Gampem nading mun vaihawmsakna
Gampemna cih pen gaaltai-gambel mi khat a gam pan taikhia in huuthuai ahihna hangin lungmuanhuai takin a ten theih na dingin teel in gam dang kipuak ahihi. A tunna gam ah gammi suah theihna ding hamphatna zong ngah hi.
Gampemna thu cih pen nakpitak a gam sung buaina lianpi hang a piangte bek ahihi. Leitungbup gaaltai-gambel 1% sangin tawmzawte bek gampem in kipuak zo bek hi. Gampemna vai ah mikhempeuh a ding mun kiicinglo a, a kisam diak gaaltai-gambeel pawlkhat a ding bek ahihi. . Ciapteh ding thupi hi.
- Gampem nading mun vaihawmsakna pen sehtan hi lo hi. UNHCR pan gaaltaai-gambeel hihna hongpiakna ahihkeileh minkhumna pen mimalsim ii gampeemna vaihawm sakna hilo hi.
- Khuasakkik theih nading mun vaihawmsak kikna pen atuamtuam ah a thaneem mahmah gaaltaai gambeelte ading in kidaalna vanzat khat bangh ahi hi. Gampemna vai ah a kisamdiak te masak in kipuak hi.
- Gampem nading mun vaihawmsakna tawh kisai a kingaihsut na ah bawldan sepdan ding thulehla tampi tawh kizom-in, tuate sungah mimal in kepna leh panpihan nakpitak akisap kiknate hang ahi zongin, a omna gam i dinmun cihte leh gampem nading munlehmual akicinna tawh kisai cihte kihel hi.
THUPHAMAWH!
Gampem natawhkisai ngaihsutsaknate pen nang ie ngetnate ahihkeileh nanng ie siauhnate tungah kingalo hi. Tua ahihmanin, UNHCR Malaysia in gampen ding pen nang ie ngetnate leh siauhnate
Hehpihna tawh zum ah hong pai kei unla email leh laite khak un ahihkeileh gampem nading vai ngen ding or siauhna dingin zum phone hong call un..
Gampem nading mun vaihawmsak kikna tawh kisai Kamdotna
Gampem thei dingin na tangthu in a cinleh gampemna vai thudotna nei dingin hong kisam ding hi. Atangpi in thudotna pen UNHCR zum ah kinei hi. Thukhat peuhpeuh hangin thudotna pen online zangin zong kibawl thei hi. Na gampem nading tawhkisai niciampiakna Hunsau-akimangding Buaisiansakna Panmunte in hong sam in thu hong zaksak ciang , online pan kamdotna bawl ding na ut keileh theisak pah in. Hih hangin UNHCRte’n na khuasakkiktheih nading panpihna vai sepsakna tawh kisai bangmah nawnkaina piangsaklo ding hi.
Gampem nading mun vaihawksakna kam hong kidotna khit ciangin
Gampem nading mun vaihawksakna kam hong kidotna khit ciangin, naang i nathu leh nala hoihtakin ki enkik ding ban ah khuasakkiktheihna ding gamah na thu ki-ap-theiding maw ki-aptheilo ding cih khensakna nei ding uh hi.
Gampem na dingin na thu hong ki ap-sakkhit ciangin DSU ahihkeieh gampem nading gam pan in a cingzaw kipsakna vai hong gen in hong hopih ding uh hi.
Anunung pen gampem nading gamte’n amau kumpi thukhunte leh zuih ding-a abawl uh thute tawh ki zui in gampem theiding ahihkeileh gampem theilo ding cih khensatna nei ding uh hi.
THUPHAMAWH ZAKSAKNA!
