ကောန်ဒှ်ဒဒိုက်ဂမၠိုင် ကေုာံ ညးမအာတ်ဇူအခေါင်ဂီုကၠီုဂမၠိုင် သုင်စောဲမံင် ကာဒ်၊ လိက်တၞး UNHCR ဗ္တောံဂမၠိုင်ဂှ် UNHCR ဂွံဒုင်လဝ်တဲ လိက်ကဵုသမ္တီတေင်တုဲတုဲ မဒှ်ရ။ ဣဏံ ကုပူဂဵုညးမပါလုပ်သုင်စောဲမံင်ဂမၠိုင်
- ထမံက်ပ္တိတ်ကာဒ် UNHCR ညးတၞဟ် နဒဒှ်ဒြပ်ဇကုအပိုင်
- ထပက်စုတ်စၞးဗီုရုပ် လ္တူကာဒ်၊ လိက်တၞး UNHCR ညးတၞးတုဲ နကဵုဗီုရုပ်ဇကုအပိုင်
- သုင်စောဲလဝ် ကာဒ် UNHCR ဗ္တောံ
ပွမကၠောန်သ္ပဗီုဏံဂမၠိုင်ဂှ် ပရေင်ချဳဒရာင်လီဠာန်ဂမၠိုင်ဏောင် မိက်ဂွံကဵုဏာသမ္တီရ။ ပွမသုင်စောဲ၊ ပွမသွံ၊ ပွမရာန် ကာဒ် UNHCR ဗ္တောံဂမၠိုင် ဟွံသေင်မ္ဂး ကၠောန်ပြံင်လှာဲထောံ ကာဒ် UNHCR ညးတၞဟ်တဲု နဒဒှ်ဒြပ်ဇကုအပိုင်တံဂှ် ဗွဲမတေင်ဂြတ် စဵုဒၞာလဝ်တုဲ ဇကုဒးဒုင်ရပ်မာန်ဏောင်။ ပရေင်ချဳဒရာင်တံဂှ် သ္ပဏာကဵု လၟေင်ကမၠောန်စၟဳစၟတ် UNHCR နကဵုညးတာလျိုင်တံ ယှုက်ထုဲဂၠိုင်တုဲ အဃောဇကုဒးဒုင်စၟဳစၟတ်ဂၠိုက်ဂၠာဲ သွက်ပရေင်လီဠာန်တံဂှ် ကိစ္စဝင်ဇကုလေဝ် လဇုဲအာဏောင်။
ၜိုန်ရဝင်ဇကုပ္ဍဲ UNHCR ဒးဒုင်ကၟာတ်အာဟာ ဟွံဒးဒုင်ကၟာတ်ဟာဂှ် ဇကုဒးဒုင်ရပ်ကဵု ညးတာလျိုင်တံ မဒှ်ရ။ သွက်လၟေင်ကမၠောန်စၟဳစၟတ်တံဂှ် ဇကုဒးဟီုထ္ၜးကဵု မဂၞန်ကာဒ် UNHCR ဇကုအပိုင် မဒှ်ရ။
ပွမသုင်စောဲ၊ ပွမရာန်၊ ဟွံသေင်မ္ဂး ပွမသွံစ ကာဒ် UNHCR ဗ္တောံဂမၠိုင်ကီု ကာဒ် UNHCR မဆေင်စပ်ကဵုညးတၞဟ်မွဲမွဲကီု ယဝ်ရဇကုတီမံင်မ္ဂး သ္ပဂုဏ်တုဲ ကဵုသမ္တီတေင် နကဵုအဳမေလ် mlslufrd@unhcr.org ဟွံသေင်မ္ဂး နကဵုဝှမ်အန်လာင် Online Complaint Form Form ဒၞာဲဏံ ကလိဂွံမာန်မဒှ်ရ။ လိက်တေင်စပ်ကဵုပရေင်လီဠာန် အလုံသီုဖအိုတ်တံဂှ် နကဵု UNHCR မင်မွဲသစ္စဂတိဝတ်ဏောင်။ တုဲ ဟွံမွဲကဵုတင်တုပ်စိုတ်ဇကုမ္ဂး ဆလံလေဝ် ထမံက်ပံက်ဟီုဏာကဵု ညးတၞဟ်ဟွံဂွံ မဒှ်ရ။ နကဵုဗီုပြင်ပရေင်လီဠာန် ကေုာံ ပရေင်ကဵုကေတ်လာပ်ဗဇဴတံဂှ် ယူအာန်အုက်ချ်သဳအာ ကၟိန်ဍုင်မလေဝ်ယှာ ဆလံဟွံအေင်ဒုင် မဒှ်ရ။ သ္ပဂုဏ်တုဲ နိဿဲအာကဵု ဗဳဒဳယိုဝ်တင်သောင်ကလး မကလိဂွံမာန် လ္တူ YouTube နကဵုဘာသာဂမၠိုင် အၚ်္ဂလိက်၊ မလေဝ် အရာဗေတ် ဗၟာ ဟက်ခါ ဂျေန်ပဝ် မန် ဖါယှေန် ရိုဝ်ဟေန်ဂျာ သိုဝ်မာလဳ တမေဝ်၊ တဳဒေမ် ကေုာံ အူဒူ ဖတ်သတာ နကဵုဘာသာတၞဟ်ခြာဂမၠိုင် ဒၞာဲဏံ ကလိဂွံမာန်။
