuoya beggún óre UNHCR ottú noya hóbor ókkol fai bella é cenel ókkol ot mazé subscribe yani membór ói bella hóusala diya zaar. Membór ókkol e UNHCR re cíyar goijje dé méseij ókkolor zuab dí nóo fari bou. Estemal goróya beggún ór nam ar fún ór nombór ókkol luwaiya taki boú Membór ókkol fún nombór cenel ór oinno membór e nóo dehí bóu ,seríf UNHCR e dehí boú dé.
Ken gorí Malaysia’r UNHCR ór Teligram cenel ókkol ot juaín gori ba:
- Teligram app gwá lamo
- Teligram Search bar ór uore ‘ Refugee Malaysia ‘ léko. Tuñí dhoilla bodhoilla zuban ót cenel ókkol dehí fariba.
- Tuáñr fosón tór cenal ór nam ór uore síboo.
- Cenel ór membór ói bella ‘Juáin’ or uore síb dóo.
Cenel giín Arabic, Burmese, , Hakha, Jingpo, Malay, Mon, Persian, Rohingya, Somali, Tamil, Tedim, ar Urdu zuban ot faa zai boú
E teligram khédmot gaan refugeemalaysia.org wébsáith ór ekkán zoríya, zíyan ót hárr ekzon óre hámica záa sáai bella hóusala diya zaar.
Ken gori teligram gwá lamai ba ar UNHCR ór Ruáingga cenel ot juáin goriba yían ór baabote buzái dahai yedé vidhiu gwá meérbanigoriyián ottú tuailo.