တၞဟ်နသ္ဂောံဖအောန်ဖျေံ ပရေင်ကၠောံထၞာန် ယဲကပ်ခိုဝ်ဝေဒ်-၁၉ တုဲ အလဵုအသဳ ကၟိန်ဍုင်မလေဝ်ယှာ သၠုဲတိတ်ဏာ ပရေင်လွဳလွတ်ထပက်ဂဥုဲစဵုဒၞာ သွက်ကောန်ၚာ် နူအယုက် ၅ သၞာံ စဵုစိုပ် အယုက် ၁၂ သၞာံ မဒှ်ရ။ ကောန်ၚာ်တံ ၜိုတ် ၄ ပြကောဋိကိုဋ် သီုကဵုကောန်ဒှ်ဒဒိုက်ဂမၠိုင် ကေုာံ ညးမအာတ်ဇူပရေင်ဂီုကၠီုဂမၠိုင် ကြက်ထပက်ဂဥုဲစဵုဒၞာဏောင် စၟဳကေတ်လဝ် မဒှ်ရ။ ပရေင်ထပက်ဂဥုဲစဵုဒၞာဝွံ ရီုဗင်ကဵုဏာ
- ပရေင်စဵုဒၞာကောန်ၚာ် နူဂကောံသၞောတ်သက္ချန်ယဲခ္ဍတ်ဂုဟ် သွက်ကောန်ၚာ်ဂမၠိုင်(MIS-C)ကီု နူပရေင်ကၠောံထၞာန် ယဲခိုဝ်ဝေဒ်-၁၉ ဍာ်ဇမၠိင် မဒှ်ရ။
- သ္ဂောံသ္ပဏာကဵုကောန်ၚာ်ဂမၠိုင် သ္ဂောံကလိဂွံအခေါင်ဆက်ဆောံ ကဵုပွဳပွူလ္ပာ်မ္ၚး ကရောံမၞိဟ်ဂမၠိုင် ဗွဲမဗၠးဘဲအန္တရာဲ မဒှ်ရ။
- သ္ဂောံဖအောန်ဖျေံ ဂကောံမင်မွဲစဵုဒၞာယဲဇၞော်ဇၞော်တံ ပ္ဍဲဘာဗ္တောန်လိက်ဂမၠိုင်ကီု ဌာနကတ်လ္ၚတ်ဂမၠိုင်ကီု မဒှ်ရ။
ကောန်ၚာ်အလုံသီုဖအိုတ် အပ္ဍဲဂကောံအယုက်တံဏံဂှ် ကြက်ဂွံထပက်ဂဥုဲစဵုဒၞာ တၞိင်ဒုတိယ နကဵုဂဥုဲစဵုဒၞာ Pfizer BioNTech အ္ခိင်ပိုင်ခြာလဝ် အကြာတၞိင်ၜါ ပွိုင်(၈)အဒိုတ် မဒှ်ရ။ ပရေင်ထပက်ဂဥုဲစဵုဒၞာဏံဂှ် ယဝ်ဒးၜတ်ကၞာတ်ကဵု တၞိင်ထပက်ကဵုမၞိဟ်ဇၞော်ဇၞော်တံမ္ဂး ဖအောန်ဖျေံလဝ်တုဲ တၞဟ်နသ္ဂောံချိုတ်ပၠိုတ် ဂဥုဲစဵုဒၞာဏံ ဒုင်တဲခိုင်ကၠိုက်မာန်ဂှ် အ္ခိင်ပိုင်ခြာ အကြာတၞိင်ၜါပဵုတုဲလံ မဒှ်ရ။
ပရေင်စုတ်စရင် ကောန်ဇာတ်ဇကု ပ္ဍဲပရေင်တဝ်စၞေဟ် ထပက်ဂဥုဲစဵုဒၞာဏံဂှ် နကဵုပၟိက်ဆန္ဒဇကုဇကုပေင်ပေင် မဒှ်ရ။ ဆ္ဂး တၞဟ်နဂွံပ္တိုန်စရင်ရဳဂျေတ်သတာ ကောန်ဇာတ်ညးတံ တၞဟ်နသ္ဂောံစဵုဒၞာဂီုကၠီုကောန်ၚာ်တံ နူပရေင်ကၠောံထၞာန် ယဲကပ်ခိုဝ်ဝေဒ်-၁၉ ကေုာံ ဖဵုဇီုကပိုက် ပဓာန်ဇမၠိင်ဂှ် မိက်ဂွံကဵုဏာဇြဟတ် မိမဂမၠိုင် ကေုာံ မၞိဟ်မင်မွဲကောန်ၚာ်ဂမၠိုင် မဒှ်ရ။
