UNHCR iyo Dowladda Malaysiya ayaa muddo sannado ah ka wada-hadlayey sidii ay u sahmin lahaayeen fursadaha lagu taageerayo Dowladda ee maaraynta xaaladda qaxootiga. Iyada oo la eegayo aragtida fog ee samaynta nidaamka magangalyada dawladda, barnaamijka awood qaybsiga ayaa hadda la hirgeliyay. Xaaladdan oo kale, saraakiisha dawladdu waxay yaqaaniin mabaadi’da ilaalinta qaxoontiga iyo sharciga iyo sidoo kale nidaamyada Diiwaangelinta UNHCR iyo Go’aaminta Xaaladda Qaxoontiga (RSD).
Iyada oo hawshan qayb ka ah, UNHCR waxa ay ku soo dhawaysay masuuliyiinta dawladda xafiiska UNHCR si ay u indha indheeyaan waxa waraysiyada lala yeeshay dadka ay khusayso, maadaama u fiirsashada qof ahaaneed ay qayb ka tahay tababarka.
UNHCR ayaa isu diyaarinaysa Indho-indheynta dhowr is-diiwaangelin iyo waraysiyo RSD ah, kuwaas oo dhici doona inta u dhaxaysa 7-11 March 2022, iyada oo la aqoonsanayo lana dooranayo qaar ka mid ah dadka ay khusayso dhammaan jinsiyadaha, kuwaas oo diyaar u ah oo siiyey ogolaanshaha sarkaal dawladeed inuu kormeero Diiwaangelintooda. iyo RSD wareysi. Shaqsiyaadka la soo xulay ee ay khusayso ayaa la waaniyay oo loo sharraxay asalka hawshan waxaana la siiyay fursad ay ku fasaxaan ama aan la siinin ogolaansho sarkaal dawladeed inuu kormeero waraysigooda.
Masuulka dawladu ma samayn doono isdiiwaan galinta iyo waraysiyada RSD isla markaana si toos ah uma waydiin doono qofka ay khusayso wax su’aalo ah. Sidoo kale, sarkaalka dawladdu kuma lug lahaan doono go’aan qaadashada RSD. Sida had iyo jeer, qof kasta oo ku lug leh waraysiyada waxaa ku waajib ah inay si buuxda u ilaaliyaan sirta dhammaan hababka oo dhan.
Dadaaladani waa qayb muhiim ah oo ka mid ah nidaamka si ay ugu suurtagasho dawladda inay si fiican u fahamto hababka UNHCR oo ugu dambeyntii ay ka taageerto dawladda maaraynta xaaladda qaxootiga iyo ilaalinta qaxootiga Malaysia. Waxay sidoo kale u oggolaan doontaa shaqaalaha dawladda inay helaan faham faahfaahsan oo ku saabsan xaaladda qaxootiga iyo sababta ay uga tageen dalalkooda iyo sidoo kale baahiyaha ilaalinta qaxootiga Malaysia iyo adduunka oo dhan.