COVID-19 Rikhiah Khamnak Tangah UNHCR Ram Thumnak Lei Kalnak Tawlrel Ningcang

Monday / 20 September 2021

Covid-19 karh lo dingin khamnak nih hin khualtlawn rikhiah khamnak telh in siseh, ram thumnak lei kalnak rawlrel ningcang le kalnak telh in siseh, Malaysia telh in vawleicung pumpi hi a hnursuan cuahmah lio a si.

  • Malaysia Cozah nih Lengchuah Khamnak Nawl an chuahmi le zapi ngamnak caah ruahnak i cheuhnak a tuahmi ning zulh in ram thumnak lei kalnak telh in ralzam hna le UNHCR riantuantu hna ngandamnak huhphenhnak caah tiin UNHCR riantuannak a tambik cu a langhlat (telephone le video call) in tuah le ttuan an si.
  • COVID-19 nih hin ramdang khualtlawnnak hi faktuk in a hnursuan caah Malaysia ah a ummi ralzam hna telh in ram thumnak lei ah lan dingin cohlan cangmi ralzam hna zong hi a hnursuan ve hna.
  • Mahhi thil sining thlennawnnak hna nih a langhlat in biahalnak (interview) tuah hi a chuahpi, nain ram thumnak lei lanhnak dang caah tahfung hna le tawlrel ningcang hna cu a hlan bantuk khan amah ning te a si ko.
    1. Ram thumnak lei kal hi covo a si lo. UNHCR nih zung ah min a khumhmi hna asiloah ralzam sinak a pekmi hna hi ram thumnak leiah a lanhter hna lai tinak a si lo.
    2. Ram thumnak lei lanhnak hi cu tihnung tuk dirhmun ah a dirmi ralzam hna huhphenh le kilvennak ca lawngah a si ko rih. Ram thumnak lei lanhnak ding caah a si khomi case thencheu ning hna cu pumpak pakhat nih huhphehnak le kilvennak an herhning zulh in a si ko rih lai.
    3. Ram thumnak lei lan dingin case pakhat biachahnak tuah awkah pekmi hi minung pakhat nih huhphenh le kilven a herh tukning zulh in siseh, pawngka umtuning zulh in huhphenh le kilven a herhning in siseh, ram thumnak lei a latu ding ram dirhmun le sining zulh in siseh, ram thumnak lei lanhnak ding hmunhma hna a lawnning zulh in siseh thil sining tampi ah cun aa hngatmi a si.
  • Ram thumnak lei kal dingin na case kha timhlamhpiak cia a si i, ram thumnak lei lanhnak tawlrelnak ding caah a herhmi na konglam tling deuh in chapchuan a herh ahcun Durable Solution Unit (DSU) nih telephone in pehtlaihnak an in tuah lai.

Ram Thumnak Lei Kalnak Biahalnak (Interview)

Ram thumnak lei kal dingin tawlrepiak dingah na case kha aa tlak ko tiah hmuh a si ahcun a langhlat biahalnak tuah dingin sawm na si lai. Hawi he i khat loin sining le dirhmun dang a simi cu COVID zulhphung nih a onh ningin UNHCR ah biahalnak tuah a si lai i, a dang biahalnak paohpaoh cu a tlangpi in online le telephone in biahalnak tuah an si lai. A langhlat in biahalnak tuah na duhlo ahcun biahalnak tuah dingin chawnh na si lioah khan Durable Solution Unit kha na chimh hna lai. Hi ruang ahhin ram thumnak lei na kalnak dingah UNHCR nih na case an in ruahpiakmi kha a hnursuang hlei lai lo. Asinain, hmaitonh in biahalnak tuah dingmi caan cu UNHCR zung on than a si tik lawngah a si lai caah hmaitonh in biahal na si dingmi caan belte a rau kho.

Ram thumnak lei kalnak a langhlat in biahalnak tuah na si lioah hin atu bantukin chawnh na sinak a ruang le ram thumnak lei kalnak tawlrel ningcang hna kha a tawinak in fianternak le chimhnak an ngeih lai. Zalong tein na um khawhnak le a himnak hmunhma ah na um le umlo kha a zohfel lai, cun na konglam na chimmi biathli mi zeihmanh nih an theih khawhlonak ding caah a humzual lai. UNHCR ah a herhmi ca pek ding a um ahcun amah nih a pek ningcang kha an chimh lai.

Mui lang in siseh, mui lang loin siseh ram thumnak lei kalnak a langhlat in biahalnak tuah lioah zaangfah tein aw na khumh lai lo. Cuti na tuah a si ahcun bia thlithup thuhnawhmi kongah nawl na buar a si lai i, UNHCR nih fakpi in na thil tuahmi a zoh lai.

UNHCR Ah Ram Thumnak Lei Kalnak Biahalnak Na Dih Hnu Ah

Ram thumnak lei kalnak biahalnak na phit hnu ah na case kha tha tein zoh than a si lai, cun ram thumnak lei mi cohlangtu hna nih an in ruahpiaknak ding caah na case hi kuatpiak na si lai maw ti kha biachahnak tuah a si lai.

