ပြန်လည်နေရာချထားရေး

တတိရနိုင်ငံသို့ပြန်လည်နေရာချထားရေးဆိုသည်မှာ ဒုက္ခသည်များကို ယာယီအကာအကွယ် တောင်းခံထားသော နိုင်ငံမှ သူတို့ကိုယ်တိုင် ဝန်ခံသဘောတူထားသည့် အခြားနိုင်ငံသို့ပို့ရန် ရွေးချယ်ခြင်းနှင့် လွှဲပြောင်းပေးခြင်းဖြစ်သည်။ ၎င်းသည် ပြန်လည်နေရာချထားပေးသည့်နိုင်ငံ၏ နိုင်ငံသားဖြစ်ခွင့်ကိုလည်း နောက်ဆုံးတွင် အတူတကွ သယ်ဆောင်ပါသည်။

သို့သော် ပြန်လည်နေရာချထားရေးသည် ဤဖြေရှင်းချက်လိုအပ်နေသော ကမ္ဘာ့ဒုက္ခသည်များ၏ အစိတ်အပိုင်းတစ်ခုအတွက်သာ အခွင့်အရေးရှိနိုင်ပါသည်။ ကမ္ဘာတစ်ဝှမ်းရှိ ဒုက္ခသည်များ၏ ၁ရာခိုင်နှုန်း အောက်သာ ပြန်လည်နေရာချထားပေးနိုင်သေးသည်။ ပြန်လည်နေရာချပေးရန် လိုအပ်သော ဒုက္ခသည်အရေအတွက်အတွက် နေရာများ အလွန်နည်းပါးပါလှသည်။ ဤအရာကို မှတ်သားမှတ်ယူရန် အရေးကြီးသည်မှာ-

  • ပြန်လည်နေရာချထားရေးသည် ပိုင်ဆိုင်ထားသော အခွင့်အရေးမဟုတ်ပါ။ ယူအန်အိတ်ခ်ျစီအာရ်မှ ဒုက္ခသည်အဖြစ် မှတ်ပုံတင်ခြင်း (သို့) ပေးအပ်ခြင်းသည် တစ်ဦးတစ်‌ယောက်ချင်းစီအား ပြန်လည်နေရာချထားရေးအတွက် ရည်ညွှန်းခြင်းခံရမည်ဟု မဆိုလိုပါ။
  • ပြန်လည်နေရာချထားရေးသည် အကူအညီများစွာလိုအပ်နေသော ဒုက္ခသည်များအတွက် အကာအကွယ်ပေးသော ကိရိယာတစ်ခုကဲ့သို့ဖြစ်နေဆဲဖြစ်သည်။ အလားအလာရှိသော ပြန်လည်နေရာချထားရေး တင်ပြချက်/လျှောက်ပေးရန်အတွက် ခွဲခြားသတ်မှတ်ခြင်းသည် တစ်ဦးချင်းစီ၏ အကာအကွယ်လိုအပ်ချက်များအပေါ် အခြေခံပါသည်။
  • ပြန်လည်နေရာချထားရေးဆိုင်ရာ ထည့်သွင်းစဉ်းစားမှုအတွက် အမှုတွဲတင်ပြပေးခြင်းသည် တစ်ဦးချင်းကာကွယ်ရေးလိုအပ်ချက်ပြင်းထန်မှုများ၊ ကာကွယ်ရေးပတ်ဝန်းကျင်၊ အိမ်ရှင်နိုင်ငံအနေအထားနှင့် ပြန်လည်နေရာချထားရေးနေရာများရရှိမှုတို့အပါအဝင် အချက်များစွာအပေါ်တွင် မူတည်ပါသည်။

အကယ်၍ သင်သည် ပြန်လည်နေရာချထားရေးအတွက် ပဏာမ သတ်မှတ်ခံရပါက၊ တာရှည်ခံဖြေရှင်းချက်ယူနစ် (ဒီအဲစ်ယူ၊ DSU) သည် ပြန်လည်နေရာချထားရေးလုပ်ဆောင်ခြင်းဆိုင်ရာ အရည်အချင်းပြည့်မီမှု အကဲဖြတ်မှုအား ပြီးမြောက်ရန် နောက်ထပ်အချက်အလက်များ လိုအပ်ပါက သင့်ထံ တယ်လီဖုန်းဖြင့် ဆက်သွယ်နိုင်ပါသည်။