သုင်စောဲ MySejahtera အာပ်ပၠဳခေယှေန်ဇကုတုဲ ပ္တိုန်စရင်ရဳဂျေတ်သတာ ကောန်ဇာတ်ဇကု နဒဒှ်မၞိဟ်ရီုဗင်ဂှ် ဇကုကၠောန်သ္ပဂွံမာန်ရ။ ပြဟ်ပြဟ်ဏံ ဂဥုဲစဵုဒၞာမကလိဂွံမာန် ပ္ဍဲဌာနထပက်ဂဥုဲစဵုဒၞာ မရုဲစှ်ကေတ်ဒၞာဲ(PPV) နကဵုယၟုရုင်ဂဥုဲမဟာဇန်ဂမၠိုင်၊ ဗ္ဒမ်ဂဥုဲဂမၠိုင်၊ ဒၞာဲထပက်ဂဥုဲစဵုဒၞာ PPV ပံင်တောဲဂမၠိုင် ကေုာံ ဒၞာဲထပက်ဂဥုဲစဵုဒၞာမ္ၚး PPV တံဂှ် မဒှ်ရ။
ဗဳဒဳယိုဝ်သောင်ထ္ၜးတင်စၞောန် ပ္ဍဲလာင်ချာန်နေဝ် YouTube ကောန်ဒှ်ဒဒိုက် ဍုင်မလေဝ်ယှာ Refugee Malaysia YouTube channel နကဵုဘာသာ အရာဗေတ်၊ အူဒူ၊ တမေဝ်၊ ရိုဝ်ဟေန်ဂျာ၊ တဳတေမ်၊ ကေုာံ ဖါယှေန် ကလိဂွံမာန် မဒှ်ရ။
ပ္ဍဲအ္ခိင်ဂှ်ဂှ် ကဵုဂွံမၞုံကဵုသတိတုဲ ဆက်ပ္ကတ်ပ္ကေင်ဒ္ဂေတ်ဗက်အာ W ၃ မ ကေုာံ ဝေင်ပဲါ C 3 မ အိုတ်ညိ။
W ၃ မ –
- ပွမကြာတ်တဲ Wash your hands
- ပွမစုတ်ယာတ်ကၟာတ်ပါင် Wear mask
- ပွမကဵုသတိ နူကဵုညးတာလျိုင်သၟိင်တံဂှ် စွံသတိညိ Be alert with warning from the relevant authorities
ဝေင်ပဲါ C 3 မ –
- ဒၞာဲမၞိဟ်ၜေတ်ဂမၠိင်ဂှ် ဝေင်ပဲါညိ Avoid crowded places
- ဒၞာဲဗလးကၞာတ်စိုတ်လဝ် ဗၞတ်ဗ္ၜတ်ဂမၠိုင်ဂှ် ဝေင်ပဲါညိ Avoid confined spaces
- ပရေင်တက်ကျာဆက်ဆောံစုက်စုက်တံဂှ် ဝေင်ပဲါညိ Avoid close conversation
ဖိတ်သတာ ဝေင်ပဲါ C 3 မ၊ ပ္ကတ်ပ္ကေင်ဒ္ဂေတ်ဗက် W ၃ မ
ဂကောံသၞောတ်သက္ချန်ယဲခ္ဍတ်ဂုဟ် သွက်ကောန်ၚာ်ဂမၠိုင်(MIS-C)ဂှ် ဒှ်အကာဲအရာ ဒၞာဲသ္ကုတ်ကဏ္ဍပ္ဍဲခန္ဓကာယ တၞဟ်တၞဟ်ဂမၠိုင်ဂှ် မပ္တံ ဂြိုဟ်၊ ကသအ်၊ ခၞေဟ်၊ က္ဍဟ်၊ စၞာံခန္ဓ၊ မတ် ဟွံသေင်မ္ဂး ဒၞာဲသၞောတ်ဂၠံင်ပလံင်ဗ္စိုပ်စၞစ(ဗုင်အိက်) တံဂှ် ဂုဟ်ခ္ဍတ်ကၠုင်မာန် မဒှ်ရ။ (တင်နင်တံမူလ၊ ပရေင်ထိင်ဒဝ်မင်မွဲယဲ ကေုာံ ဒၞာဲစဵုဒၞာဂမၠိုင်)
ယဲခိုဝ်ဝေဒ်-၁၉ ပဓာန်ဇမၠိင် – ပြဒ္ဒညာပရေင်ထတ်ယုတ်တၟိတၟိ ကလေင်ဒှ်ဂမၠိုင်ကီု မဆက်က္တဵုဒှ်အာမံင် ဟွံပိုတ်သ္ကုတ်ကီု လက်ကရဴနူ မၞိဟ်ယဲခိုဝ်ဝေဒ်-19 ကၠောံလဝ် အလန်ကိုပ်ကၠာကီုတုဲ မၞိဟ်တံဒးဆဵုဂဗ ပြဒ္ဒညာ ပွိုင် ၄ အဒိုတ် ဟွံသေင်မ္ဂး ဂၠိုင်နူ ၄ အဒိုတ် ဒှ်မာန်မဒှ်ရ။ (တင်နင်တံမူလ၊ ပရေင်ထိင်ဒဝ်မင်မွဲယဲ ကေုာံ ဒၞာဲစဵုဒၞာဂမၠိုင်)