သၞောတ်ဗက်ဂၠာဲတင်နင်ကောန်ဒှ်ဒဒိုက် Tracking Refugee Information System (TRIS) ဝွံ ဒှ်အစဳဇန် အလဵုအသဳ ကၟိန်ဍုင်မလေဝ်ယှာ တၞဟ်နသ္ဂောံဗက်ဂၠာဲ ဒၞာဲဖျေံသ္ဇိုင်ကောန်ဒှ်ဒဒိုက် ပ္ဍဲကၟိန်ဍုင်မလေဝ်ယှာ မဒှ်ရ။
ပ္ဍဲကဵုသၞာံမဟူဏံဂမၠိင် နကဵုအလဵုအသဳ စကၠောန်လဝ် Joint Task Force ဝွံ UNHCR လေဝ် ပါလုပ်လဝ် ပ္ဍဲပရေင်သဳကၠဳ ကရောံအလဵုအသဳ လ္တူကိစ္စမဂၠိုင်ဂၠေင် ဆေင်စပ်ကဵု ပရေင်စဵုဒၞာကောန်ဒှ်ဒဒိုက် တၞဟ်နသ္ဂောံဂၠိုက်ဂၠာဲ ဒၞာဲပရေင်ပံင်တောဲကမၠောန်စုက်စုက် မဒှ်ရ။ ပရေင်သဳကၠဳဂမၠိုင်ဝွံ ပါလုပ်လဝ် ပါ်ပရံကဵုကေတ်တင်နင်၊ ပံင်ကောံပရေင်ပၠောပ်စရင်ရဳဂျေန်သတာ ကေုာံ ပရေင်ဂွံလုပ်စိုပ် ကမၠောန်မလုပ်သၞောဝ်ဥပဒေ မဒှ်ရ။ ပရေင်တက်ကျာပြဟ်ပြဟ်ဏံဝွံ တင်နင်လဵုလေဝ် ဟွံပါလုပ် ပ္ဍဲ TRIS ဏီတုဲ ဟိုတ်ဒှ်သာ်ဂှ်ရ တၞဟ်နသ္ဂောံကဵုကသပ်ဂှ် UNHCR ဟွံသၟဟ်အစောံတုဲ လၟုဟ်ဂၠိုက်ဂၠာဲဒၟံင် ပရေင်စၟဳစၟတ်ဖိုဟ် မဒှ်ရ။
UNHCR ကလိဂွံလဝ်အခေါင် တၞဟ်နသ္ဂောံစဵုဒၞာကဵု အခေါင်အရာ ကေုာံ ပရေင်မံင်စံင် တသိုက်ၜါပြကာ သွက်ကောန်ဒှ်ဒဒိုက် ကေုာံ ညးစ္ၜုဲစ္ၜော်အခေါင်ဂီုကၠီု အလုံဂၠးကဝ် မဒှ်ရ။ ပရေင်ရီုဗင်ရေင်တၠုင် UNHCR အလုံအသီုဂှ် နကဵုစေတနာမးမး ဒှ်တုဲ သီုကဵုပရေင်ကၠောန်ပ္တိတ် လိက်စၟတ်ထံက်ဂလာန် UNHCR ဂမၠိုင် မဒှ်ရ။ UNHCR ဝွံ အ္ခိင်ကၠောန်ကမၠောန် ကောပ်ကာဲတင်နင် သွက်ပူဂိုလ်ညးမဆေင်စပ်ဂမၠိုင်တံဂှ် မင်မွဲဒ္ဂေတ်ဗက်အာ နကဵုမူဝါဒ ပရေင်စဵုဒၞာတင်နင် ယူအာန်အုက်ချ်သဳအာအပိုင် မဒှ်ရ။
တၞဟ်သ္ဂောံဒုင်တၠုင် ပရေင်ပလေဝ်ပလောတ် ကမၠောန်ခၞံဗဒှ်ပ္တိုန်ကီု တၞဟ်နသ္ဂောံကဵုအရီုဗင် ကဵုအလဵုအသဳ ကၟိန်ဍုင်မလေဝ်ယှာ လ္တူကိစ္စတံဏံဂမၠိုင်ကီု ဒၞာဲကိစ္စတၞဟ်တၞဟ် သွက်ကၟိန်ဍုင်မလေဝ်ယှာ မဆေင်စပ်ကဵု ပရေင်စဵုဒၞာကောန်ဒှ်ဒဒိုက်ဂမၠိုင်ကီု UNHCR ဆက်ကၠောန်အာမံင်ကမၠောန် မဒှ်ရ။