1 June 2022 dong minkhumna nasepna tawh kisai FAQs

Friday / 03 June 2022

1 June 2022 dong UNHCR in ahinna abei laikung laidal thupite ahinna behlapsakna leh athak minkhumnate ading in zuih dinga kibawl khol paidaante hong puahpha (update) uh hi. Hih nasepziate tawh kisai aki dongh zelzel dotnate dawnna hitengah zong in.

Q. Ka UNHCR card ahihikeileh laidal thupi ahinna bei ding hita hi. Koi cidan in ahinna behlap ding ka hiam?

Na UNHCR laikung laidal thupi, ahinna abeima kaalnih sap in, niciamna ani leh ahun akihel SMS khat na ngah ding hi.

Tua niciampiakni hongtunma ni thum sap in phawksakna SMS khat na ngah ding hi.

Tua niciam ni pen na laikung laidal thupi tunga,ahinna hunbei nitawh hong kituak ding hi. Tua niciam ni, UNHCR Gaaltaai-gambeel Phualpi ah hong kilutsak ma in, UNHCR thuneite kiangah tua kipsakna SMS na lak ding kisam hi. Hehpihna tawh hong ciam nai sang in minute 30 alol zaw in Phualpi ah hong tung in.

Gaaltaai-gambeelte leh gambeel-asiaulaite ie cidamna-ludamna ding kiciantak a geelsak natawh niciampiakna pen nambat ki ciangtan ahih man in, niiciampiakna omlo pi in, Phualpi sungah hong kilut sak lo ding hi.

Azenzen in na UNHCR laikung laidal thupi ahinna bei khin napi SMS na ngah kei aleh, na phone nambat pen UNHCR te ciamteh na sungah kihel nailo cihna ahi hi. Banghun banghun in na phone nambat/email/na teenna mun na kheel aleh, hehpih natawh Gaaltaai-gambeel Malaysia website Refugee Malaysia websiteah hong theisak (update) un.

UNHCR laikung laidal thupite ahinna behlap nading niciam kipia in, amau ii ahinna bei laikung laidal thupi atawi mimalte bek UNHCR Gaaltaai-gambeel Phualpi ah ki lutsak ding hi. Hehpihna tawh min akikkhum nai lo na meeltheihte ahihkeileh na innkuanpihte hong tonpih kei in.

Niciampiakna tawh UNHCR Gaaltaai-gambeel Phualpi ah nong pai ciangin hehpihna tawh tui bung leh neek theih nengneng/an hong keng in.

UNHCR Gaaltaai-gambeel Phualpi mai leh/ahihkeileh Phualpi sunglam ah na om hunciang, na niinthemte niinbung ah hehpihna tawh paai in.

Q. Gambeel-asiaulai khat ani tawh koi ci bang in minkhum thei ding ka hiam?

Abeisa hun ah COVID-19 tawhkisai in kikhakcipna (lockdown), vaksuk vaktoh ciangtannate leh gam leh minam tawh kisai COVID-19 SOPs hang in UNHCR in vaithupi tuamdiak cihte lobuang UNHCR Gaaltaai-gambeel Phualpi ah mimalsim kuamah sang thei lo uh hi. Tua ahih man in, gaaltaai-gambeel minkhumna tawh kisai kamdotnate pen atam zaw agamla pan in, vaikin minkhum sak ding akisam lauhuai dinmun ah a omte kikep kidaal akisapna dungzui in kibawl hi.

UNHCR Gaaltaai-gamabeel Phualpi pen September 2021, a kihon kikkhit ciangin, kipawlnate ii ngetna tawh kizui a, UNHCR in, ahinna abeisa laikung laidal thupi 68,000 kiimte ahinna behlap ding pen sepmasak in kinei bek thamlo, amihing teekteek minkhumna tawh kisai pen apha zahding ciangtan in kamdot bawlnate zong akipan ahi hi. Adiakdiak in athaneem mimalte pen awlmawh/hisak masak in kinei hi. Gentehna in, athaneem mimalte lak ah lauhuai dinmun ah aom nupite, lauhuai dinmun ah aom naupangte, lauhuai dinmun ah aom khanghaamte, lauhuai dinmum ah aom poina anei adam sitset lo te leh anasia mahmah damlohna aneite leh mat leh heenna ahihkeileh agam ah hawlkhiat athuak dingmi cihdante kihel hi. Naupangte, khanghamte, nupite, ahihkeileh naugaai numeite, hite khempeuh pen athaneem hi ci a ih ngaihsut loh ding hehpihna tawh kong theisak uh hi; ahih hangin khangham mi khat pen vaikin tak a kibawl ding akisam ansia mahmah damlohna aneih aleh minkhumsak ding pen ki ngaihsut sak thei hi.

