နူကဵုရုၚ်ယူအန်အိတ်စ်သဳအာ ကလိဂွံလဝ်ပရိုၚ်ကောန်ဍုၚ်မလေဝ်ယှာမွဲတၠ နကဵုယၟု ဒေဒတ်စ်စ်(အဝ်) ဒေဒစ်တ်အန်ဂျာန်မဗက်ကေတ်မံၚ်အဆက်ကဵုကောန်ဂကောံကောန်ဒှ်ဒဒိုက်တအ်ဂမၠိုၚ်တုဲ မသၠေံသၠောန်ဟီုတွံမံၚ်ပ္ဍဲကဵုပွိုၚ်မွဲဂိတု ညံၚ်ဂွံဖျေံသ္ဇိုၚ်ဒၟံၚ်ဍုၚ်သ္အာၚ်ပ္ဍဲဍုၚ်အမေရိကဂှ် ညးတေံရေၚ်တၠုၚ်ကၠောန်ကဵုမာန်ရ၊၊ သွက်ဂွံဗပေၚ်ဝှမ်သက်က်ဂှ် ညးတေံအာတ်ၚ္ၚုဟ်မးသြန် RM-320 ရ၊ တုဲပၠန် အရေၚ်ဂွံပလံၚ်ဝှမ်ဗပေၚ်ဂှ်ဒးထပ်ကဵုၚ္ၚုဟ်မးသြန်RM-2,000 ပၠန်မဒှ်ရ၊၊ ဗွဲသၟဝ်တေံ မထၟံက်ထ္ၜးကဵုလဝ်တံဂှ် လိက်မွဲတၞးမလီဠာန်ပ္တောံလဝ် ပ္တိတ်နၚ်နူကဵုယူအက်စ်သဳအိုၚ်အက်စ်(USICS)တံ တုဲတှ်ေ နကဵုလိက်တၞးဝှမ်ယူအက်စ်သဳအိုၚ်အက်စ်(USCIS)ပ္တောံလီဠာန်စုတ်လဝ်သီုကဵုတဆိပ်လိုဝ်ဂိုဝ်(LOGO)သၟိၚ်ကုလသမဂ္ဂတုဲပလံၚ်ဗစိုပ်လဝ်ဇရေၚ်ကောံကောန်ဒှ်ဒဒိုက်တံပရိုၚ်တိတ်မံၚ်ရ၊၊
နကဵုဒေဒတ်စ်စ်(အဝ်) ဒေဒစ်တ်အန်ဂျာန်မွဲကဆံၚ်ပလံၚ်နၚ်လဝ်လိက်တၞးကေုံာဝှမ်တံဂှ် နူကဵုအလဵုအသဳအမေရိကာန်ကဵုသၟိၚ်ကုလသမဂ္ဂတအ် ပတိတ်လဝ်ဟွံသေၚ်ရ၊၊မၞိဟ်ပူဂိုလ်ဏံဂှ် နူညးတာလျိုၚ်နူရုၚ်ယူအန်အိတ်စ်သဳအာလေဝ်ဟွံသေၚ် နူညးတာလျိုၚ်ယူအက်စ်သဳအိုၚ်အက်စ်(USCIS)လေဝ်ဟွံသေၚ်ရ၊၊ပူဂိုလ်ဏံဂှ် ဟွံကၠောံဍမံၚ်ကဵုယူအန်အိတ်စ်သဳအာ(UNHCR)ပုဟ်၊ ဟွံကၠောံဍမံၚ်ကဵုယူအက်စ်သဳအိုၚ်အက်စ်(USCIS)၊ဋ္ဌာနအလဵုအသဳအမေရိကာန်လဵုလေဝ်ဟွံကၠောံဍဆက်စၠောံမံၚ်ရ၊၊ ပူဂိုလ်ဏံဂှ် သွက်ဂွံရေၚ်တၠုၚ်ကၠောန်ကဵုလၟေၚ်ကမၠောန်ကဆံၚ်ၚ်သွက်ဂွံဖျေံသ္ဇိုၚ်ဒၟံၚ်ဍုၚ်သ္အာၚ်ကီု၊ အာတ်မိက်တၚ်နၚ်ပရောပရာကိစ္စပူဂိုလ်နူကဵုမၞိဟ်မွဲမွဲကီု၊အခေါ ၚ်အရာအစောန်စရာဲဍိုက်သ္ကေဝ်ဟွံမွဲရ၊၊
