Ramthumnak lei
Malaysia Cozah nih Lengchuah Khamnak Nawl an chuahmi le zapi ngamnak caah ruahnak i cheuhnak a tuahmi ning zulh in ram thumnak lei kalnak telh in ralzam hna le UNHCR riantuantu hna ngandamnak huhphenhnak caah tiin UNHCR riantuannak a tambik cu a langhlat (telephone le video call) in tuah le ttuan an si.
COVID-19 nih hin ramdang khualtlawnnak hi faktuk in a hnursuan caah Malaysia ah a ummi ralzam hna telh in ram thumnak lei ah lan dingin cohlan cangmi ralzam hna zong hi a hnursuan ve hna.
Mahhi thil sining thlennawnnak hna nih a langhlat in biahalnak (interview) tuah hi a chuahpi, nain ram thumnak lei lanhnak dang caah tahfung hna le tawlrel ningcang hna cu a hlan bantuk khan amah ning te a si ko.
- Ram thumnak lei kal hi covo a si lo. UNHCR nih zung ah min a khumhmi hna asiloah ralzam sinak a pekmi hna hi ram thumnak leiah a lanhter hna lai tinak a si lo.
- Ram thumnak lei lanhnak hi cu tihnung tuk dirhmun ah a dirmi ralzam hna huhphenh le kilvennak ca lawngah a si ko rih. Ram thumnak lei lanhnak ding caah a si khomi case thencheu ning hna cu pumpak pakhat nih huhphehnak le kilvennak an herhning zulh in a si ko rih lai.
- Ram thumnak lei lan dingin case pakhat biachahnak tuah awkah pekmi hi minung pakhat nih huhphenh le kilven a herh tukning zulh in siseh, pawngka umtuning zulh in huhphenh le kilven a herhning in siseh, ram thumnak lei a latu ding ram dirhmun le sining zulh in siseh, ram thumnak lei lanhnak ding hmunhma hna a lawnning zulh in siseh thil sining tampi ah cun aa hngatmi a si.
Ram thumnak lei kal dingin na case kha timhlamhpiak cia a si i, ram thumnak lei lanhnak tawlrelnak ding caah a herhmi na konglam tling deuh in chapchuan a herh ahcun Durable Solution Unit (DSU) nih telephone in pehtlaihnak an in tuah lai.
Ram Thumnak Lei Kalnak Biahalnak (Interview)
Ram thumnak lei kal dingin tawlrepiak dingah na case kha aa tlak ko tiah hmuh a si ahcun a langhlat biahalnak tuah dingin sawm na si lai. A tlangpi in cun interivew paoh hi cu online asiloah telephone in tuah a si lai. Hawi he i khat loin sining le dirhmun dang a simi cu COVID zulhphung nih a onh ningin UNHCR ah biahalnak tuah a si lai. A langhlat in biahalnak tuah na duhlo ahcun biahalnak tuah dingin chawnh na si lioah khan Durable Solution Unit kha na chimh hna lai. Hi ruang ahhin ram thumnak lei na kalnak dingah UNHCR nih na case an in ruahpiakmi kha a hnursuang hlei lai lo.
Ram thumnak lei kalnak a langhlat in biahalnak tuah na si lioah hin atu bantukin chawnh na sinak a ruang le ram thumnak lei kalnak tawlrel ningcang hna kha a tawinak in fianternak le chimhnak an ngeih lai. Nangmah na pumpak konglam him te le midang nih thei lo dingin na chim khawhnak hmun ah na um lai. UNHCR ah a herhmi ca pek ding a um ahcun amah nih a pek ningcang kha an chimh lai.
Mui lang in siseh, mui lang loin siseh ram thumnak lei kalnak a langhlat in biahalnak tuah lioah zaangfah tein aw na khumh lai lo. Cuti na tuah a si ahcun bia thlithup thuhnawhmi kongah nawl na buar a si lai i, UNHCR nih fakpi in na thil tuahmi a zoh lai.
