Dubara-boicóbác-goróon

Malaysiar Hókumoté baair-goijjedé Lorasorar Paabondir Hokúm ókkol ar aám manúic ór sehét or mocuwarar juab ot, UNHCR or aksér khédmot ókkol, dubara-boicóbac-gorá cámil, refújir sáñte sáñte UNHCR or manúic ókkol ór sehét or héfazot gorí bellá, duróttu táai (telifún yáto video call ór zoriya) anjam diyazar.

COVÍD-19 ór zoriya alomi sófor ót bahri dábba-fóijje, Malaysiat aséde úun cámil, gosí luwa giyedé refúji ókkol ór rowana uóre asór gorér.

E tobdili ókkolé durottú táai intarbyu gorá notiza-neelaiyé dé hañsá, dubara-boicóbac-gorar kaabeliyotir corót ókkol ar karuwai ókkol borabor baki-asé.

  • Dubara-boicóbác-goróon nán ekkán hók noó. UNHCR é rejisthar goróon yáto refúji tobka boccíc goróon maaní yián noó dé, uggwá enfóradi manco ré dubara-boicóbác-goróon ólla háwala goribóu.
  • Dubara-boicóbác-goróon nán bicí komzur refúji lla ekkán sáman ísafe baki taibou. Óitfarede-éndilla dubara-boicóbác-gorar habosfonna zomadi bélla sinno gorá, enfóradi mancor héfazot or dorhar uore lagatar buniyad rakí bou.
  • Dubara-boicóbác-gorár báfa-sinta lla, keis ekkán or habosfonna zomadiya bicí ciz or uore nirbór goré, éçe íin cámil asé ya, enfóradi mancor héfazotor dorhar hoddúr sóngin, héfazoti maahóul, girós dec or hásiyot ar dubara-boicóbác-gorá llá zaga ókkol háli táka.

Zodi tuáñré dubara-boicóbác-gorá ollá foóila bar basíloyé de oilé, Deriye-tikede Hól or Yunít útto tuáñre telifún or duara zugazuk gorít-faré, zodi dubara-boicóbác-gorár laaekir toul-tulana karwaiyiré fura-gori bélla aró maalumat ókkol dorhar óile.

Dubara-boicóbác-gorár Intarbyu

Zodi tuñaré, dubara-boicóbác-gorár karwaiyit kaabel faa-gilé, tuñaré duróttu táai intarbyu lla daawot dibou. Osúl mozin, intarbyu ókkol online yáto telifún or duara óo. Gunjáic or háalot mazé, UNHCR ot mokami intarbyu lla tuñi ekkán daawat nama gosí faiba. Tuñár fúnor call or dour ot, zodi, tuñar ttú rimouth intarbyu loi ageboçó bélla iccá noó tákilé, Deriye-tikede Hól or Yunít oré zanai ditfaro. Yiáné, tuñar dubara-boicóbác-gorár karwaiyi lla UNHCR or gour- gorár notizat asór noó-foríbou.

Dubara-boicóbác-gorár rimouth intarbyur dour ot, UNHCR or sa-soñijja é call or moksót ar dubara-boicóbác-gorár karwaiyir aám nozoriyar uore muktosor-gorí hoidibou. Tuñár ttú, aró taakít goróon sáa de, tuñi héfazot or zagat asóné, zeçé tuñár hósusiyot ar raaz ókkol héfazot táke. Tuñár ttú UNHCR ot tuñár habosfonna zoma dibélla agórce éçe ekbar zorurot oilé, tuñaré rastadahái diya-zaibou.

Meérbani-gori, tuñár dubara-boicóbác-gorár rimouth intarbyu ré awaz ot yáto video record/rekódh noó goijjó. Yián ekkán raaz báiñge fán óibou ar UNHCR e soktir sáñte nozordi saibou.

Dubara-boicóbác-gorár Intarbyur Baade

Dubara-boicóbác-gorár intarbyur baade, tuñár háalot oré díyandi nozorsáni gora-zaibou, ar ekkán fáisela loazaibou wánor uoré, dubara-boicóbác-gorá kobulgorédé dec ekkán or íkka tarar báfa-sinta lla habosfonna túlon saané.

