COVID-19 hangin Ciangtan neihsakna Nuai-ah UNHCR ii Khuasak nading mun vaihawmsak kikna tawh kisai Ngaihsut leh bawla om nasepziate

Monday / 20 September 2021

COVID-19 kizelhna te akhawltheih nading geelna hangin khualzin ciangtan neihsaknate, khuasak nading mun vaihawmsak kikna tawh kisai ngaihsut leh bawl a om nasep ziate leh paikhiatna cihte pen Malaysia bek tham lo leitungbup huam in lemtaang lohna hong piang to hi.

  • Malaysia Kumpi thunei te ii Gamtat omzia Danding Thupiaknate leh mipi cidam nading ngaihsut hong piaknate tawh kizui in gaaltaai gambeelte leh UNHCR nasemte ii cidamna kidaal theih nading in UNHCR ii sep leh bawlsak natampi pen agamla pan in (telephone ahihkeileh video call tawh) in kisem khia hi.
  • COVID-19 hangin gamtuamtuam khualzinna pen Malaysia sunga omte akihel gaaltaai gambeel in a kisangsate paikhiat nading te dongah nasiatak in hong lemlo lawh hi.
  • Hih kikheelnate sungin agamla pan kamdotnate kibawl a, khuasak nading mun vaihawmsak kikna tawh kisai santham cing maw cih tehna thukhun leh ngaisut leh bawla om nasep ziate pen aki bangh ahi hi.
    1. Khuasak nading mun vaihawmsak kikna pen hamphatna hi lo hi. UNHCR ah minkhumna leh/ahihkeileh gaaltaai gambeel in ciaptehna pen mimal khat sim in khuasak nading mun vaihawmsak kik ding cihna hi lo ding hi.
    2. Khuasak nading mun vaihawmsak kikna pen atuamtuam ah a thaneem mahmah gaaltaai gambeelte ading in kidaalna vanzat khat bangh ahi hi. Khuasak nading mun vaihawmsak kikna thute pen ciaptehna angahsa akisampha zaw deuhte mimal khatsim ii kikep kidaalna akisapna tungtawn in ki zomto ding hi.
    3. Khuasak nading mun vaihawmsak kikna tawh kisai thu le la aapsakna leh ngaihsutsakna pen genkholh theih loh thu le la cihte akihel mimal ii kisap kidaalna, kiim le paam kidaalna, hong sang ding innteek gamte leh amau ii khuasak nading mun hong ngahsak theihna cih tuamtuam te tungah ki nga hi.
  • Khuasak nading mun vaihawmsak kik nading in na tangthu tawh kisai theihpihna akibawl masak aleh Hunsau aa kimang ding Buaina siansakna Kipawlna neu ahi (DSU) te in khuasak nading mun vaihawmsak kik na’ng ngaisut leh bawl a omlaitak nasepziate ah santham cing hiam cih khentatna aneih theih nading in akisam a om zenzen aleh phone tawh hong kizom thei hi.

Khuasak nading mun vaihawmsak kikna tawh kisai Kamdotna

Na tangthu pen khuasak nading mun vaihawmsak kikna dingin ngaihsut leh san thamcing in hong muhsak aleh agamla pan kamdotna nei ding in hong kisam ding hi. COVID tawh kisai phalna ngah in, kiim le paama thupiangte hanga UNHCR ah bawl loh aphamawh kamdotna te cih loh buang, paizia neihna tawh kizui in, kamdotna khempeuh pen online pan in phone tawh kibawl hi. Hong ki ho laitak in, agamla pan kamdotna bawl ding na ut kei aleh Hunsau aa kimang ding Buaina siansakna Kipawlnaneu tungah na theisak thei hi. Na tua cihna hangin UNHCR te ii na khuasak na’ng mun hong vaihawmsak kikna nading leh na tangthu tawh kisai ngaihsut bawlsakna te pen hong nawngkai sak lo ding hi. Bangbang ahi zongin, maitang ki ngat a kamdot bawlnate pen UNHCR zumpi a kihon kik hun ciang, kizom kik pan ding ahih man in zekaai thei hi.

Agamla pan khuasak nading mun vaihawmsak kikna tawh kisai kamdotna hunsungin, UNHCR zum nasem khat limlim in hong hopihna ahang leh khuasak nading mun vaihawmsak kikna tawh kisai nasepziate ataangpi in hong gen ding hi. Amah numei/pasal in na omna lungmuanhuai hiam tua mun pen kuama nawngkaai sakna om/omlo cih hong ciansak ding a tuaban ah thusimte pen ki huu hi ci in hong tel gen ding hi. UNHCR ah aap ding akisam na laithupi a om zenzen aleh tua tawh kisai lamlakna hong pia ding hi.

Agamla pan, khuasak nading mun vaihawmsak kikna tawh kisai kamdotna ah hehpihna tawh na aw khum ahihkeileh video ciamtehna bawl kei in. Hidan hihna pen thusim palsatna hi a UNHCR in nasiatak in hong sitcian ding hi.

UNHCR tawh Khuasak nading mun vaihawmsak kikna tawh kisai Kamdotna neih khit ciang

UNHCR tawh Khuasak nading mun vaihawmsak kikna tawh kisai kamdotna na neih khit ciangin, na tangthu limtak ki enkik dinga khuasak nading mun hong vaihawmsak kik ding gam ah amau hong ngaihsutsak theih nading in ki aap ding hi.

Azenzen in, UNHCR tawh khuasak nading mun vaihawmsak kikna tawh kisai kamdotna na neih nungah gentehna: innkuan phazah kheelna/kiim le paama thupiangte hanga kikheelna vai dotnate ahihkeileh ahunzui a theihsakna na neih nop aleh mlsludsu@unhcr.org ah e-mail khak in.

