UNHCR luh asiloah min khumhning
Dornak kawlnak caah tuah dingmi a dot khatnak cu cazin ah min khumh a si. Min cazin khumhnak timi cu, UNHCR nih a biapi in ruahmi hna an konglam tial, si ning fianternak le a hnu bik thil si ning fianter kha a si.
UNHCR Malaysia ah min cazin i khumh ning
Min cazin khumh dingin halnak tuah na duh a si ahcun, Refugee Malaysia website chung in a thar in min cazin khumhnak form ahkhan rak sok. Halnak vialte cu felfai tein tuah dih a si lai, nain soknak a tuahmi an tamtuk caah, UNHCR nih khul rangte in lehnak an tuah kho lai lo. UNHCR nih min cazin khumhnak ding ni le caan pekding in chawnh na si tik tu kha zaangfahnak in rak hngak. Mithar laknak ding a hngak vemi hi an tam tuk caah hngah caan hi a suanak si.
Website tiangin zungluh min cazin khumh dingin halnak na tuah cang a si ahcun, zungluh mincazin khumh than ding ah halnak rak pe lengmang ti hlah. Cu ti bantuk in na tuah a si ahcun nangmah le midang caah caan a ruah ter lai. Website in mithar laknak na sawk cang ahcun reference number kha print asiloah tha tein fim ding philh hlah.
Zung rat ni caan pek na si lo ahcun mithar zungluh mincazin khumh dingah UNHCR midonnak hmun ah rak rat lo dingin kan in nawl hna Zung rat ni caan peknak caah caan suaipiak na si lai. phone chawnh a si lo ah zung rat caan pek ni caan kha cakuat in a ni le a caan kuat chih na si lai.
UNHCR he i tawnnak ni caan peknak
UNHCR nih zung rat ni caan pekdingah pehtlaihnak an in tuah lai ii, na ni caan caah timh tuahnak nai tuah khawh. UNHCR nih a ho he dah nan rat ti khawh timi kha zung rat ni caan an in pek lio ahhin an in chimh chih lai. UNHCR mi donnak centre nihhin, mi dang an si ah, na chungkhar lila hmanh, luhter an sianh hna lai lo.
Zung rat ni caan an in pek ni ah, SMS in fehternak caa an in kuatmi kha UNHCR riantuantu hna sin ah na hmuhter hna a hua lai cu hnu lawng ah UNHCR midongtu hna nih zung chung luhnak nawl an in pek lai. zung rat ni caan an in pek ni ahhin minute 30 hlan ah zung rak phan.
Zung rat ni caan pek na si lo ahcun midongtu hna nih zung chung luh an in sianh lai lo, a ruang cu ralzam le dornak-a kawl liomi hna caah an ngandamnak ruah piak in ni khat ah mi mah cu zat ra hna seh tiah zung rat ni caan hi pek an si caah a si.
Zaangfahnak in nangmah tein ti le rawl/eidin rak i ken. Zung a leng lei ah siseh/a chungah siseh, zaangfahnak in hlawnh ding na hnawm kha hnawmpung chungah rak kan hlawnh piak.
Cazin chung min khumh tikah na konglam le na sining kha a dikning, zumhtlak tein le tlamtling tein na chim dingmi kha a biapi. Tlamtling lo asiloah a dik lo ningin na konglam le na sining na chim ahcun na case ah harnak na tong kho. Malaysia ah a ummi an si ah vawleicung kaa dangdangah a ummi an si ah na inn chungkhar milu zat tlamtling tein in na chimh dih hna lai. Na nupi/va, nu le pa( an hringtu le/asiloah cawmtu), Na tta le na far le hna ( nu khat-pakhat, nudangpadang, fa ei, cawmmi) le hngakchia ( na fa taktak, cawmmi, fa ei, le a hlan i na nupi/va thing a si lo ah nungak tlangval ngeih)
A Herhmi Ca Hna
Passport, a ho na si theihnak catlap, tthit umhnak certificate, na chuahnak certificate, ing-thong-suh-cazin, a si loah na hmat-pung-tin, ralkap na tuannak cauk, Sii thlawpnak cahnah, a hlan UNHCR zung luhnak, UNRWA zung a si loah ramdang cozah tibantuk ah Na case he pehtlaihnak a ngeimi cahnah/catlap rak in ken dih hna.
