ပွမကလေင်စဴ ပၟိက်ဆန္ဒဇကုဇကု

ကေတ်အဆက်ကဵု UNHCR

ယဝ်ဇကုပၠောပ်လဝ်စရင်ရဳဂျေတ်သတာ ပ္ဍဲ UNHCR ကီု ယဝ်ဇကုမိက်ဂွံကလေင်စဴ ဌာန်ဇာတိတိုပ်ကသုက်ကၟိန်ဍုင်ဇကုကီု နကဵုဗပေင် တၞးလိက်ဝှမ်ဆက်စၠောံ ပွမကလေင်စဴ ပၟိက်ဆန္ဒဇကုဇကု (အာတ်မိက် ပွမတက်ကျာသဳကၠဳကဵုကေတ်ကသပ်) ပရူဇကုစိုတ်လုပ်စ တၞဟ်နသ္ဂောံကလေင်စဴဂှ် ဇကုလဴပူသမ္တီကဵု UNHCR ဂွံမာန်ရ။

ပွမတက်ကျာသဳကၠဳကဵုကေတ်ကသပ် ပွမကလေင်စဴ ပၟိက်ဆန္ဒဇကုဇကု

• ကြဴနူကဏ္ဍဝိုင်တက်ကျာသဳကၠဳကဵုကေတ်ကသပ်တုဲ ယဝ်တၞးလိက်ဝှမ် ပွမကလေင်စဴ ပၟိက်ဆန္ဒဇကုဇကု Voluntary Repatriation Form (VRF) ပ္တိတ်ကဵုဂွံဏောင်မ္ဂး UNHCR ကြက်သ္ဂုတ်သွာတ်ကဵုဏောင်။ သ္ဂောံလုပ်စိုပ်ကဵု ညးတာလျိုင် အေမ်မဳဂြေယှေန်(Immigration) ကၟိန်ဍုင်မလေဝ်ဂှ် တၞးလိက်ဝှမ် ပွမကလေင်စဴ ပၟိက်ဆန္ဒဇကုဇကု VRF ဝွံ သွက်ဇကု ပၟိက်ကိစ္စဇၞော်လောန်ရ။
• ကြဴနူဂွံဒုင်ကေတ်တဲ တၞးလိက်ဝှမ် ပွမကလေင်စဴ ပၟိက်ဆန္ဒဇကုဇကု VRF တုဲ ဇကုထေက်ကဵုဒးကေတ် စၟတ်တ္ၚဲချိင် ပ္ဍဲရုင်အေမ်မဳဂြေယှေန်(Immigration) ဌာနအေမ်မဳဂြေယှေန် ကၟိန်ဍုင်မလေဝ်ယှာရ။ Malaysian Immigration portal
• ကြဴနူကလိဂွံစၟတ်တ္ၚဲချိင် နူအေမ်မဳဂြေယှေန်တုဲမ္ဂး ရာန်စၟတ်တဲက္ၜင်ကျာညိ။ ကြဴနူစၟတ်တ္ၚဲချိင် နူအေမ်မဳဂြေယှေန်တုဲ ပွိုင် ၁၄ တ္ၚဲ ဇကုဆက်ဖျေံအစဳဇန် ရာန်စၟတ်တဲက္ၜင်ကျာ ဂွံမာန်ရ။ ဣဏံဂှ် ပၟိက်ကိစ္စဇၞော်လောန်ရ။
• ပ္ဍဲတ္ၚဲ စၟတ်တ္ၚဲချိင် ရုင်အပ်ဝှေတ် အေမ်မဳဂြေယှေန်ဝွံ တင်နင်သၟဝ်တေံဂမၠိုင်ဝွံ သ္ပဂုဏ်တုဲ ကေတ်နင်ညိ။

• 1. လိက်စၟတ်တတ်ကၠောံဍုင်(passport)မၞုံအယုက် ဟွံသေင်မ္ဂး လိက်စၟတ်ထံက်ဂလာန်ပၟိက်ကိစ္စဇၞော် နူရုင်ကလုတ်ကၟိန်ဍုင်ဇကုဇကု (ပ္ဍဲဒၞာဲ လိက်စၟတ်တတ်ကၠောံဍုင် passport မကၠေံလဝ်)
  2. တၞးလိက်ဝှမ် ပွမကလေင်စဴ ပၟိက်ဆန္ဒဇကုဇကု (VRF)
  3. စၟတ်တဲက္ၜင်ကျာဇကု
  4. သြန်ဂွံကဵု သွက်ဒုဟ်ဒန် တန်တဴလောန်ၜက်(overstay) (မၞိဟ်မွဲတၠမ္ဂး ဗၞတ်ၜိုတ်နူ RM100 စဵုကဵု RM3000 ဒှ်မာန်တုဲ တန်တဴကဵု ကဆံင်စၟတ်ကောန်ဒှ်ဒဒိုက်ဇကု ကေုာံ အ္ခိင်ဇမၠိင် တန်တဴလဝ် အတိုင်ရုင်အေမ်မဳဂြေယှေန် ဟီုကဵုကသပ်ရ)

• ပ္ဍဲတ္ၚဲ စၟတ်တ္ၚဲချိင်ကဵုရုင်အေမ်မဳဂြေယှေန်ဂှ် အရာသီုဖအိုတ် ယဝ်ကလိတ်ကလောတ်မ္ဂး သပက်ယှေဝ်ဖါတ်(special pass) ကဵု လိက်အခေါင်စ္ဍးတိတ်နူကၟိန်ဍုင် (နူကဵုစၟတ်တ္ၚဲကလိဂွံလဝ်ဂှ် အယုက်စၟတ်တ္ၚဲဂျိုင် ၁၄ တ္ၚဲ)

မုတင်သၟာန်နွံမံင်ဏီရော။