သ္ပဂုဏ်တုဲလေဝ်စၟတ်လဝ်ညိ ဒဒှ်ရယူအန်အိတ်စ်သဳအာကဵုယူအစ်သဳအိုၚ်အစ်တအ်ဂှ် ဆလံမှလေဝ် ဟွံအာတ်သြန်လၠုဲနူကဵုမၞးတအ်ပုဟ်၊၊ ဋ္ဌာနရေၚ်တၠုၚ်ဖျေံသ္ဇိုၚ်ဒၟံၚ်ပ္ဍဲဍုၚ်ယူအစ်တေံ အာလုံသီုဖအိုတ်တအ်ဂှ်ကီု၊ ဋ္ဌာနရေၚ်တၠုၚ်ဖဵုသီုဖအိုတ်နူကဵုယူအန်အိတ်စ်သဳအာတအ်ဂှ်လေဝ်ကီု၊ ရေၚ်တၠုၚ်ကၠောန်ကဵု သၟးသၟးဟွံဒးကဵုၚ္ၚုဟ်မးရ၊၊ စွံသတိဇၞော်ဇၞော်ကဵုမၞိဟ်ပူဂိုလ်မွဲမွဲသၠေံသၠောန်အာတ်မိက်ကၠုၚ် မိက်ဂွံကဵုအရီုဗၚ်၊ ညံၚ်ဂွံအခေါၚ်လုပ်ရုၚ်ယူအန်အိတ်စ်သဳအာ၊ ညံၚ်ဂွံလုပ်ရံၚ်ကျောဝ်ကဵုလၟေၚ်ကမၠောန်ယူအစ်သဳအိုၚ်အစ်(USCIS)၊ ညံၚ်ဂွံဗက်ကဵုဒၞါဲဇိုၚ်ကိတ်စ်ဇကု နွီမံၚ်ဒၞါဲဋ္ဌာနလဵု စိုပ်မံၚ်ဆံၚ်လဵုရော အာတ်မိက်သြန်နူကဵုမၞးတံမ္ဂး လ္ပကဵုသြန်ညိ၊၊မၞိိဟ်ပူဂိုလ်ဗီုတံဏံဂှ် ဂွံရပ်စပ်ကိတ်စ်မၞးတအ်သြဇာအခေါၚ်အရာဟၟဲရ၊၊ သ္ပဟိုတ်သာ်ဂှ်ရ လ္ပဗက်ပါ်ပရံမံၚ်တၚ်နၚ်ပရောပရာဇကုကဵုမၞိဟ်တံဏံညိ၊၊
ယဝ်ခါရနကဵုတၚ်နၚ်ပရောပရာပူဂိုလ်ဇကု ဒးပါ်ပရံကဵုဋ္ဌာနရေၚ်တၠုၚ်ယူအန်အိတ်စ်သဳအာ(မပ္တံကဵုလိက်တၞးယူအန်ကဵုကာတ်ယူအန်၊ဋ္ဌာနရိတ်စ်ဂျေတ်စ်စတေယှေန်၊ ဋ္ဌာနအာအတ်စ်ဒဳ၊ ဋ္ဌာနဖျေံသ္ဇိုၚ်ဒၟံၚ်တိတ်ဍုၚ်သ္အာၚ်)ဒးကဵုသြန်လၠုဲတှ်ေ ကဵုပရိုၚ် တေၚ်ကဵု (ကဵု ရိတ်ပေါတ်)ဒၞဲါသၟဝ်ဏံညိ၊၊
- ဗၠာဲသၟိင်
- UNHCR သုၚ်စောဲ ကေတ်အဆက်ဝှမ်ဏံ
ယဝ်ရဇကုကဵုသမ္တီတေင် ပရေင်ကမၠောန် မၞုံသံသယ ဗ္စိုပ်ကဵု ယူအာန်အုက်ချ်သဳအာမ္ဂး ကာဒ် UNHCR ဇကုဟွံဒးဒုင်သီ၊ ဟွံဒးဒုင်ကုတ်ထပိုတ်၊ တုဲမ္ဂး လၟေင်ကမၠောန်ကိစ္စဇကုလေဝ် ဒးဒုင်လဇုဲအာဟွံသေင်၊ ဒးဒုင်ကၟာတ်အာ ဟွံသေင်ရ။
တင်နင်ပဵုတုဲကလိဂွံမာန် စပ်ကဵုလၟေင်ကမၠောန်ဂမၠိုင် ကေုာံ ပရေင်ရီုဗင်ထ္ၜလ္ဘာ် UNHCR ၊ သ္ပဂုဏ်တုဲ နိဿဲကဵု ဝါပ်သာက် ကောန်ဒှ်ဒဒိုက်ကၟိန်ဍုင်မလေဝ်ယှာ Refugee Malaysia website ညိ။
