UNHCR loi doftor óon

Refuji ar sáara tuoya ókkol ólla maalumat. Malaysiat maze refuji hísafe rejisthar óon ar sáara tu óon

Malaysiat sáarar karwaiyi

Zodi tuñi tuáñr nizor des óttu zat,dórmo,decóittayi,síyasi nozoriya yato háas uggwá somaji dai ór membórcíp óon ór duara bicí hótara nuksan ór mukabela oíyo ré dáiyegoi dé oíle, yato tuñi zodi larái,zulúm yato zaalemi ar beizzotir sollúk ór mukabela oíyo dé oíle ,tuñi sáara ólla dorhas gorí fariba.

Sáarar karwaiyir foóila dorja óil dé rejisthar goróon. Rejisthar goróon oíl dé UNHCR’or zimmat aséde manúic ókkol ór maalumat tazagora,tosdik ar rekódh gorá.

Rejisthrecén ólla dorhas gori bellá , tuáñrtu Malaysia’r UNHCR ór loi epuainmén ór aros gora forí bou. Wébsáith ibát faazai bou dé zugazuk ór fórom gan estémal gorí, zonfoti ekkán epuainmén ólla aros gori fariba.

Tuñi ekbar dorhás zoma di baáde ,UNHCR ré tuáñr loi epuainmén ór baabote zugazuk gori bellá mehérbani gorí entezargoró. Foóñsagiye dé dorhás beggún óre karwaiyi gora zai bou,mogor dorhás ókkol bicí zoma donor zoriya , UNHCR ré toratori zuab di nóo fare bou. If you have already sent an appointment request, please do not send another.

Malaysia’r UNHCR loi tuáñr epuainmén.

Uggwá epuainmén tarík ór baabote ekbar Malaysia’r UNHCR loi zugazuk gora giyedé óile,Tuñi tuáñr mulakot ór toiyari gori fariba.

Fémlir membór ar/ arekzon or uore bórdiyo ré sola foredé hítara uddá loi yoré Sáara tua dé hárr manúic ókkol rejisthrecén ór epuainmén ólla háñzir óon saá.

Rejisthrecén yani dafter goribar thaim ót tuáñrtu sóiyi ,háñsa ar furafuri maalumat doón nan zoruri. Adáadi yato golot maalumat tuánr keis ólla nuksan óla oít faré.

Tuáñrtu hámahá fakkagori tuáñr fémlir membór ókkol ór tofsil ókkol, zodi hítara tuáñr fúañti Malaysiat yato duniarhoníkka taki le údda diya fori bou. kaanunor sañte yato rit mozin faillé dé hítara údda loi yoré fémlir membór beggún. Femlir membór ókkol ót aro camil aséde, maabaf (zormo ar/falok), bái-bóin ókkol (cúddor,ekdók,hataí,falok), fúain ókkol, agor biyá yato rictadarir yani taalukat ór (nizor,falok,ar hataí fuain ókkol)

Daftor oíyia hárr uggwá manúic é uggwá fáil ór nombór fai bou. Ofis loi hárr zugazuk hámahá fáil nombór loí dahón saá.

Ekbar UNHCR loi daftor oí baade tuáñre ekkan UNHCR ór kad yato oínno habosfonna neelai di bou ziya ót míyad aséde tarík gwá dahái diya zaibou. Tuáñr UNHCR kad yato habosfonnar fúraibár tarík hañsé aséde oíle meérbanigorí noyagori bellá ofis ót zoó.

UNHCR ór kad ki ar yiane ki tobka entezam goríde?

Dec-bidecor héfazot ór zorurot hísafe UNHCR ór karwaiyir duára rejisthar yani ( daftar ) goijjá manuíc ókkol óre UNHCR kad yato oinno oinno ofózukto habosfonna ókkol diya zaibou ,ziyanot hoói bóo dé Kad yato habosfonna doijjé de manuícuwa UNHCR ór héfazot ót maze asé.

UNHCR ór sinnor habosfonna ókkol endhílla hóodun héfazot ór entezam goríde ziyán dóraforar hótara ré homaí fare,ar sehét ór khédmot ókkol címar bútore yaní hom gorí faiber ejazot dít fare, elom ar UNHCR , UNHCR loi ham goredé tonzim ókkol yato oinno ham goroíya ókkol ór hañs ottú zoruri modot ór khédmot ókkol faít faro.

UNHCR ór kad gan seríf ekkan sinnor habosfonna ziyan é tuñi UNHCR ór héfazot ór maatahátot asé hoí sinílo. Malaysiat yianor honó kaanuni kimot aryian honó paáspóuth nóo.

Añttú ki ana foribou?

Paáspóuth, sinnor habosfonna ‘okkol,biyár sálthi-fikéth,zormor sálthi-fikéth, gór habos(serang) yató decóittar(koumir) sinnor habosfonna,milithírir khédmot ór gura kitab ókkol,daktori sálthi-fikéth ókkol, oínno UNHCR ofis lói age rejisthar oíyede yíanor sábut,UNRWA ofis yató honó bideci hókumot lói age rejisthar( daftar) oíyode sábut takíle íin udda loi ,meérbanigorí tuáñr keís ór baabote habosfonna ókkol beggún anó.

Tuáñr epuainmén tarík ólla , meérbanigorí hono UNHCR ré neela yede habósfonna zendhílla neki, sinnor kad, báfasintat aséde ciñçí, epuainmén kad ar Háwalar Ciñçí takíle anó. Malaysia baade UNHCR ór ofis ottú honó habosfonna faile óo dahóon sáa.

