UNHCR zung luh min cazin khumhnak le Ram thumnak lei kalnak Unit ah rian ka tuan tiah a timi nu pakhat kong report tuannak cu UNHCR nih a don. Nu nih hin ralzaam pawl cu WhatsApp in pehtlaihnak a tuah hna i, UNHCR cazin , le zungluh min cazinkhumh le Ram thumnak lei kalnak tuahnak biahal tuahnak caah bank account ah RM300-500 kar thlen dingin a hal hna. Mifir nih a hmanmi theihmi phone nambar cu 011-33321567 asiloah 011-16560601 an si. Hi phone nambar hna chungin cakuat vialte kha leh lo, zei rel lo le hloh lo ding in ruahnak cheuh na si. Mah cu mihleng hmang nu nih cun UNHCR ah report nan ka tuah ahcun nan UNHCR i card/catlap hi cancel piak nan si lai i nan case hi phih piak nan si lai tiah a chawnhmi hna paoh a ti hna. A chim rihmi cu UNHCR ah riantuantu pakhat ka si caah report nan ka tuah zongah ka cung ah zeibatuk harsatnak hmanh a tlung lai lo tiah a ti rih hna.
Mahhi hi a hrokhrawlmi khuakhannak a si. Hi bantuk minung hi UNHCR ah rian a tuan lomi an si. UNHCR riantuannak paohpaoh cu man pek a hau lomi a si. Zung luhnak kong ah siseh, Ralzam Cohlannak Biachahnak (RSD) kong ah siseh, cun a dangdang kong ah siseh UNHCR ah riantuantu aho hmanh phaisa pek a ngah lo.
UNHCR he pehtlaihnak ttha kan ngei tiah a timi hna kha ralring tein um hna, annih nih tangka in biahalnak asiloah hmunhma thlennak (Ramthumnak lei kalnak) hmuhnak ah an in bawmh khawh. Na pumpak konglam kha an sinah chim hlah.
Zeitinhmanhah UNHCR nih na bank account number hmangin midang in sin phaisa va kuat dingin an in hal bal lai lo. Ralzam cungah phaisa hal a hmangmi UNHCR riantuantu hna cu an rian dinhter colh an si loah cun palik sin ah report colh an si lai.
Hibantuk phaisa halnak kong he pehtlai in lunghrinhmi na ngeih i UNHCR ah report na tuah ruangah na UNHCR card chuh na si lai lo, na case zong a fumhter lai lo i na case zong phihpiak na si lai lo.
Hi bantuk minung nih UNHCR ah riantuantu ka si tiin zung luhnak interview, RSD, Ram thumnak lei lanh kong asiloah a dandang kongah) kan bawmh khawh lai tiah an chawnh i phaisa an hal ahcun phone an chawnhmi kha that law rianrang in hika ah report pe colh:
- Palik sinah
- Mahhi form hmang in UNHCR sinah
UNHCR i tawlrelnak kong le bawmhchanhnak kong ah tamdeuh in na theih khawhnak ding caah Refugee Malaysia website ah rak zoh te.