Ram thumnak lei lanhnak interview phit hnu ah
Ram thumnak lei kalnak biahalnak na phit hnu ah na case kha tha tein zoh than a si lai, cun ram thumnak lei mi cohlangtu hna nih an in ruahpiaknak ding caah na case hi kuatpiak na si lai maw ti kha biachahnak tuah a si lai.
UNHCR ah ram thumnak lei kalnak biahalnak na phit dih cang hnu ah biahal ding na ngeih ah maw asiloah na konglam sining a thar in thawngthanh le pek na duh, biana ah na chungkhar ah benh chap na duhmi/ minung zat i thlennawnnak a um ahcun mlsludsu@unhcr.org ah e-mail na kuat lai. Nain, e-mail hi tampi tuk kan don caah pumpak in kuatmi e-mail dihlak cun UNHCR nih cakuat a let kho hna lai lo ti belte zaangfah tein na theih chih lai. Zaangfahnak tein aa khatmi e-mail kha voi tamtuk in UNHCR ah kua hlah, zeicatiah tawlrelpiak na si dingmi caan a fumter sual lai.
Ram thumnak lei kal dingin kuatpiak na si ahcun Durable Solution Unit asiloah ram thumnak lei in mi cohlangtu ram nih pehtlaihnak an in tuah lai i thil sining zong tam deuh in an in chimh lai.
Ram thumnak lei na lanh khawhnak ding caah a donghnak bik biachattu cu ram thumnak lei in mi cohlangtu ram hna an si i anmah ram phung le phai ningin biachahnak an tuah lai.
United States of America ah kuatpiak na si ahcun, a tanglei langhtermi ahhin Resettlement Support Centre (RSC) ah hlathlai khawh a si.
Email: KL.Inquiries@rescue.org
Telephone: +603 2141 5846
Fax: +603 2144 8716
Web portal CASI.
Canada ah kuatpiak na si ahucn, Immigration, Refugees and Citizenship Canada’s web form ah hlathlai khawh a si.
Ram Thumnak Kal Hlan Deuh Ah Timhtuahning le Kalnak
Ram pumpi in i chawnh khawhmi zawtnak ruangah ram tampi nih anmah rammi a silomi hna caah an ram chung khualtlawng luhnak rikhiah khamnak an tuah rih. Ram pumpi in i chawnh khawhmi zawtnak ruangah ram tampi nih anmah rammi a silomi hna caah an ram chung khualtlawng luhnak rikhiah khamnak an tuah rih. Cohlanmi ralzam tlawmpal te hna cu ram thumnak leiah kal kho ding an si ko nain, atu lioah cun vawleicung ram pumpi khualtlawnnak hi caan saupi a rau. Ram pumpi i chawnh khawhmi zawtnak a zor hin cun ram thumnak lei nih ralzam hna cohlan ding an i tim ko, cun khualtlawn zong duhsah tein cohlan timh a si ko.
The International Organization for Migration (IOM) nih ngandamnak lei check nak le cacawnnak, cun ram thumnak lei kal kho dingin cohlan cangmi ralzam hna an kal khawhnak ding telh in ram thumnak lei lanh hlan deuh ah a herhmi timhtuah ding paoh anmah nih an tawlrel i an timhtuah. Ram thumnak lei nih cohlan na si cang hnu ahcun, ram thumnak lei kal dingin timhlamh dih a si hnu ah IOM nih an in pehtlaih te lai. Ram thumnak lei kal dingin cohlan na si hnu ah umkalnak kong he pehtlai in timhtuah le tawlrelnak kongah biahal na duh ahcun, IOM Kuala Lumpur i iomkulinq@iom.int asiloah +603 923 5540 ah na chawnh khawh.
Bialhal Ding Na Ngei Maw?
Tamdeuh in theih na duh ahcun zaangfah tein Resettlement Frequently Asked Questions (FAQ) ah ruahnak hal.