2020-2021 kum kikal a ahinna abei laikung laidal thupi atam zaw (68,000) pen ahinna kibehlap khinta a, tu’n pen UNHCR in agamla pan minkhumna abawlsa mimalte kisitpha ding leh minkhumna tawh kisai kamdotnate abawl theih nading in niciampiakna nei uh hi. Minkhumna ah awlmawh/ hihsak masak ding pen 2019 kum, ma in ngetna anei mimalte leh/ahihkeileh adiakdiak in athaneem mimalte lak ah lauhuai dinmun ah aom nupite, lauhuai dinmun ah aom naupangte, lauhuai dinmun ah aom khanghaamte, lauhuai dinmum ah aom poina anei adam sitset lo te leh anasia mahmah damlohna aneite leh mat leh heenna ahihkeileh agam ah hawlkhiat athuak dingmi cihdante kihel hi. Minkhumna angen akuama khempeuh ading in tu le tu a kisepsak lo ding hi; Gaaltaai-gambeelte ii cidamna leh ludamna ding kiciantak a geelsakna tawh minkhumna pen niciam piakkhit ciangbek in kisem hi.

Niciampiakna na ngah kei leh athak minkhum ding in hehpihna tawh UNHCR Gaaltaai-gambeel Phualpi ah hong pai kei in. Minkhumna tawh kisai kamdotna dingin hungeelna sungah na kihel aleh niciampiakna dingin phone hong kisam dinga, tuaban ah kipsakna SMS na ngah ding hi.

Minkhumna tawh kisai ngetna website tungtawn in khatvei nabawl khit aleh bawlbeh nawn kei in, tua bang a nget kiknate in nang leh midangte ading minkhumna nasepziate hong kaaisak ding hi. Website tungtawn in minkhumna tawh kisai na siauhkhit aleh hehpihna tawh tua kizawpna (reference) nambat pen ponghneit (print) khia ahihkeileh kep ding mangngilh kei in.

Minkhumna tawh kisai kamdotna ading UNHCR te hong hopih ding hehpihna tawh ngak in. Minkhumna tawh kisai angak mimal tam mahmah hi, tua ahihman in sauveipi ki ngak hi.

Minkhumna tawh kisai kamdotna bawlding niciam ngah in, UNHCR Gaaltaai-gambeel Phualpi ah nong pai ni teh hehpihna tawh na aituam tuibung leh neektheih nengnengte/an hong keng in.

Phualpi mai leh/ahihkeileh Phualpi sunglam ah na om hun ciangin, na niinthemte niinbung ah hehpihna tawh paai in.

Q. Athak minkhumna tawh kisai kuate ki awlmawh/hihsak masia ding hiam?

UNHCR ii tulai tak a awlmawh/ahihsak masak pen 2019 ma a ngetna abawlte leh/ahihkeileh adiakdiak in athaneem mimalte ahi hi. Gentehna in, athaneem mimalte lak ah lauhuai dinmun ah aom nupite, lauhuai dinmun ah aom naupangte, lauhuai dinmun ah aom khanghaamte, lauhuai dinmum ah aom poina anei adam sitset lo te leh anasia mahmah damlohna aneite leh mat leh heenna ahihkeileh agam ah hawlkhiat athuak dingmi cihdante kihel hi. Naupang khempeuh, khangham khempeuh, nupi khempeuh, ahihkeileh numei naugaai khempeuh pen athaneem ahihkeileh lauhuai dinmun ah aom in ki ngaihsun lo hi. Azenzen a amaute in asangzaw kidaalna tawh kisai alauhuai dinmun tuakkha ahihkeileh atuam vilvel kisapna aneih beh aleh bek minkhumna tawh kisai ki ngaihsut sak ding hi. Gentehna in, khangham mi khat pen vaikin tak a kibawl ding akisam ansia mahmah damlohna aneih aleh tua nu/pa minkhumsak ding pen ki ngaihsut sak thei hi.

Q: Ka mininkhumna ding tawh kisai niciamni in bang ka ken ding kissam hiam?