UNHCR ah biahalnak na dih cang hnu ah biahal ding na ngeih ah maw asiloah na konglam sining a thar in thawngthanh le pek na duh biana ah na chungkhar ah benh chap na duhmi/ minung zat i thlennawnnak a um ahcun mlsludsu@unhcr.org ah e-mail na kuat lai.

Ram thumnak lei kal dingin na case kuatpiak na si ahcun Durable Solution Unit asiloah ram thumnak lei in mi cohlangtu ram nih pehtlaihnak an in tuah lai i ram thumnak lei na kalnak ding caah na case an in kuatpiakmi kong kha thawng an in thanh lai.

Ram thumnak lei na lanh khawhnak ding caah a donghnak bik biachattu cu ram thumnak lei in mi cohlangtu ram hna an si i anmah ram phung le phai ningin biachahnak an tuah lai.

Ram thumnak lei kalnak biahalnak na phit thla 6 hnu ah pehtlaih na si lo ahcun zaangfahnak tein mlsludsu@unhcr.org ah e-mail na kuat lai. Email hi tam tuk lawmmam kuat kan si caah, hlathlainak kuatmi paoh pumpak cio cun UNHCR nih lehnak a tuah kho hna lo. Zaangfahnak tein aa khatmi hlathlainak kha UNHCR ah voi tamtuk in rak kua hlah. Zeicatiah, tawlrelpiak na si dingmi caan a fumter lai.

US asiloah Canada Ah Na Case Kuatpiak Na Si Ahcun

United States of America ah na case kuat a si ahcun e-mail (KL.Inquiries@rescue.org) asiloah telephone (+603 2141 5846), fax (+603 2144 8716) asiloah an web portal, CASI ahhin Resettlement Support Center (RSC) ah na case dirhmun na check khawh.

Canada ah na case kuat a si ahcun Immigration, Refugees and Citizenship Canada’s web form ahhin na case dirhmun ka check khawh.

Ram Thumnak Kal Hlan Deuh Ah Timhtuahning le Kalnak

Ram pumpi in i chawnh khawhmi zawtnak ruangah ram tampi nih anmah rammi a silomi hna caah an ram chung khualtlawng luhnak rikhiah khamnak an tuah rih. Ram pumpi in i chawnh khawhmi zawtnak ruangah ram tampi nih anmah rammi a silomi hna caah an ram chung khualtlawng luhnak rikhiah khamnak an tuah rih. Cohlanmi ralzam tlawmpal te hna cu ram thumnak leiah kal kho ding an si ko nain, atu lioah cun vawleicung ram pumpi khualtlawnnak hi caan saupi a rau. Ram pumpi i chawnh khawhmi zawtnak a zor hin cun ram thumnak lei nih ralzam hna cohlan ding an i tim ko, cun khualtlawn zong duhsah tein cohlan timh a si ko.

The International Organization for Migration (IOM) nih ngandamnak lei check nak le cacawnnak, cun ram thumnak lei kal kho dingin cohlan cangmi ralzam hna an kal khawhnak ding telh in ram thumnak lei lanh hlan deuh ah a herhmi timhtuah ding paoh anmah nih an tawlrel i an timhtuah. Ram thumnak lei nih cohlan na si cang hnu ahcun, ram thumnak lei kal dingin timhlamh dih a si hnu ah IOM nih an in pehtlaih te lai. Ram thumnak lei kal dingin cohlan na si hnu ah umkalnak kong he pehtlai in timhtuah le tawlrelnak kongah biahal na duh ahcun, IOM Kuala Lumpur i iomkulinq@iom.int asiloah +603 923 5540 ah na chawnh khawh.


Na phone number asiloah na umnak (address) na thlen ahcun UNHCR ah zaangfah tein thawngthanh

Na mobile phone number asiloah na umnak na thlen ahcunUNHCR sinah thawngthanh kha philh hlah. A herhmi a um tikah UNHCR nih an in pehtlaih khawhnak ding caah le tlai chin vima ti loin an in tawlrelpiak khawh lai.

A BIAPIMI: UNHCR Riantuannak Paoh Cu A Man Um Lo.

Minung pakhatkhat a si lo le butlang hna nih UNHCR a si lo le a ttuantti hawi hna sin ah ramthunak lei kalnak telhchih in bawmhnak an in pek khawhnak hnga kan in hal piak lai i tangka na kan pek lai tiah an in ti a si ahcun, a ho hmanh rak zum hna hlah. UNHCR riantuannak he i thlennawn dingin tangka an in hal a si lo le nupa sinak telh chih in a dang an duhmi tuah an in fial ahcun, UNHCR ah a rannak in report rak tuah.

UNHCR Kuala Lumpur: mlslufrd@unhcr.org
Inspector General’s Office (IGO) : inspecgtor@unhcr.org
Asiloah, na lungtlinlonak ca na tialmi cakuang ah sanh na duh ahcun UNHCR Zung Gate B zawn i CAKUANG SENMI ah na sanh lai.
Report tuahmi/ tlungtlinlonak lonak bia thlithup ah ruah an si lai. Na lungtlinlonak (i hlennak le eihmuarnak) online in kuat na duh ahcun hika hi na hmeh khawh.



Share