United States (US) Kumpi in U.S. Refugee Admissions Program ahi Gaaltaite Luttheihna tawhkisai Vai (USRAP) pen khawlsak phot ahihna thu hong suaksak hi.Tulaitak in US ah gampem ding gaaltaite maban tawhkisai US kumpi thuneite ie hong puak ding thuthakte UNHCR in, angaklaitak ahi hi. Hih thu in, gaaltaite innkuan kigawm kikna tawhkisai mabante leh WelcomeCorps mabante hong sukha hi.Tu tadih in, gampem ding tawhkisai lam etna ki ginkholhna hangin nuntakna kheel theihna lianpi cihte na hihkha kei un (nasep nusia, sangkhawl, neihsate zuak cihte kiheel hi)
Apiang thei ahithei ding zuaukhemna leh ahihkeileh zuauphuahna laikhakte kidop ding
Manhpiakna ahihkeileh adeihhuai na khat peuh hongkal in gampemna tawhkisai mabante amanlan theih nading in hong hihsak ning cihlam tawh mite kikhem sak kei in. Gampem nading tawhkisai kamhong ciam mikhatpeuh tungah sum pia kei in. Gampemna akihel UNHCR mabante akisepna ah UNHCR nasemte, kamphente leh asepkhoppihte in sum hong ngen ngeilo ding hi a, UNHCR ah na thu amanlan theih na ding in sum hong pia in hong ci mikhat peuh muangkha kei in. Mikhat peuh in gampem na ding leh UNHCR maban khat peuh ading in sum hong nget leh hehpihna tawh manlangtak in hite ah thupuak bawl in:
- The police CCID Scam Response Centre at 03-26101559 or 03-26101599.
- UNHCR form: Contact – Refugee Malaysia.hih zang in
- USRAP ki kholsakna hangin US gam ah gaaltaite pemna ding tawhkisai aki aapsa maban khempeuh aki etcik laitak ahihman in, Malaysia pan na thu manlang tak ahihkei leh na paikhiat theih nading hong huhthei ung hong ci mikhatpeuh aom khak leh na um kha kei un.Hih pen thuman hilo hi.UNHCR lam pan in akician theihhuai thulela na ngah masiah in bangmah mawk gamtat kha kei un.
- Na USRAP vaite pen na sponsor te in hong aapsak khin ahih phial hang, na sponsor te in na vai uh amanlanzawk na ding leh Malaysia pan na pusuah baih theihna dingin hong hihsak theilo ding cih na tel un.
- US Kumpithuneite ahihkeileh UNHCR, IOM ahihkeileh RSC kiang pan in thuneite ie kiciantak kipsakna leh theihsakna .omlo pi in gampemna vai leh khualzin nading vai thunengneng omte na um kha kei un. Muanmawh up phatloh a om leh, hehpihna tawh hiteng pan Contact – Refugee Malaysia.UNHCR zum na kizom un.
- UNHCR te in Refugee Malaysia wibsite tungtawn in anunung thuthakte ahunhun in hong hawmkhia ding ung.
Khualzin Paikhiat-ma deuha Kiginkholhnate leh Peem nading Gam-ah paikhiatna
Peemnading tawhkisai Gamtuamtuam Kipawlna (IOM) te in ih paikhiat ih dinkhiatma a hihding akisam (sisitna leh ngeina tawhkisai kisinsakna, Australia gam ahilo gamdang ah akisangkhin gaaltaite ie khualzin na dingvaite zongh hong sepsak ding uh hi. Nang pen Australia ahilo gam khat pan in gampem ding hong kisangkhin ahihleh IOM te in na khualzin nading tawhkisai hihding teng hong hihsak khitteh hongsam ding hi.. Khualzinna or khualzinma a hihding kisamthu tawhkisai dotnop na neih leh IOM Kuala Lumpur iomkulinq@iom.int or call +603 9235 5400 ah na kizom thei hi.
Nang pen Australia pan in hong kisangkhin na hihleh, Toll te in +66 tawh kipan phone nambat pan hong hopih dinga, khualzinna leh khualzinma a hihding akisamte theihsakna hong nei ding uh hi.
Gampem nading Tawhkisai Akisam nate
Gampemna tawhkisai Internet tungtawn kimu in thugennate
Dotna Pawlkhat Om maw?
A kicingzaw theihsakna, hehpihna tawh Gampem nading tawhkisai Aki dongthei Zelzel Dotnate (FAQ) dong in.