Hehpihna tawh na innkuanpihte khempeuh leh na thu tawh kisai laikung laidal thupi khempeuhte ahi gamdang zin theihna lai, ii hihna ciaptehna laidal, kitenna tawh kisai theihpihna lai, zato tawh kisai laikung laidalte, innkuan lai ahihkeileh gammi hihna ciaptehna laikung laidal, galkap sepna tawh kisai laibuneu leh nidang in UNHCR leh/ahihkeileh UNRWA Zumpi ah minkhumna tawh kisai himah hi cih theih ding pansante keng in. Bekthamlo, hih kiimnai ah sai omlo ahih man in hehpihna tawhna tuibung leh an/ neektheih nengnengte zum ah hong keng in, zum ah ii ngak hun pen lametna sangin kaai zaw thei hi.

Q: Kei min kikhum khin hi, ahih hang ka zi leh kata (18 nuaisiah) te min kikhum nai lo hi. Koi cidan in ka zi leh katate minkhum ding ka hiam?

Gaaltaai-gambeel Malaysia (Refugee Malaysia website) pan in (family composition change) innkuan kilamzia kikheel nading ngetna aap in ahihkeileh Registration hotline 017-6143810 8:00 a.m. pan 4:00 p.m dong pan in sam in. Saangkah nikhat ni pan Saangkah ninga ni Website tungtawn in innkuan kilamzia kikheel nading ngetna na aap aleh hehpihna tawh kizawpna (reference) nambat pen kician tak in (print) ponghneih ahihkeileh keem in. Nazi leh natate na file sungah na guan theih nading in niciampiakna tawh UNHCR pan hong ki ho ding hi. Kote in ngetna kangah ni uh leh mimalsim ii adiakdiak athaneemna uh om maw omlo cihdan thute tungtawn in na kasem uh hi. Gaaltaai-gambeelte ii cidamna-ludamna ding kiciantak a geelsak natawh niciampiakna pen nambat ki ciangtan ahih man in, niiciampiakna omlo pi in, Phualpi sungah hong kilut sak lo ding hi.

Q: Tusung mahmah in naungeek suakthak khat ka nei hi. Koi cidan in ka file sungah tua naungeek guang ding ka hiam?

Refugee Malaysia wibsite tungtawn inf innkuan kilamzia kheelna (family composition change) ding ngetna aap in. Website tungtawn in innkuan kilamzia kikheel nading ngetna na aap aleh hehpihna tawh kizawpna (reference) nambat pen kician tak in (print) ponghneih ahihkeileh keem in. Niciampiakna na ngah kei aleh hehpihna tawh zum ah hong pai kei in. Gaaltaai-gambeelte ii cidamna-ludamna ding kiciantak a geelsak natawh niciampiakna pen nambat ki ciangtan ahih man in, niiciampiakna omlo pi in, Phualpi sungah hong kilut sak lo ding hi.

Q: Ka UNHCR card ka mansuah hi. Koi cidan in ataang card khat ngah thei ding ka hiam?

Gaaltaai-gambeel Malaysia website (Refugee Malaysia website) tungtawn in( report on loss of document )laikung laidal mang thupuak aap in. Website tungtawn in laikung laidal thupi mang thupuak na aap aleh hehpihna tawh kizawpna (reference) nambat pen kician tak in (print) ponghneih ahihkeileh keem in. Aki ciangtan niciam tawh zum ah napai theih nading kha khat sung in UNHCR pan hong ho dinga, ataang laikung laidal thupi khat hong pia ding hi.

Q. Minkhumna ding tawh kisai siauhna lai ka aap nading ahihkeileh UNHCR/ahihkeileh anasep khoppih te ii panpihna ka zonlaitak in man kapiak ding akul hiam?

Hi lo. UNHCR leh ama ii nasep khoppihte’ nasepnate, minkhumna tawh kisai nasepnate leh UNHCR laikung laidal thupite akipan avek in akhawnkhong hi a, manpiak kullo hi. Mikhat peuh in UNHCR ii nasepnate tawh kisai, sepsakman hong nget aleh Online ah Lungkim lohna thugeenna Siauhna lai (Online Complaint Form) (Zuauphuahna & Neekguukna) tungtawn in thupuak in, ahihkeileh Lauhuaina mun ah panlaakna tawh kisai Kigawmkhawm in Atung pan etcikna Unit mlslufrd@unhcr.org ah email khak in.



Share