UNHCR nih an in pekmi ca paoh biana ah nangmah na sinak a langhtertu card (identity card), a sining ruahpiak lio a si tiah pekmi (UC) ca, zung rat dingmi ni le caan pekmi card le, zung ra dingin tialpiakmi ca paoh zung na rat ni ah na rak i ken dih lai. Malaysia si loin hmundang UNHCR Zung in an in pekmi zeibantuk ca paoh na rak ken dih lai.
Card/catlap a thar thlennak
UNHCR ah zungah min cazin khumh mi na si i UNHCR card/catlap pek cangmi na si ahcun, UNHCR card/catlap nithla a dih hlan ah a thar na rak thlen than a herh lai. Ni thla a dih hlan zarh hnih ai duh ah, zung rat ni le a caan SMS cakuat na don lai. Zung rat ni caan an in pekmi theihter thannak caah ni thum hlan ah SMS cakuat na don than lai. Zung rat ni caan an in pek mi cu na card/catlap ni thla a dih ni he ai khat in pek a si lai.
Na UNHCR card/catlap ni thla a dih cang nain SMS na don lo a si ahcun, UNHCR ahphone number na pekmi hmankhawh a si ti lo ti na rak theih lai. Na phone number/email/na umnak address, nai thlen tik paoh ah zaangfahnak in Refugee Malaysia webside Phone Number Update a si loah Personal Information Update forms ahhin a thar rak pe.
Na UNHCR card/catlap ni caan a dihmi tharchuah than dingah zung rat ni caan pek na si lai i, zung rat ni caan pek mi pumpak pahat cion nih ni caan a dih cangmi card/catlap a rak i kenmi hna lawng UNHCR midonnak certre nih zung chung luh an in sianh hna lai. zaangfanak in zungah min cazin khumh a si rih lomi na chungkhat a si lo ah na inn chungkhar rak rat pi hna hlah; midonnak centre nih luh an in sianh lai lo.
Na fa min cazin khumhnak
Nua na ngeih le cangka in, cozah Rammi Minkhumhnak Department (NRD) ah na fanu a si lo ah na fa pa a chuahnak certificate lak dingin min cazin na pek khawh. Naute a chuah hnu ni 60 chungah hitibantuk hin na tuah a si ahcun NRD ah man pek a hau lai lo. A si nain ni 60 khawh hnu ah na tuah a si ahcun na tlai man, a man liam ter na si lai. UNHCR nih cun ral zam le dornak-a kawl liomi hna cu National Registration Department (NRD) tiangin naute chuakka birth certificate lak dingin fak pin forhfialnak a tuah, nain UNHCR-ah min cazin khumh hi cu a herh tukmi thil a si lem lo.
UNHCR ah min khumh cangmi na si ii na fa na UNHCR file ah benh na duh a si ahcun Refugee Malaysia website chung i Family Composition Change form a um ko.
UNHCR Card/Catlap Thlaunak Kongah
Na UNHCR card a si lo ah na si ning ruahpiak cuahmahmi tangah a um tinak (UC) catlap na thlau sual a si ahcun Report on Loss of Document form ah rak chim. Los document report tuahnak website tiangin na pek a si ahcun, zaangfahnak in reference number kha catlap in chuah a si lo ah tha tein rak i chiah. UNHCR nih thlakhat chungah an in pehtlaih lai ii zungrat ni caan an in pek lai cun UNHCR midonnak centre ah na chimh hna lai i card/catlap a thar thlen piak na si lai.
UNHCR Ca
UNHCR ah min khumh a si cangmi pumpak pakhat cio hna cu, UNHCR card/catlap pek an si lai ii, cu ahcun UNHCR kilvennak tangah a ummi a si lo ah pehtlaihnak a ngei mi a si tiah ai tial lai.
UNHCR a hodah ka si ti hmuhsak dingin i ken mi card/catlap hi Malaysia ah phungning a si lo hlei ah ramthumnak kalnak pasport zawng a si lo. Tlaih khihnak tiangin tlawmpa i kham khawh i, UNHCR a riantuan ti phu hna a si lo ah a dang riantuantu hna bu thlang tiangin ngandamnak lei riantuan tu hna, fimcawnnak le a dang a herh ngai ngai mi thil a si mi um lo khawh lomi bawmh chanhnak tlawmpal kha a ri khiah in hmuhnak lawng a si.
Zung luh min cazin khumhnak he ai pehtlai mi.
Min zazin khumhnak Webinar
Biahal Ding Na Ngei Maw?
Thawngpang tam deuh theih na duh ahcun Registering with UNHCR Frequently Asked Questions (FAQ). ahhin ruahnak i lak khawh a si.