Dubara Bocótígorá
Dubara bocótígorá óil dé ekkán dec ziyán ót rifúji ókkole sáara tuaí loiye íiyan óttu tará ré basí loi óinno ekkán dec ziyáné mani loibólla razi íiyan ót foóñsáidon. Iiyan or fúañti emouka gán asé dé kí dubara bocóti goréddé decót ahéríttu ek zon kudurotir diya decóitta óiáibo.
Lékín, dubara bocótígora gán duniar rifúji ókkol or srif ek híssa ye faá zaráttu ehól gan becí zoruri. Tamám duniar rifúji ókkol óttu cóthora ek zon óttu hom mancóre dubara bocótígorá záa. Dubara bocótígorá zorurot óiye dé rifúji ókkol or taádad ólla dubara bocótí gorár zaga ókkol neháyot hom. Iiyan nutgorá zoruri dé kí:
- Dubara-bocótígorá ekkán hók nói. UNHCR ré rejisthar goróon yáto refújir tobka monzur goróon maaní yián noó dé kí, uggwá mancó ré dubara-bocótígorálla háwala goribó.
- Dubara-bocótígorá gán bicí komzur refújilla ekkán héfazot or zoriya hísafe taibo. Múmkin óibó dé dubara bocótígorálla basí lói zoma doón nán enfóradi héfazot or zorurot or uore darmudar.
- Duara-bocótigorár báfacintalla ekkán keis zomadon gan becí corót or uore darmudar zeçe enfóradir héfazot or zorurot ókkol, héfazot or mahóul, sáara dibo de decór hálot arde duara-bocótigorár zaga ókkol faázon nán cámil.
ZORURI!
Duara-bocótigoráibor báfasinta goróon nan tuáñr aros yá dorháas or uore darmudar noói. Étólla, UNHCR Malaysia ye duara-bocótilla aros yá doháas ókkol nogosé.
Meérbanigori ofís ót noaiccó, email arde ciñçí ókkol nodiyó yá ofís ót koólgori duara-bocótilla aros yá dorháas nogóijjo.
Dubara-bocótígorár Intarbyu
Zodi tuáñré duara-bocótigorái bór karwaiyilla layek hísafe faázar de óile, tuáñré uggwá duara-bocótigorár intarbyur mulakat ólla dakaibó. Usúl hísafe, tamám intarbyu UNHCR ót manúic dí goríbó. Gair maamuli hálat ót, tuñí onlain intarbyurlá dawot faiba. Tuáñr duara-bocótígorár intarbyur epoainmén or baabute tuáñré zanaibólla koól dibo dé woktót, tuñí onlain intarbyu goribólla nosodé óile, Durable Solution Unit yáni DSU ré zanai fariba. Iyane tuáñr duara-bocótígorár karwaiyit UNHCR or gour- gorár notizat hórab asór noforíbó.
Dubara-bocótigorár Intarbyúr Baade
Duarabocótigorár intarbyúr baade, tuáñr halot oré húñciarir sañte nozorsáni gorá zaibo ar ekkán duara-bocótigoráibó de decór báfa-cintalla zomadia zaibokí nozaibó yían ór uore ekkán fáisela óibo.
Zodi tuáñré duara-bocótillá zomagorá giyé de óile, Lamba Thaim Thikibór Mithmathgorár Yunité yátoba duara-bocótigoráibo de decé tuáñré taalukgorí aró maalumat ókkol dibo.
Duara-bocótigoráibó de decé tarár folósi ar kaanum ókkol or mutaabek duara-bocótigoráibó ki nogoráibo yían ahéríttu fáiselagoríbo.
ZORURI NOTÍS!
Amerikar hókumote U.S ót Refúji Bóttiluar Frúgram yáni USRAP ré támai ráikke hói elan góijje. Amerikat duara-bocótír karwaiyit ehón or refújir uore nuwa oódar gan or dábbar baabute U.S hókumot or hédayot ókkol faibólla UNHCR e sai táikke. Yian aró fémili duara milon or karwaiyi ókkol arde WelkamKorps or kawaiyi ókkol oré hótigoríbo. Ethaim ót, acágori táikko de duara-bocótílla meérbanigori zindegir zehonó asól hálot oré nobodolaiyó zendilla nekí duara-bocótír toiyarilla hói ham arde eskul sáridon, sórusamána besifélon.