Zodi tuñar dubara-boicóbác-gorár intarbyu UNHCR loi ói-giyóí de óilé, ar súal táaile yáto taza hóbor olla arzu táaile, mesálor-turor-uore: fémli juça/háalot tobdili, meérbani-gori, ekkán email béjido. mlsludsu@unhcr.org ‘t mazé. Mogor, meérbanigori yián nuth gorodé, UNHCR é dhoóñr email or thal gosí faade étolla, email beggún ot alok alok gori juab di noó faribou. Meérbani-gori, ekdhoilla email UNHCR ot beec bar noó béijjo, yiáné karwaiyi ré aró deri gorí felai bou.

Zodi tuñi dubara-boicóbác-goróon ólla keis zomadi felaiyó dé óile, Deriye-tikede Hól or Yunít yáto dubara-boicóbác-gorá kobulgorédé decé tuñare aró bicí maalumat di bélla, tuñar lói zugazuk goríbou.

Dubar-boicóbác-gorá kobulgorédé dec ókkol é tarár síyásot ar kaanun mozin dubara-boicóbác-gorár ezin doón saá né hói, ahérittú fáisela goré,

Zodi ekkán keis-zomadiya America ‘t mazé gora-giyédé óilé, tuáñr karwaiyir abostá nise aséde Dubara-boicóbác-gora Hémayot or Morkoz (RSC) loi tuñi sek gori sai-fariba,

Iméil: KL.Inquiries@rescue.org

Telifún: +603 2141 5846

Fax: +603 2144 8716

Web portal CASI.

Zodi ekkán keis-zomadiya Canada ‘t mazé gora-giyédé óilé, tuáñr keis or abostá Immigration, Refugees and Citizenship Center or web forom estemal-gorí tuñi sek gori sai-fariba,

Rowanar-age Entezam ar ekkán Dubara-boicóbác-gorá kobulgoredé Dec or uzu Sofór gorá

COVID woba biaram or zoriya becá-bicí dec ókkolé bideci ókkol or dahéla ré hótbondi gorí bélla sofór gorár rukawath oré lakatar amól dálér. COVID-19 fóli-zaibar hótara ré sóoñli bélla, dec ókkolé dahéla ré aró izafá gorí sehét or sekgorar bebastáre yó lagu goijjé. Hom-coiñgo gosí féillé dé refúji, dobara-boicóbác-gorá kobulgoredé dec or uzu sofór gorí faille-yó, eçé ehón, duniyair agagura rowana óállá lambáa deri óor. Dobara-boicóbác-gorá kobulgoredé dec ókkol, refuji gosí bélla fakka zuban diyat borabor asé ar yián acá garáza kihoilé, asté asté alomí sofór abbar curú ói bou zehón woba bairam home.

Híjrot gorár Alomi Tonzim (IOM) e rowanar-agor zoruri entezam ókkol bondubos-gore, éçe, sehét cekgora ar salsoloon uzugorá, gosí féllé dé refúje lla dobara-boicóbác-gorá kobulgoredé dec or uzu sofór or entazam gorá yó camel asé. Zodi tuñare dobara-boicóbác-gorá kobulgoredé decé gosí féillé dé óilé, Híjrot gorár Alomi Tonzim (IOM) é tuáñre zugazuk goríbou, zehón sofór or hédayot noma toiyar óo. Zodi tuñare dobara-boicóbác-goróon ólla gosí féillé ar tuñar rowanar-agor entazam yáto sofór or baabote súal asédé óilé, tuñi IOM Kuala Lumpur ot iomkulinq@iom.int mazé zugazuk gorí faríba yáto +603 923 5540 ‘t dhahai fariba.

Kessú Súal Asé?

Aró bicí maalumat ollá, merbanigorí Dubara-boicóbác-goróon or uore Bar-bár Fusár gorá giyé dé Súal ókkol (FAQ) ot beyasana goroó.