နကဵုဗီုပြင်ပရေင်လီဠာန် ကေုာံ ပရေင်ကဵုကေတ်လာပ်ဗဇဴတံဂှ် ယူအာန်အုက်ချ်သဳအာ ကၟိန်ဍုင်မလေဝ်ယှာ ဆလံဟွံအေင်ဒုင် မဒှ်ရ။ ဇၟာပ်ဇၟာပ်မၞိဟ် ညံင်ဂွံကၠောန်သ္ပကဵုသမ္တီတေင် လ္တူပရေင်ကလိလောန်ဒုဟ်ဒန် မဆေင်စပ်ကဵု ပရေင်လီဠာန် ကေုာံ ပရေင်ကဵုကေတ်လာပ်ဗဇဴတံဂှ် တၞဟ်နသ္ဂောံပါ်ပရံရေင်တၠုင်ကဵု တင်နင်ပရူ ကေုာံ သက်သဳသာဓက ဂၠိုင်ၜိုတ်ဂၠိုင်မာန်ဂှ် ဂကောံကၠောန်ကမၠောန် Risk, Integrity and Oversight Team (RIOT) UNHCR Malaysia တံ ဗ္တိုက်ဖအောဝ်ကဵုဇြဟတ် မဒှ်ရ။
ပရေင်ရေင်တၠုင် ယူအာန်အုက်ချ်သဳအာ အလုံအိုတ်သီုဂှ် နကဵုစေတနာမးမး မဒှ်ရောင် သ္ပဂုဏ်တုဲစၟတ်သမ္တီလဝ်ညိ။ နူကဵု UNHCR ဝွံ တၞဟ်နသ္ဂောံကလိဂွံ ကိစ္စရေင်တၠုင် လဵုမွဲဒှ်ဒှ်ကီု ပရေင်ရေင်တၠုင်ပဵုတုဲပြဟ်တံဂှ်ကီု ဇကုကဵုကေတ်သြန် ဂွံဟွံမာန် မဒှ်ရ။ တၞဟ်နသ္ဂောံကလိဂွံတင်နင်ပရူ စပ်ကဵုပရေင်လီဠာန် ကေုာံ ပရေင်ကဵုကေတ်လာပ်ဗဇဴတံဂှ် သ္ပဂုဏ်တုဲ လုပ်အာပ္ဍဲ မုက်ဝါပ်သာက် ဏံညိ။
မွဲအ္ခိင်တေံ သွက်မၞိဟ်ညးမလုပ်လဝ်စရင် ရဳဂျေတ်သတာ ပ္ဍဲ UNHCR တုဲတုဲတံဂှ် ဆ္ဂး ပြဟ်ပြဟ်ဏံ ဝှဴဝင်ညးတံကၟာတ်အာလဝ်တုဲ ပွမအာတ်မိက်ကလေင်ပံင်ဝှဴတၟိတံဂှ် ပ္တိုန်ပလံင်ဏာ ဇရေင် ဌာနသ္ဂုတ်သွာတ်ကဆံင်ကောန်ဒှ်ဒဒိုက် (RSD) နကဵုအဳမေလ် (mlslursd@unhcr.org) ဂွံမာန်မဒှ်ရ။ သ္ပဟိုတ်နူ လၟိဟ်မဂၞန်တင်အာတ်မိက် ကလေင်ပံင်ဝှဴတၟိ ပလံင်ပၠောပ်နင်လဝ် ပ္ဍဲဌာန RSD သၠုင်မံင်တုဲ ပ္ဍဲလၟေင်ကမၠောန် ပွမကလေင်ပံင်ဝှဴ တင်အာတ်မိက်တၟိတံဂှ် ပရေင်လဇုဲလဇ မဇၞော်ကဵုဇြဟတ်က္တဵုမာန်ဏောင်ဂှ် သ္ပဂုဏ်တုဲ စၟဳချပ်လဝ်ညိ။ ကုပူဂဵုညးမၞုံကဵုတင်ဍိုန်လျ မသ္ကာတ်မြဟ်ကီု/ဟွံသေင်မ္ဂး ကိစ္စပရေင်ဂီုကၠီု မဇၞော်ပၟိက် ကေုာံ မက္တဵုဒှ်လွာဲဂှ်မ္ဂး ကဵုအခေါင်အရာ ကဵုဖျူန်ကၠာ မဒှ်ရ။ စပ်ကဵုလၟေင်ကမၠောန်ကလေင်ပံင်ဝှဴတၟိတံဂှ် တင်နင်သောဲသောဲဗြဲဗြဲ ဒၞာဲဏံ ကလိဂွံမာန်မဒှ်ရ။