Meérbanigori mumkin asé de dúkabazi arde misá hóbor yá zañsa-zañsi ókkol óttu húñciar takóo.
Hóros yá modot or bodolat duara-bocótigoráidibor wada diya yá ham oré jólti gorídibar karwaiyi deháibó de dúka ókkol ót nofóijjo. Tuáñré duara-bocótír wada doiya zehonó kiyá ré thiañ-foicá nodiyó. UNHCR loi tuáñr keis oré jólti gorídibó ói tuáñrtú thiañ saá de éndilla zehonó kiya ré biccác nogóijjo. UNHCR or coñíjja ye, dubáci ye ar paáthnar óole duara-bocóti óite loi zehonó UNHCR or karwaiyilla tuáñrtú honótté thiañ nosaibó. Zodi honókiya ye tuáñrtú duara-bocótilla yá zehonó UNHCR or karwaiyilla thiañ saá de óile, fóuran eçé repouth goro.
- Fulíc or CCID Dúkabazir Juwabdiyar Sentar ót 03-26101559 or 03-26101599.
- UNHCR ót efórom mwá estemalgorí oré : Contact – Refugee Malaysia.
- USRAP ye támai ráikke de yían ókkol refúji uore asór foribó zará ré Amerikat duara-bocítigorái bólla zoma gorágiyé, ókkol tobkar karwaiye asé de ítarayó, étólla honó kiya ré bíccác nogoríba zará tuáñré Malaysia’ttú jólti nelibar modot yá kies oré jólti goríbor modot goríbó hoó. Yian sóiyi noói. Honó hamgoríbar age hámicá UNHCR óttu sóiyi né nasóiyi cekgoro.
- Zodi tuáñr USRAP keis oré ekzon thiañ báñgidi loizouya ye zoma diyé de óile, meérbanigori huñciar tákiba de ki thiañ báñgidouya ye tuáñré Malaysia’ttu jólti loizai bólla yá kies oré toratori karwaiyi goríbor honór modot gorí nofaríbo.
- Tuáñr duara-bocótigorár kies or hálot or mutaalek yá sófor gorár mutaalek zehonó hóbor oré biccác nogóijjo zodi ofís or tofóttu U.S hókumot yá UNHCR, IOM yátoba RSC’r ejazot faiyé de estáf e taalukgorí nóaiyé de óile. Honó cubá óile, meérbanigori UNHCR ofís loi heçe taalukgoro: Contact – Refugee Malaysia.
- UNHCR e Refugee Malaysia wébsáit loi honó apdéit ókkol cíargoríbo zeñétte faá zaibo.
Rowanar-agor Entezam ar Duara-bocótigorár Decót Sófor
Dec-bidecór Híjorotgorár Entezamgorár Tonzim (IOM) e zoruri rowanar-agor entezam ókkol or entezamgoré zeçé dhakthor or cek arde rosómi bus-ar-biccá ar Ostrelia baade oinno dec ókkol ólla góicce de refúji ókkol ólla sófor or entezam ókkol cámil. Zodi tuáñré Ostrelia sára oinno duara-bocótigorár dec ekkán e góicce de óile, sófor or hédayot ókkol redí óle móttor IOM e tuáñré taaluk goríbo. Tuñí yó IOM Kuala Lumpur ót iomkulinq@iom.int loi yá +603 9235 5400 loi koólgorí taaluk gorífariba zodi tuáñrtú tuáñr rowanar-agor entezam yá sófor or baabute súwal táke de óile.
Zodi tuáñré Ostrelia ye góicce de óile, Toll e uggwá fún nonbór zibá +66 loi cúru íba loi koólgori rawanar-agor entezam arde sófor or baabute mocuara dibo.
Duara-bocótígorár Mutaalek Jiníc Ókkol
Duara-bocótígorár t Webinar
Kessú Súal Asé?
Aróo maalumat ólla, meérbanigori Duara-bocótigorár Barbár Fuságorágiye de Súwal(BFS) ókkol ót soó.