ပြန်လည်နေရာချထားရေဆိုင်ရာ အင်တာဗျူး

အကယ်၍ သင်၌ ပြန်လည်နေရာချထားရေး လုပ်ငန်းစဉ်အတွက် အရည်အချင်းပြည့်မီကြောင်း တွေ့ရှိပါက၊ ပြန်လည်နေရာချထားရေး အင်တာဗျူးတစ်ခုသို့ ဖိတ်ကြားမည်ဖြစ်ပါသည်။ အခြေခံအားဖြင့် အင်တာဗျူးအားလုံးကို ယူအန်အိတ်ခ်ျစီအာရ်တွင် လူကိုယ်တိုင်တွေ့ဆုံပြီး ပြုလုပ်ရပါသည်။ မပုံမှန်သောအခြေအနေများတွင်၊ သင်သည်အွန်လိုင်းအင်တာဗျူးအတွက်ဖိတ်ကြားချက်ကိုလက်ခံရရှိလိမ့်မည်။ သင့်အား ပြန်လည်နေရာချထားရေး အင်တာဗျူးရက်ချိန်းကို အကြောင်းကြားသည့် ခေါ်ဆိုမှုအတွင်း၊ သင်သည် အွန်လိုင်းဖြင့် အင်တာဗျူးလုပ်ဆောင်ရန် ဆန္ဒမရှိပါက တာရှည်ခံဖြေရှင်းပေးခြင်းယူနစ်အား အသိပေးနိုင်ပါသည်။ သင်၏ ပြန်လည်နေရာချထားရေး လုပ်ငန်းစဉ်အတွက် ယူအန်အိတ်ခ်ျစီအာရ်၏ ထည့်သွင်းစဉ်းစားမှု ရလဒ်အပေါ် မနှစ်သက်ဖွယ် သက်ရောက်မှုရှိမည်မဟုတ်ပါ။

အကယ်၍ သင်သည် အွန်လိုင်းမှ ပြန်လည်နေရာချထားရေး အင်တာဗျူးအတွက် စီစဉ်ထားပါက၊ အင်တာဗျူးကို လုပ်ဆောင်နေသော ယူအန်အိတ်ခ်ျစီအာရ်ဝန်ထမ်းများမှ ဖုန်းခေါ်ဆိုရခြင်း၏ ရည်ရွယ်ချက်နှင့် ပြန်လည်နေရာချထားရေး လုပ်ငန်းစဉ်၏ ခြုံငုံသုံးသပ်ချက်တို့ကို သင့်အား အကျဉ်းချုံးပြောပြပါလိမ့်မည်။ သင့်ကိုယ်ရေးကိုယ်တာနှင့် လျှို့ဝှက်ချက်များကို အကာအကွယ်ပေးထားသည့် လုံခြုံသောနေရာတစ်ခုတွင် ရှိနေသလားကိုလည်း အတည်ပြုပေးပါမည်။ သင်၏ စာရွက်စာတမ်းများကို ယူအန်အိတ်ချ်စီအာရ်သို့ တင်ပြရန် လိုအပ်ပါက လမ်းညွှန်ပေးမည် ဖြစ်သည်။

အသံဖြင့် သို့မဟုတ် ရုပ်သံဖြင့် အဝေးမှပြုလုပ်သော ပြန်လည်နေရာချထားရေးအင်တာဗျူးကို ကျေးဇူးပြု၍ မှတ်တမ်းတင်ခြင်း မပြုပါနှင့်။ ၎င်းသည် လျှို့ဝှက်ချက်ကို ချိုးဖောက်ရာရောက်မည်ဖြစ်ပြီး ယူအန်အိတ်ချ်စီအာရ်မှ အလေးအနက်ထား ဆောင်ရွက်မည်ဖြစ်သည်။

ပြန်လည်နေရာချထားရေးအင်တာဗျူးပြီးသည့်နောက်

ပြန်လည်နေရာချထားရေး အင်တာဗျူးပြီးနောက်၊ သင့်အခြေအနေကို ဂရုတစိုက်ပြန်လည်သုံးသပ်မည်ဖြစ်ပြီး၊ ထည့်သွင်းစဉ်းစားမှုအတွက် ပြန်လည်အခြေချနေထိုင်နိုင်သည့်နိုင်ငံသို့ တင်ပြခြင်းရှိမရှိအပေါ် ဆုံးဖြတ်ချက်ချမည်ဖြစ်သည်။

အကယ်၍ သင့်တွင် ယူအန်အိတ်ခ်ျစီအာရ်နှင့် ပြန်လည်နေရာချထားရေး အင်တာဗျူးတစ်ခုရှိထားပြီးနောက်၊ မေးခွန်းများ (သို့) အချက်အလက်များကို အပ်ဒိတ်လုပ်ရန် ဆန္ဒရှိပါက၊ ဥပမာ- မိသားစုဖွဲ့အစည်းမှု/အခြေအနေများတွင် အပြောင်းအလဲများရှိခြင်း စသည်များကို၊ ကျေးဇူးပြု၍ mlsludsu@unhcr.org သို့ အီးမေးလ်တစ်စောင် ပေးပို့ပါ။ သို့သော် ယူအန်အိတ်ခ်ျစီအာရ်သည် လက်ခံရရှိထားသော အီးမေးလ်များ ပမာဏများပြားသည့်အတွက် အီးမေးလ်အားလုံးကို တစ်ဦးချင်း တုံ့ပြန်နိုင်စွမ်း မရှိကြောင်း ကျေးဇူးပြု၍ မှတ်ယူနားလည်‌ပေးပါ။ ကျေးဇူးပြု၍ စီမံဆောင်ရွက်မှုအား မနှောင့်နှေးစေရန် တူညီသောအီးမေးလ်ကို ယူအန်အိတ်ခ်ျစီအာရ်သို့ အကြိမ်ပေါင်းများစွာ မပို့ပါနှင့်။

