Zung rat dingmi nicaan pek rih lomi hna caah cun UNHCR zung cu on a si rih lo.
Malaysia ram hmun kenkip ah a ummi ralzam hna le dornak a sawk liomi hna cu COVID-19 SOPs ningcang zulh in Zung ah ra dingin UNHCR nih a chawnh cuahmah lio hna a si.
Zung ah ra dingin nicaan pekmi ralzam hna le dornak a sawk liomi hna lawng zung ah rat khawh a si rih. Zung ah ra dingin nicaan pek na si lo ahcun UNHCR zung ah ra rih hlah. UNHCR in missed call na hmuh ahcun, an ka chawnh than te lai ti kha rak thei ko. UNHCR in missed call na hmuh ahcun zung ah rak rat a hau lo. Na UNHCR card/catlap nithla a thih ahcun, a thih ni ah zung ah rak ra hlah. Na card/catlap renew tuah dingin zung rat dingmi ni le caan chimh dingah UNHCR nih an chawnh dingmi kha lungsau tein rak hngak
Zung ra dingin voi khat chawnh na si cang hnu cun zung rat dingmi ni le caan chimh na si lai. Zung na rat dingmi nicaan a phanh hlan ah zung na rat dingmi ni le caan kha SMS in kuat na si lai. Zung chung i luhter na si hlan ah mi donnak hmun zawn ah zung rat ding nicaan fehternak na SMS kha na hmuhter hna a herh lai. Zung rat dingmi nicaan pek loin UNHCR ah a rami paoh cu kirter colh an si lai.
Zeitik caan paoh ah hmaihuhnak (face mask) kha i hruk zungzal law, COVID-19 SOPs zulh dingmi zong philh hlah. Zung na rat dingmi nicaan a tlin hlan deuh le zung na rat dingmi ni ah na damlo ahcun zung ah rak ra hlah. UNHCR thawngthanhnak caah Registration Hotline +60176143810 (08:00am-4:00pm/ Cacawn nikhat ni in Cacawn ninga ni) ahhin chawn law zung rat dingmi nicaan a thar in pek than na si lai.
UNHCR zung rat dingmi nicaan pek dingin an in chawnh khawhnak ding caah na phone number thar pek philh hlah. Phone number thar hika zawn ahhin pek khawh a si.
Thawngpang thanh ding a um ah siseh asiloah zung riantuanning thlennawnnak a um ah siseh refugeemalaysia.org website ahhin UNHCR nih thawngthanhnak a tuah lai caah mahhi website hi caanhman tein rak zoh tawn.