UHNCR tawh Minkhumna

Kalsuan masapen in galtaite kepna dingin minkhumna bawlna ahi hi. Minkhumna pen ciamtehna, sitcianna leh akingaihsutpihte thulehla UNHCRte kiang ah theihsakna ahi hi.

Minkhumna ding ngetna ah, Galtaigambel Malaysia Website pan hehpihna tawh na ngetna online tungpan in Minkhumna Athak ngetna khakin ap in..

Na ngetna na-ap khit takciangin, UNHCRte’n hunciam neih kholhna ding vai phone hongsap ding uh lungduai tak in na ngak in. Ngetna a kipuak khempeuh kibawlsa ding a, ahizongin aki-ap tamlua man in, UHNCR in thakhat thuin dawnna hong nei zo pahlo ding uh hi. Hunciamkholhna ngetna na puak khit zenzen-a leh hehpihna tawh a dang ngetna khak beh nawn kei in.

UNHCR tawh Hunciamkholhna

UNHCR Malaysia pan in hunciamkholhna ni tawh kisai phone hong sapkhit vau ki pan, amau tawh ki mu ding in na kiging khol thei ta hi. Ki keepna ding a zong angen mimalte khempeuh ( innkuan mimalte leh/ahihkeileh nang tungah hong kinam khempeuh zong aki hel) peuhmah minkhumna ding huciamlakkholhna ah na gen kul hi. Minkhumna hunsungah nang thu nagenna ah thumaan leh thutaak nagen ding pen thupi mahmah hi. Aki-cinglo ahihkeileh amaanlo na gen aleh tua pen nang ma thu kingaihsut ah ki nei khading hi.

Malaysia ahihkeileh leitung mun tuamtuam a aom na innkuanpi mimalte thu leh la zong akicing tak in na gen ding ki sam hi. Innkuam mimal sungah, ngeina vai tawh ahi zongin ahihkeileh kumpithukhun tawh kizuai-a kikepte zong a kihel hi. Innkuan mimal sung ah nulehpate ( piannaleh/ahihkeileh hongkeemte), sanggam pasalte leh sanggam numeite (laiguikizoppih, nulehpa kibanglo, nulehpa ken, i keepte), naupangte ( i sungpan-a pian, i keepte, zi ahihkeileh pasal kente leh ni dang a akiteenpih tawh a neih ahihkeileh mikhak peuk tawh anei) cihte ki hel hi. Mikhumna a ngah mimal khempeuh in file nambat ngah ding uh hi. Zum tawh kisai mailam kizopna khem peuh ah file nambat lak kulding hi.

Min nakhum khit a kipan , UNHCR card ahihkeileh Ngaihsutsakna Nuaiah aom (UC) cihna laidal bangtan hing ding cih a kigen pah pen nang hong ki pia ding hi. Na UNHCR card ahihkeileh Ngaihsutsakna Nuaiah aom (UC) laidal a hinna abei ni lian in UNHCR ah a hin kik na ding athak a bawl dingin hong pai in.

COVID-19 natna hangin: UNHCRte’n na laidalthupi a hin kik na ding a athak a bawl ding hong sapding uh na ngak in. Huncianlakkholhna omlo pi in UNHCR ah hong pai kei in.

Aki-ngen Laidalthupite

Na thangthu a ding aq kisam laidalthupite a hi passportte, kuahiamcih kitheihna laidalte, kitenna laipite, nausuak laipite, innkuallai ahihkeileh gammi hihna lahna laithupi, galkap sungnasepna laibu-neute, cidamna tawh kisai genna-laite, ni dangin ah minkhumna mundang UNHCR zum ah na neihngei leh, UNRWA zum ahihkeileh gamdang kumpite tawh mikhumna naneihngei aleh hong pua in.

Hehpihna tawh UNHCR- piakkhiat laidalthupi ahi hihnalakna card, Ngaaihsutsakna Nuaiah aom (UC) laidal, hunciamkholhna card, hong kipiakna laidal tung ah aom hunciamkholhna ni cihte hong keng hamtang in. Malaysia pan ahilo mundang UNHCR Zum pan hong kipai nangah laithupite zong na piak ding ahi hi.

Naungek Minkhumnading

Azenzen in, naungek suakthak na neih uh leh naupasal ahihkeileh naunumei suahna minkhumna na bawl kulding ban ah kumpite’ Gambuppi Minkikhumna Ka-hiang (NRD) pan nausuak laidalpi nangah ding uh hi. Nau asuah zawh ni 60 sung in hihte a bawl pah uh leh NRD ah sumpiakkullo ding-a akhawnkhong hi ding hi, However, After 60 days, you may be charged fees for late registration.

UNHCR Laidalthupi

UNHCR tungtawn in minkhumna angah mimalte pen leitungbuppi kepna kidalna a kisapna tawh kizui in UNHCR laidalthupite kipia ding-a, tua laidadthupi tungah hih laidalthupi tawi pen UNHCRte’ kepna hukbitna nuah ah om hi cih na ahi hi.

UNHCR in kuahi-cih hihna lakna laidalthupipen in kimat kihenna a tawm zawkna dingin kepna hutbitna leh aki ciang-khiah cidamna vai sepsaknate, pilnavaitawh kisai leh adang panpih sepsakna tawh kisai tuamtuam UNHCR pan leh amau tawh khutkilen-a na-asep khoppihuh kipawlnate ahihkeileh a dang tuamtuam pan ngah ding uh hi.

UHNCR laidalthupi in UNHCRte kepna nuaiah aom nang kua cih ciaptehna kidalna laidalthupi ahi hi. Hih pen in Malaysia kumpite i phalna tawh hih ngeinadan a ki bawl passport hilo hi.