Amau kuami kuasa cih ciapteh theih nading in nausuah theihpihna laidal pen naupang khempeuh in neihloh aphamawh hi a, gaaltaai-gambeelte leh gambeel-asiaulaite in Malaysia gamsunga asuak naupangte ading in nausuah theihpihna laidal pen Minam Minkhumna tawhkisai Panmun ahi Jabatan Pendaftaran Negara (JPN) pan lak ding UNHCR nakpitak in hong geen hi. Bangbang hileh, gaaltaai-gambeelte leh gambeel-asuailai pawlkhatte pen atate ii nausuah theihpihna laidal a ngahding uh hamsatna tuamtuam om ahihman in UNHCR ah min akhumsa nu le pate ii file sung ah naungeek-suakthakte theipihna laidal abehlap ding kisam nawnlo hi. Minkhum angahsa nu le pate file sungah kumnga nuaisiah nausuah theihpina lai aneilo naupangte gawmbeh ding pen nausuahna tawhkisai manmah hi cihna, leh amau ii kinaina, kizopziate himah hi cihna laite a om nak leh UNHCR pan in sang hi. Hite Kihel:
- JPN pan a nausuah-minkhumna tawhkisai siauhna lai original
- Zatopi pan ahihkeileh sayavuan (doctor)te ii inn pan suakhi cih kipsakna laidal, nausuah kipsakna tawhkisai siauhna lai original
- Inn pan suak ahihlam palikte thupuakna original
- Nausuahma hunsung tawh kisai card original (Naupaai sunga Kibawlna Laibu) ahihkeileh anu gaai sunga kibawlna card
- Anu leh/ahihkeileh apa ii kuami kuasa hi cih ciaptehna card(te) ahihkeileh kuami kuasa cih ciaptehna tawhkisai laikung laidal thupi(te)
- Zatopi pan a kingah nausuahna tawhkisai laikung laidal thupi adang khat peuhpeuh, natna daalna zatui kisutna card cih dante
- Nu le pa(te) ading kuami kuasa hi cih ciaptehna tawhkisai laikung laidal thupi(te) kitenna, kikhenna, leh sihna tawhkisai laikung laidal thupite, leh innkuan laibuneu cihdante, aki ngah leh
A nu le pate ii UNHCR file sungah naungeek suakthak gawmbeh nading in, Refugee Malaysia website pan innkuan mimal kikheelna ngetna khat aap unla tua siauhna sungah theipihna lai nambat pen meihtukuu ahihkeileh hoihtak keem un. Na file sungah na ta na gawmbeh theih nading in UNHCR in niciam-piakna khat tawh nang hong kizom ding uh hi. Tua na niciamni ciangin atung a kigen laikung laidal thupi tampite ahi thei zah hehpihna tawh keng in.
Kote in ngetna kangah ni uh leh mimalsim ii adiakdiak athaneemna uh om maw omlo cihdan thute tungtawn in na kasem uh hi. Niciam-piakna na ngahlopi in UNHCR Gaaltaai-gambeel Phualpi ah hehpihna tawh hong pai kei un. Gaaltaai-gambeelte ii cidam, ludam nading geelna tawh niciam-piakna pen aphazah kiciangtan khin ahihman in, niciam-piakna omlopi a Phualpi ah nong pai leh a sungah hong ki lutsak loding hi.