Na tangthu pen khuasak nading mun vaihawmsak kikna dingin aki aap khit aleh, khuasak nading mun vaihawmsak kikna tawh kisai thu leh theihsakna hong nei ding in Hunsaupi a kimangding Buaina siansakna Kipawlna neu ahihkeileh na khuasak nading mun hong vaihawmsak kik gam khat zawzaw in nang hong hopih ding hi.

Khuasak nading mun hong vaihawmsak kik gamte in amau ii zuih dinga kibawl thu leh thukhun tawh kizui in khuasak nading mun vaihawmsak kik ding ahihkeileh hawmsak lo ding cih pen atawpna pen ah khentat hi.

Azenzen in na khuasak nading mun vaihawmsak kikna tawh kisai kamdotna na pan kha 6 khit hong ki hopih kei a ahihleh, hehpihna tawh mlsludsu@unhcr.org ah e-mail khak in. Aki ngah email tuamtuam tampi om ahihman in, UHNCR in dotnate khempeuh pen a mimal sim in hong thuk hong dawng thei lo hi. Hehpihna tawh aki bangh dotna khat pen UNHCR ah tamveipi khak kei in. Tua banga hihna in ngaisut leh bawl a om laitak nasep ziate hong zekaai sak zaw ding hi.

Azenzen in Na Tangthu pen US ahihkeileh Canada ah hong ki Aapsak khin ahihleh

Azenzen in na tangthu pen United States of America ah ki aapkhin ahih aleh na tangthu dinmun pen Khuasak nading mun vaihawmsak kikna a Panpih Phualpi ahi (RSC) ah e-mail (KL.Inquiries@rescue.org), telephone (+603 2141 5846), fax (+603 2144 8716) tawh ahihkeileh amau web, CASI ah na sittel thei hi.

Na tangthu pen Canada ah ki aapkhin ahih aleh Canada gam ii web hihdan taangpi ahi Mi thak va suahna, Gaaltaai gambeelte leh Gam mi hihna zangh in na tangthu din mun na sittel thei hi.

Paikhiat ma in kigin Vaihawm geelkholhnate leh Khuasak nading mun vaihawmsak kikna Gam ah Khualzinna

Gam tampite in mun tuamtuam ah akizeel natna hangin agam mi ahilo gamdang mite a lut loh nading in khualzinna tawh kisai ciangtan neihnate zangh lai uh hi. Tua bek thamlo, akizeel COVID-19 lauhuaina khaam nading in gam sung lutna ding ah cidamna tawh kisai sittel nasep nate neih beh uh hi. A kisangsa gaaltaai gambeelte tawmno khat belh khuasak nading mun vaihawmsak kikna gamte ah zinkkhia thei hi mah leh tulaitak in leitung gam tuamtuam ah zinkhiat theih ding pen zekaai lai hi. Khuasak nading mun vaihawmsak kikna gamte in gaaltaai gambeelte saan ding kamciam pia gige lai a mun tuamtuam ah akizeel natna hong kiam tak ciangin gam tuamtuam ah zinkhiatna tawh kisai damdam in zoptoh kik ding lam en uh hi.

Gamdang ah peem nading tawh kisai Gam tuamtuam Kipawlna ahi (IOM) in cidamna kisittelna leh ngeina tawh kisai kisin sakna cihte akihel khuasak nading mun vaihawmsak kikna gam ah aki sangsa gaaltaai gambeelte ading, pai khiatma in kigin vaihawm geelkholh akisamte vaihawm sak hi. Khuasak nading mun vaihawmsak kikna gam pan hong ki sangkhin in na khualzin nading tawh kisai lamlak nate abaihsa ahih leh IOM in nang hong hopih ding hi. Khuasak nading mun vaihawmsak kik na’ngin hong ki sangkhin na hih a, paikhiatma in kigin vaihawm geelkholh nate ahihkeileh khualzinna tawh kisai dotnop na neih zenzen aleh IOM Kuala Lumpur iomkulinq@iom.int ahihkeileh+603 923 5540 ah na kizom thei hi.


Azenzen in Na Phone Nambat ahihkeileh na Omna mun Na Kheel leh Hehpihna tawh UNHCR theisak in.

Na mobile phone nambat ahihkeileh na omna mun na kheel hun in UNHCR na theihsak ding mangngilh kei in. UNHCR in a kisam a om hun in nang tawh hong kizop theih nading ban ah adang zekaainate omlo in ngaisut leh bawl a om nasep ziate hong lemsak ding hi.

THU PHAMAWH: UNHCR ii Nasepna Khempeuhte pen Akhawnkhong hi a manpiak kullo hi.

UNHCR ahihkeileh ana sepkhop pihte khuasak nading mun vaihawmsak kik nading cihte akihel panpih huhna pia in na hong sepsakna ah sepman hong ngen mi khat ahihkeileh kipawlna khat peuhpeuh na muang kei in. Azenzen in UNHCR ii hong sepsak nakhat peuh a dingin sum ahihkeileh nu le pa uukna, cih bangte akihel adang nakhat hihsak ding hong nget aleh hehpihna tawh UNHCR ah thupuak pah in.

UNHCR Kuala Lumpur: mlslufrd@unhcr.org
Atuamtuam Asitteltu Zumpi (IGO) : inspecgtor@unhcr.org
Ahihkeileh na lungkim lohna thu pen UNHCR Zum Kongkhakpi B a om Laibung San ah khia in.
Thupuakte/lungkim lohna thu geennate khempeuh pen muanhuai tak in ki keemcing ding hi. (Zuau phuahna leh golhguuk neekna) tawh kisai lungkim lohna thu geenna dinga hiteng (here) zongh meek in online pan na aap thei hi.



Share