Háas héfazot ór zorurot yató báfana loi refujir tobkar mozbut fáisela yani (RSD) intarbyu ókkol seríf kessú kisím ór keis ókkol ólla gora zaí bóu. Zodi tuáñr ottú uggwá fura intarbyur zorurot óile háas gori tuáñre UNHCR ottú mocuwara diya zai bou.

Fémlir dhoóñr manúic ókkol óre alok alok gori intarbyu gora zaí bóu. Tuáñr dorhás ór baabote zehonó habosfonna ar sábut takíle meérbanigorí taákit gori zoma dóo ar tuáñr loi takéde zehonó fémlir membór ókkol ór baabote UNHCR óre zanái dóo.

Tuñi ze zuban ót zugazuk gori faro é zuban loi intarbyu dibar tuáñr hók asé. Zodi tuñi hotá buzái doyar hotá nóo buzo, tuáñr ottú hámahá intarbyu gorédde UNHCR ór ofisar gwá ré hoówa fori bóu.

Tuáñre kaanuni nomainda loiyoré modot gori fare zíbayé UNHCR ór kaayemi karwaiyir andhár re yani maatahátot kabiliyoti ókkol hásil goijje. Asylum Access hóode íba uggwá tonzim zibayé eí karwaiyilla refuji ókkol óre maana kaanuni modot dé. Modot ór dohás gori bellá , tuñi nizor decót kiálla wapes zai nóo faroddé ar tuáñrtu kiálla kanuni modot ór zorurot óiyedé yían nizor zuban ót léki yoré malaysia@asylumaccess.org iméil nombór ibat maze iméil gori dóo.

Añár refuji tobka fáisela goitte hotódin lai bóu?

Yian tuáñr keis ór tobiyot ór uoré damadar gore, kiállahoilé hárr keis ore alok alok gori nozor diya fore. Mogor,bici dorhás foóñso ór zoriya ofis e tuáñr notiza yato epuainmén dibar karwaiyi goítte boóut mac thaim laigibóu Tuáñr sobór ar buzar ólla boúli añára tuáñre cukúria zanai.

Foíla añi refují nóo de yian faisela goílle ken óibou?

Zodi RSD intarbyur fore tuáñre ékkan behañ faiséla fúnaile , tuáñr hók asé de tiríc din ór butore ekkan afil zoma dibar. Zehón tuñi ekkan afil zoma diba, tuáñre cúrut maze intarbyu goijjede ofiser ibá baade dusara uggwá ofiser e tuáñr fáil gwá dubara saibóo.

Tuáñre refujir tobka diya zaí bou zodi curúr faisela gan baad diya giyéde óile. Tuáñr fáil gwá bon gora zai boú zodi curúr faisela gan fakka óiyede óile.

Barbár Fusárlodé Súal okkól

Sáara tuoya hóode ki?

Sáara tuoya uggwá manúic zibáya ekkan gáñth(bondor) yato Malaysiat góloon ór fore nizor decót wapes zaiber dhor zahér gore. Kanun ór saathe sáara tuoya hísafe UNHCR ór hañse rejisthar (dafter) óibella sáara tuoya ókkol óttu hámahá ekkan sáarar dorhás fura gora fori bóu.

Sáara tuoya hísafe rejisthrecén fore, refuji tobkar mozbut fáiselar karwaiyi gora zai bóu taaké refuji honnwwá yían fakka gori faré fan. Decór kanun ór gair háñziri maze, 1951 ór refujir tobkar boiçók ór mutalek arde yian ór nizor hókumot goríbar ajajot ór boiyan ór darmudar ór úore UNHCR ré refuji honnwwá yían mozbut fáisela gore.

UNHCR e refujír tobkar ahéri mozbut fáisela nóo gora foijjonto sáara tuoya ókkol tara wapes zaiber dhor zahér goijjede cómot óttu lota loí tara ré nizor decót bolazuri wapes defeçon óttu héfazot gora zai bóu.

Zodí tuñi tuáñr nizor dec yato tuñi age taíkko de decót wapes zaite dhoraile ,kiyóllahoilé tuñi tuañr zat,dórmo,decóittayi,síyasi nozoriya yato háasgori uggwá somaji dai ór membór óon ór duara bicí hótarar mukabéla óile ,tuñi malaysia’t maze sáarar dabi gori faríba.

Refúji hóode ki?

Refuji hóode uggwá manúic zíbayé zat,dórmo,decóittayi,síyasi nozoriya yato háasgori uggwá somaji dai ór membór óon ór wojá loi, larái,maramari yato zulúm ór duara bolazuri dec óttu dágoi foré. Uggwá refuji óttu zulúm ór dolili dhor take ar endhilla dhor ór duara górot wapes zai nóo fare yato zaite dhora kiyállahoilé híte/híba yé héçe héfazot tuai nóo fai bóu.

Sáara tuoya hísafe rejisthrecén fore, refuji tobkar mozbut fáiselar karwaiyi gora zai bóu taaké refuji honnwwá yían fakka gori faré fan. Decór kanun ór gair háñziri maze, 1951 ór refujir tobkar boiçók ór mutalek arde yian ór nizor hókumot goríbar ajajot ór boiyan ór darmudar ór úore UNHCR ré refuji honnwwá yían mozbut fáisela gore.

Refúji ókkol tarar nizor decót bolazuri wapes defeçon óttu héfazot tai bóu.