ပွမလုပ်ပ္ဍဲထာလိဂြာမ် Telegram ချာန်နေဝ် Channels UNHCR

Tuesday / 08 March 2022

သွက်ကောန်ဒှ်ဒဒိုက်ဂမၠိုင် ကေုာံ ညးမအာတ်ဇူအခေါင်ဂီုကၠီုဂမၠိုင် သ္ဂောံကလိဂွံ တင်နင်ပရိုင် မလုပ်အဝေါင်သုင်စောဲ နူကဵု UNHCR တုဲ ယူအာန်အုက်ချ်သဳအာ ကၠောန်ဗဒှ်လလောင်ပ္တိတ်လဝ် ထာလိဂြာမ် ချာန်နေဝ် Telegram Channels ဗဗွဲဓဝ် နကဵု ၁၃ ဘာသာ မဒှ်ရ။

သွက်သ္ဂောံကလေင်ထပ်ကလိဂွံ တင်နင်ပရိုင်တၟိတၟိ နူ UNHCR တုဲ ကောန်ဒှ်ဒဒိုက်ဂမၠိုင် ကေုာံ ညးမအာတ်ဇူအခေါင်ဂီုကၠီုဂမၠိုင် အလုံသီုဖအိုတ်ဂှ် မိက်ဂွံဗ္တိုက်ဖအောဝ်ကဵုဏာဇြဟတ် ကဵုသာပ်သခြာပ်(subscribe) လာင်ချာန်နေဝ်(channels) မဒှ်ရ။ ပရေင်သာပ်သခြာပ်ဏာဂှ် တင်နင်ပရူဂမၠိုင် ဟွံကလေင်စိုပ်ပ္ဍဲ UNHCR မဒှ်ရ။ ယၟုမၞိဟ်သုင်စောဲတံကီု မဂၞန်ဖုင်တံကီု အလုံသီုဖအိုတ်ဂှ် ဟွံမံက်ပြာကတ်တုဲ ပၞုက်သကၠေံကဵုလဝ်ဏောင် မဒှ်ရ။ ပ္ဍဲကဵုချာန်နေဝ်(channel)ဏံ မဂၞန်ဖုင်မၞိဟ်သ္ပလဝ်သာပ်သခြာပ်တံဂှ် နကဵုမၞိဟ်သာပ်သခြာပ်တၞဟ်တၞဟ်တံ ရံင်ဟွံဆဵုတုဲ ဆ္ဂးနကဵု UNHCR မ္ဂး ရံင်ဆဵုမာန် မဒှ်ရ။

ဗီုလဵုဂွံလုပ်ပ္ဍဲထာလိဂြာမ် ချာန်နေဝ် telegram channels UNHCR မလေဝ်ယှာရော။

  1. အေန်သတဝ်စုတ် အာပ်ပၠဳခေယှေန် ထာလိဂြာမ်
  2. လ္တူဒၞာဲပၞော်ဂၠာဲ ထာလိဂြာမ်ဂှ် တက်ချူစုတ် ယၟု ‘Refugee Malaysia’ ညိ။ ချာန်နေဝ်(channels)ဂၠိုင်ကဵုဘာသာ ဇကုဂွံဆဵုမာန်ဏောင်။
  3. လ္တူယၟုချာန်နေဝ်(channel)ဇကုဒးစိုတ်ဂှ် ပ္ဍဵုညိ။
  4. သွက်သ္ဂောံသာပ်သခြာပ် ချာန်နေဝ်(channel)ဂှ် ပ္ဍဵုလ္တူ ‘Join’ ညိ။

လာင်ချာန်နေဝ်(channel) ဏံဝွံ ဘာသာမကလိဂွံမာန်ဂမၠိုင် အရာဗေတ်၊ ဗၟာ၊ အၚ်္ဂလိက်၊ ဟက်ကာ၊ ဂျေန်ပိုဝ်၊ မလေဝ်၊ မန်၊ ဖါယှေန်၊ ရိုဝ်ဟေန်ဂျာ၊ သိုဝ်မာလဳ၊ တမေဝ်၊ တဳတေမ် ကေုာံ အူဒူ မဒှ်ရ။

သွက်ဝါပ်သာက် ဂကောံကောန်ဒှ်ဒဒိုက်ဍုင်မလေဝ်ယှာ refugeemalaysia.org website မဗ္တိုက်ဖအောဝ်ကဵုမံင်ဇြဟတ်ကဵု ဇၟာပ်ဇၟာပ်မၞိဟ် ဂွံလုပ်စိုပ်မာန် မွဲနှေံမွဲနှေံဂှ် ပရေင်ရေင်တၠုင် ထာလိဂြာမ်(telegram)ဏံ ဖ္ဍိုက်ဗပေင်ကဵုမဒှ်ရ။

သ္ပဂုဏ်တုဲ ဂၠာဲရံင်ဗဳဒဳယိုဝ် သောင်ကလး ဗီုလဵုဂွံတံင်ဂြဲကေတ် ထာလိဂြာမ်(Telegram) ကေုာံ လုပ်ပ္ဍဲ ချာန်နေဝ်(channels) UNHCR နကဵုဘာသာရိုန်ဟေန်ဂျာ ပ္ဍဲဒၞာဲဏံ



Share