အကယ်၍ သင်သည် ပြန်လည်နေရာချထားရေးအတွက် တင်သွင်းခံရပါက၊ တာရှည်ခံဖြေရှင်းခြင်းယူနစ် (သို့) ပြန်လည်နေရာချထားရေးနိုင်ငံမှ သင့်အား နောက်ထပ်အချက်အလက်များကို ပေးဆောင်ရန် ဆက်သွယ်ပါမည်။

ပြန်လည်နေရာချထားရေးနိုင်ငံများသည် ၎င်းတို့၏ မူဝါဒ၊ ဥပဒေများနှင့်အညီ ပြန်လည်နေရာချပေးခြင်းအခွင့်ပေးသင့် မပေးသင့်အတွက် ဆုံးဖြတ်ချက်ချပေးလေ့ရှိသည်။

အကယ်၍ အမေရိကန်ပြည်ထောင်စုသို့ လျှောက်လွှာတင်သွင်းပေးခြင်းခံရပါက၊ အောက်ဖော်ပြပါ ပြန်လည်နေရာချထားရေး ပံ့ပိုးကူညီမှုစင်တာ (RSC) ၌ သင့်အတွက်လုပ်ဆောင်ပေးနေသည့် အခြေအနေကို စစ်ဆေးနိုင်ပါသည်။

အီးမေးလ်- KL.Inquiries@rescue.org

တယ်လီဖုန်း- +၆၀၃ ၂၁၄၁ ၅၈၄၆/ +၆၀၃ ၉၂၁၂ ၈၁၁၇

ဖက်စ်- +၆၀၃ ၂၁၄၄ ၈၇၁၆

ဝဘ်ပေါ်တယ် CASI

အကယ်၍ ကနေဒါသို့ လျှောက်လွှာတင်ပို့မှုတစ်ခု ပြုလုပ်ထားပါက၊ လူဝင်မှုကြီးကြပ်ရေး၊ ဒုက္ခသည်များနှင့် နိုင်ငံသားဖြစ်မှု၊ ကနေဒါ၏ ဝဘ်ဖောင်ကို အသုံးပြု၍ သင်၏ အမှုအခြေအနေကို စစ်ဆေးနိုင်ပါသည်။

မထွက်ခွာမီ စီစဉ်မှုများနှင့် ပြန်လည်နေရာချထားပေးသည့်နိုင်ငံသို့ ခရီးထွက်ခြင်း

နိုင်ငံတကာ ရွှေ့ပြောင်းနေထိုင်သူများအဖွဲ့ (အိုင်အိုအမ်) သည် ဆေးစစ်ခြင်း နှင့် ယဉ်ကျေးမှုဆိုင်ရာ လမ်းညွှန်မှု အပါအဝင် လိုအပ်သော မထွက်ခွာမီ အစီအစဉ်များကို စီစဉ်ပေးသည့်အပြင်၊ လက်ခံထားသော ဒုက္ခသည်များအတွက် ပြန်လည်နေရာချပေးမည့်နိုင်ငံသို့ ခရီးသွားလာမှု အစီအစဉ်များကိုလည်း စီစဉ်ပေးပါသည်။ အကယ်၍ ပြန်လည်နေရာချထားရေးတိုင်းပြည်မှ သင့်ကို လက်ခံပြီးပါက ခရီးသွားလမ်းညွှန်များလည်း အဆင်သင့်ဖြစ်ပါက အိုင်အိုအမ်သည် သင့်ကို ဆက်သွယ်မည်ဖြစ်သည်။ အကယ်၍ သင်သည် ပြန်လည်နေရာချထားရေးအတွက် လက်ခံထားပြီး သင်၏ထွက်ခွာမည့်အကြိုအစီအစဉ်များ (သို့) ခရီးသွားလာမှုနှင့်ပတ်သက်၍ မေးခွန်းများရှိပါက၊ အိုင်အိုအမ် ကွာလာလမ်ပူ၏ iomkulinq@iom.int သို့ ဆက်သွယ်နိုင်သည် (သို့) +၆၀၃ ၉၂၃၅ ၅၄၀၀ သို့ခေါ်ဆိုနိုင်ပါသည်။

မေးခွန်းများ ‌ရှိပါသလား။

ပိုမိုသိရှိလိုပါက ပြန်လည်နေရာချထားရေးဆိုင်ရာနှင့်ပါတ်သက်သော မကြာခဏ မေးလေ့ရှိသည့် မေးခွန်းများ (မမေးမေး၊ FAQ) ကို ကျေးဇူးပြု၍ မေမြန်းဖတ်ရှုပါ။